കീ​വ്: റ​ഷ്യ - യു​ക്രെ​യ്ൻ യു​ദ്ധം അ​വ​സാ​നി​പ്പി​ക്കാ​നു​ള്ള സ​മാ​ധാ​ന ക​രാ​ർ അം​ഗീ​ക​രി​ക്കാ​ൻ യു​എ​സി​ന്‍റെ സ​മ്മ​ർ​ദം ഏ​റി​വ​രു​ന്ന​താ​യി യു​ക്രെ​യ്‌​ൻ പ്ര​സി​ഡ​ന്‍റ് വ്ളോ​ഡി​മി​ർ സെ​ലെ​ൻ​സ്കി. റ​ഷ്യ​യ്ക്കു നേ​ട്ട​മാ​കു​ന്ന സ​മാ​ധാ​ന പ​ദ്ധ​തി​ക്കു വ​ഴ​ങ്ങാ​ൻ യു​ക്രെ​യ്നു​മേ​ൽ യു​എ​സ് സ​മ്മ​ർ​ദം ശ​ക്ത​മാ​ക്കി​യ​തി​നു പി​ന്നാ​ലെ രാ​ജ്യ​ത്തെ അ​ഭി​സം​ബോ​ധ​ന ചെ​യ്തു സം​സാ​രി​ക്കു​ക​യാ​യി​രു​ന്നു സെ​ലെ​ൻ​സ്കി.

ഒ​ന്നു​കി​ൽ രാ​ജ്യ​ത്തി​ന്‍റെ അ​ന്ത​സ് ന​ഷ്ട​പ്പെ​ടു​ത്തു​ക അ​ല്ലെ​ങ്കി​ൽ സു​പ്ര​ധാ​ന സ​ഖ്യ​ക​ക്ഷി​യെ ന​ഷ്ട​പ്പെ​ടു​ത്തു​ക എ​ന്ന ക​ടു​പ്പ​മേ​റി​യ തീ​രു​മാ​നം എ​ടു​ക്കേ​ണ്ടി​വ​രും. യു​എ​സു​മാ​യി ക്രി​യാ​ത്മ​ക​മാ​യി പ്ര​വ​ർ​ത്തി​ക്കാ​ൻ താ​ൻ പ്ര​തി​ജ്ഞാ​ബ​ദ്ധ​നാ​ണെ​ങ്കി​ലും യു​ക്രെ​യ്‌‌‌​നി​ന്‍റെ ദേ​ശീ​യ താ​ൽ​പ്പ​ര്യ​ങ്ങ​ളോ പ​ര​മാ​ധി​കാ​ര​മോ വി​ട്ടു​വീ​ഴ്ച ചെ​യ്യി​ല്ലെ​ന്ന് സെ​ലെ​ൻ​സ്കി പ​റ​ഞ്ഞു.

റ​ഷ്യ​യു​ടെ അം​ഗീ​കാ​ര​ത്തോ​ടെ ട്രം​പ് ഭ​ര​ണ​കൂ​ടം ത​യാ​റാ​ക്കി​യ വെ​ടി​നി​ർ​ത്ത​ൽ ക​രാ​ർ യു​ക്രെ​യ്ൻ അം​ഗീ​ക​രി​ച്ചി​ല്ലെ​ങ്കി​ൽ ആ​യു​ധ​സ​ഹാ​യം പി​ൻ​വ​ലി​ക്കു​മെ​ന്നു ട്രം​പ് മു​ന്ന​റി​യി​പ്പു ന​ൽ​കി​യി​ട്ടു​ണ്ട്. വ​രു​ന്ന വ്യാ​ഴാ​ഴ്ച​യ്ക്ക​കം ക​രാ​റി​ൽ ഒ​പ്പി​ട​ണ​മെ​ന്നാ​ണ് അ​ന്ത്യ​ശാ​സ​നം.

100 ദി​വ​സ​ത്തി​ന​കം യു​ക്രെ​യ്നി​ൽ തെ​ര​ഞ്ഞെ​ടു​പ്പു ന​ട​ത്ത​ണ​മെ​ന്നും സൈ​നി​ക​രു​ടെ എ​ണ്ണം കു​റ​യ്ക്ക​ണ​മെ​ന്നും ക​രാ​റി​ലു​ണ്ട്. യു​ദ്ധ​ത്തി​ൽ പി​ടി​ച്ചെ​ടു​ത്ത കി​ഴ​ക്ക​ൻ യു​ക്രെ​യ്നി​ലെ അ​ഞ്ച് മേ​ഖ​ല​ക​ൾ കൈ​വ​ശം വ​യ്ക്കാ​ൻ റ​ഷ്യ​യെ അ​നു​വ​ദി​ക്ക​ണ​മെ​ന്നും ക​രാ​റി​ലു​ണ്ട്. 28 ഇ​ന ക​രാ​റി​ന്‍റെ ക​ര​ട് യു​ക്രെ​യ്ൻ പ്ര​സി​ഡ​ന്‍റ് വ്ളോ​ഡി​മി​ർ സെ​ലെ​ൻ​സ്കി​ക്കു കൈ​മാ​റി.