Kerala
ആലപ്പുഴ: തദ്ദേശ തെരഞ്ഞെടുപ്പില് മത്സരിച്ച ഭര്ത്താവിനെ പരാജയപ്പെടുത്തിയ നാട്ടുകാർക്ക് നന്ദി പറഞ്ഞ് സ്ഥാനാര്ഥിയുടെ ഭാര്യ.
മാന്നാര് ഗ്രാമപഞ്ചായത്തിലെ നാലാം വാര്ഡിലെ സിപിഎം സ്ഥാനാര്ഥി സജികുമാര് പരടയിലിന്റെ ഭാര്യ സിന്ധു പരടയിലാണ് ഫേസ്ബുക്ക് പോസ്റ്റിലൂടെ ജനങ്ങള്ക്ക് നന്ദി പറഞ്ഞത്. ബിജെപി സ്ഥാനാര്ഥി കലാധരനാണ് സജികുമാറിനെ തോല്പ്പിച്ചത്.
മാന്നാര് ഗ്രാമപ്പഞ്ചായത്ത് നാലാം വാര്ഡ് നിവാസികള്ക്ക് നന്ദി !' -എന്നായിരുന്നു സിന്ധു പരടയിലിന്റെ ആദ്യ പോസ്റ്റ്. ഇതിനു പിന്നാലെ എന്തിനാണ് നന്ദി പറഞ്ഞതെന്ന് വിശദീകരിച്ച് സിന്ധു മറ്റൊരു പോസ്റ്റുകൂടി പങ്കുവയ്ക്കുകയായിരുന്നു.
ഔദ്യോഗിക സ്ഥാനത്തുള്ള ഒരാള്ക്ക് പറ്റിയതല്ല വാര്ഡ് മെമ്പറുടെ പണി എന്നും പ്രത്യേകിച്ച് ഒരു ജോലിയുമില്ലാത്ത ആള്ക്ക് മാത്രമേ വാര്ഡ് മെമ്പറാകാന് കഴിയൂ എന്നും സിന്ധു ഫേസ്ബുക്ക് കുറിപ്പിൽ പറയുന്നു.
സജികുമാര് പിഎസ്സി പരീക്ഷയെഴുതി അഭിമുഖം കഴിഞ്ഞ് കുട്ടമ്പേരൂര് സര്വീസ് സഹകരണ ബാങ്കിന്റെ സെക്രട്ടറിയായി കഴിഞ്ഞ 20 വര്ഷമായി ജോലി ചെയ്യുകയാണ്. അഞ്ച് വര്ഷത്തിനുള്ളില് തങ്ങള് രണ്ടുപേരും വിരമിക്കും. പെന്ഷന് പറ്റിക്കഴിഞ്ഞാല് വിദേശത്തേക്ക് പറക്കാനാണ് തന്റെ ഉറച്ച തീരുമാനം.
പക്ഷേ പഞ്ചായത്തും പിടിച്ച് നില്ക്കുന്ന ഇദ്ദേഹം ഒരിക്കലും ആ വഴിക്ക് വരില്ല. തെരഞ്ഞെടുപ്പില് നില്ക്കരുതെന്ന് എത്ര നിര്ബന്ധിച്ചിട്ടും പാര്ട്ടിയുടെ തീരുമാനം എന്നുപറഞ്ഞ് മനസില്ലാ മനസോടെ നില്ക്കുകയായിരുന്നു. ഒരു പരിശ്രമവും കൂടാതെ എനിക്ക് സൗകര്യം ഒപ്പിച്ചുതന്നതിനാണ് താന് നന്ദി പറഞ്ഞതെന്നും സിന്ധു ഫേസ്ബുക്ക് കുറിപ്പിൽ വ്യക്തമാക്കുന്നു.
Kerala
വയനാട്: സംസ്ഥാനത്തെ ഏക വാര്ഡ് നിലനിര്ത്തി ആം ആദ്മി പാര്ട്ടി. കരിങ്കുന്നം പഞ്ചായത്ത് പതിമൂന്നാം വാര്ഡിലെ ആം ആദ്മി പാർട്ടി സ്ഥാനാർഥി ബീനാ കുര്യന് ആണ് വിജയിച്ചത്.
യുഡിഎഫ് സ്ഥാനാര്ഥിക്കെതിരെ 113 വോട്ടിന്റെ ഭൂരിപക്ഷത്തിനാണ് ആണ് ബീന കുര്യന്റെ വിജയം. വര്ഷങ്ങളോളം ഡല്ഹിയില് ജോലി ചെയ്തിരുന്ന ബീന കുര്യന് അരവിന്ദ് കേജരിവാളിന്റെ പ്രവര്ത്തനങ്ങളില് ആകൃഷ്ടയായാണ് ആം ആദ്മി പാര്ട്ടിയിലേക്ക് എത്തിയത്.
Kerala
ഇടുക്കി: സജീവ രാഷ്ട്രീയം അവസാനിപ്പിക്കുന്നുവെന്ന് മുതിർന്ന കോൺഗ്രസ് നേതാവ് ഇ.എം. അഗസ്തി.
കട്ടപ്പന മുനിസിപ്പാലിറ്റിയിലെ 22ാം വാർഡായ ഇരുപതേക്കാറിൽ സ്ഥാനാർത്ഥിയായി മത്സരിച്ച ഇഎം. ആഗസ്തി പരാജയപ്പെട്ടിരുന്നു. ഇതിനു പിന്നാലെയാണ് സജീവ രാഷ്ട്രീയത്തിൽ നിന്നും പിന്മാറുകയാണെന്ന് സമൂഹമാധ്യമങ്ങളിലൂടെ അഗസ്തി അറിയിച്ചത്.
"ജനവിധിയെ മാനിക്കുന്നു. അരനൂറ്റാണ്ടിലേറെ തുടർന്ന രാഷ്ട്രീയ ജീവിതം അവസാനിപ്പിക്കാൻ സമയമായെന്ന് മനസിലാക്കുന്നു. ജീവിതകാലം മുഴുവൻ കോൺഗ്രസ് പാർട്ടിക്ക് വേണ്ടി പ്രവർത്തിക്കും. ഇനി വേദിയിലല്ല സദസിലായിരിക്കും താൻ ഉണ്ടാവുക'.-ഇം.എം. അഗസ്തി പറഞ്ഞു.
Kerala
ഇടുക്കി: കട്ടപ്പന നഗരഭയിൽ മത്സരിച്ച എഐസിസി അംഗവും മുൻ എംഎൽഎയുമായ ഇ.എം. അഗസ്തി പരാജയപ്പെട്ടു.
മൂന്ന് തവണ എംഎൽഎ, ജില്ലാ ബാങ്ക് പ്രസിഡന്റ്. കെപിസിസി ജനറൽ സെക്രട്ടറി, ഡിസിസി പ്രസിഡന്റ് തുടങ്ങിയ പ്രമുഖ സ്ഥാനങ്ങൾ വഹിച്ചിട്ടുള്ള കോൺഗ്രസിന്റെ മുതിർന്ന നേതാവാണ് ഇം.എം. അഗസ്തി.
കട്ടപ്പന നഗരസഭ 22-ാം വാർഡ് ഇരുപതേക്കറിലാണ് അഗസ്തി മത്സരിച്ചത്. ഇടതുപക്ഷ സ്ഥാനാർഥി സി.ആർ. മുരളി 60 വോട്ടുകളുടെ ഭൂരിപക്ഷത്തിലാണ് വാർഡ് പിടിച്ചെടുത്തത്. സിപിഎം ലോക്കൽ സെക്രട്ടറിയാണ് സി.ആർ. മുരളി.
Kerala
തിരുവനന്തപുരം: നടി ആക്രമിക്കപ്പെട്ട കേസിൽ താൻ അതിജീവിതയ്ക്ക് ഒപ്പമാണെന്നും സർക്കാർ അപ്പീലിന് പോകുന്നതാണ് ശരിയെന്നും ശശി തരൂർ എംപി.
തദ്ദേശ തെരഞ്ഞെടുപ്പിൽ തിരുവനന്തപുരം കോട്ടൺഹിൽ സ്കൂളിൽ വോട്ട് ചെയ്യാനെത്തിയപ്പോൾ മാധ്യമങ്ങളോട് സംസാരിക്കുകയായിരുന്നു അദ്ദേഹം.
ഇതിൽ ന്യായത്തിന്റെ പക്ഷമാണ് പിടിക്കേണ്ടത്. ഏതെങ്കിലും ഒരു വശം പിടിക്കേണ്ടതില്ല. നീതി കിട്ടിയിട്ടില്ല എന്ന് നടിക്ക് തോന്നുന്നുണ്ടാകും. നിയമനടപടികൾ നടക്കട്ടെ.- ശശി തരൂർ പറഞ്ഞു.
നടൻ ദിലീപിനെ പിന്തുണച്ചുകൊണ്ടുള്ള യുഡിഎഫ് കൺവീനർ അടൂർ പ്രകാശിന്റെ പരാമർശത്തെ കുറിച്ചുള്ള ചോദ്യത്തിന്, യുഡിഎഫ് കൺവീനർ പറഞ്ഞത് അദ്ദേഹത്തോട് ചോദിക്കൂ എന്നായിരുന്നു തരൂരിന്റെ മറുപടി.
ഞാൻ എന്തെങ്കിലും ചെയ്യുകയോ പറയുകയോ ചെയ്തിട്ടുണ്ടെങ്കിൽ എന്നോട് ചോദിക്കാമെന്നും മറ്റൊരാൾ പറഞ്ഞതിൽ എന്നോട് ചോദിച്ചിട്ട് കാര്യമില്ലെന്നും അദ്ദേഹം വ്യക്തമാക്കി.
Kerala
കോട്ടയം: പൂഞ്ഞാറിൽ എസ്ഐആർ ജോലി ഭാരത്തെ തുടർന്ന് ബിഎൽഒയുടെ ആത്മഹത്യഭീഷണി. വാട്സ് ആപ് ഗ്രൂപ്പിലൂടെയാണ് ബിഎൽഒയുടെ ആത്മഹത്യഭീഷണി പുറത്തുവന്നത്. പൂഞ്ഞാർ മണ്ഡത്തിലെ 110 ആം ബൂത്തിലെ ബിഎൽഒ ആന്റണിയുടേതാണ് സന്ദേശം.
ഓഡിയോ സന്ദേശമായാണ് ആന്റണി ഉദ്യോഗസ്ഥരുടെ വാട്സ് ആപ് ഗ്രൂപ്പിലൂടെ ദയനീയാവസ്ഥ വിവരിച്ചത്. എസ്ഐആർ ജോലി ഭാരത്തെ തുടർന്നുള്ള സമ്മർദം തനിക്ക് താങ്ങാനാകുന്നില്ലെന്നും സന്ദേശത്തിൽ പറയുന്നു.
മാനസികനില തകർന്നെന്നും ആത്മഹത്യ ചെയ്യാനുള്ള തോന്നലാണെന്നും ആന്റണിയുടെ ശബ്ദ സന്ദേശത്തിലുണ്ട്. ഇടുക്കിയിൽ പോളിടെക്നിക്ക് ജീവനക്കാരനാണ് ആന്റണി.