നി​ങ്ങ​ളു​ടെ പേ​ര് കേ​ന്ദ്ര​മെ​ന്നോ സം​സ്ഥാ​ന​മെ​ന്നോ ആ​യി​ക്കൊ​ള്ള​ട്ടെ; പാ​ലി​യേ​ക്ക​ര​യി​ൽ കു​ടു​ങ്ങി​യ യാ​ത്ര​ക്കാ​ർ അ​ന്വേ​ഷി​ച്ചി​ട്ടു കാ​ണു​ന്നി​ല്ല.‌

അ​വ​ർ തോ​ക്കും ക​ത്തി​യു​മാ​യി കു​തി​ര​പ്പു​റ​ത്തു പാ​ഞ്ഞെ​ത്തു​ന്നി​ല്ല. പ​ക്ഷേ, ഹൈ​വേ കൊ​ള്ള​ക്കാ​രു​ടെ സ​ങ്കേ​ത​ത്തി​ലെ​ന്ന​പോ​ലെ പാ​ലി​യേ​ക്ക​ര​യി​ൽ യാ​ത്ര​ക്കാ​രെ ത​ട​ഞ്ഞു​വ​ച്ചി​രി​ക്കു​ക​യാ​ണ്. സ​ർ​ക്കാ​ർ ര​ക്ഷി​ക്കാ​നെ​ത്തു​ന്നി​ല്ല. പ​ക്ഷേ, ക​രാ​ർ ക​ന്പ​നി​യാ​യ ജി​ഐ​പി​എ​ല്ലി​നെ സ​ഹാ​യി​ക്കു​ന്നു​മു​ണ്ട്. സ​ർ​ക്കാ​രി​ന്‍റെ ഭാ​ഗ​മാ​യ ദേ​ശീ​യ​പാ​താ അ​ഥോ​റി​റ്റി പി​രി​വി​ന്‍റെ കാ​ലാ​വ​ധി ക​ന്പ​നി​ക്കു നീ​ട്ടി​ക്കൊ​ടു​ത്തു.

ത​ക​ർ​ന്ന റോ​ഡു​ക​ളും അ​ഴി​യാ​ത്ത ഗ​താ​ഗ​ത​ക്കു​രു​ക്കും അ​സ​ഹ്യ​മാ​യ​പ്പോ​ൾ ഹൈ​ക്കോ​ട​തി ടോ​ൾ പി​രി​വ് താ​ത്കാ​ലി​ക​മാ​യി നി​ർ​ത്തി​വ​ച്ചെ​ങ്കി​ലും അ​തൊ​ഴി​വാ​ക്കാ​ൻ അ​ഥോ​റി​റ്റി സു​പ്രീം​കോ​ട​തി​യി​ലെ​ത്തി. കോ​ട​തി​യു​ടെ വി​മ​ർ​ശ​ന​മേ​റ്റെ​ങ്കി​ലും ഇ​പ്പോ​ഴി​താ സെ​പ്റ്റം​ബ​ർ ഒ​ന്നു​മു​ത​ൽ ടോ​ൾ നി​ര​ക്ക് വ​ർ​ധി​പ്പി​ക്കാ​ൻ ഉ​ത്ത​ര​വു​മാ​യി. ഇ​തേ ദേ​ശീ​യ​പാ​താ അ​ഥോ​റി​റ്റി കോ​ടി​ക​ളെ​റി​ഞ്ഞ് പ്രി​യ​പ്പെ​ട്ട ക​രാ​റു​കാ​രെ​ക്കൊ​ണ്ട് പ​ണി​യി​ച്ച പാ​ത​ക​ളാ​ണ് അ​ടു​ത്ത​യി​ടെ പാ​താ​ള​ത്തി​ലേ​ക്കു പോ​യ​ത്.

ക​രാ​റു​കാ​രെ​യും ടോ​ൾ പി​രി​വു​കാ​രെ​യു​മൊ​ക്കെ നി​യ​ന്ത്രി​ക്കാ​നാ​വാ​ത്ത എ​ന്തു ബ​ന്ധ​മാ​ണ് ഇ​വ​രു​മാ​യി സ​ർ​ക്കാ​രി​നു​ള്ള​ത്?2011 ഫെ​ബ്രു​വ​രി മു​ത​ൽ 2024 ഡി​സം​ബ​ർ 31 വ​രെ 1,506.28 കോ​ടി രൂ​പ പാ​ലി​യേ​ക്ക​ര​യി​ൽ പി​രി​ച്ചെ​ന്നാ​ണ് ദേ​ശീ​യ​പാ​താ അ​ഥോ​റി​റ്റി​യു​ടെ ക​ണ​ക്ക്. ഓ​ഗ​സ്റ്റ് വ​രെ​യു​ള്ള ക​ണ​ക്കെ​ടു​ത്താ​ൽ അ​ത് 1,700 കോ​ടി​യോ​ള​മാ​കും. നി​ർ​മാ​ണ​ച്ചെ​ല​വ് 723 കോ​ടി. മ​റ്റു ചെ​ല​വു​ക​ൾ കൂ​ട്ടി​യാ​ലും ഇ​ര​ട്ടി​യി​ലേ​റെ സ​ന്പാ​ദി​ച്ചു.

പ​ക്ഷേ, റോ​ഡു​ക​ൾ പ​ല​യി​ട​ത്തും താ​റു​മാ​റാ​യി. ഗ​താ​ഗ​ത​ക്കു​രു​ക്ക് ചി​ല​പ്പോ​ൾ 12 മ​ണി​ക്കൂ​ർ വ​രെ​യാ​യി. പു​തി​യ അ​ടി​പ്പാ​ത​ക​ളു​ടെ നി​ര്‍​മാ​ണം തു​ട​ങ്ങി​യ​പ്പോ​ള്‍ വാ​ഹ​ന​ങ്ങ​ള്‍​ക്ക് ക​ട​ന്നു​പോ​കാ​ന്‍ ബ​ദ​ല്‍ സം​വി​ധാ​നം ഒ​രു​ക്കി​യി​രു​ന്നി​ല്ല. ഇ​ത് സ​ര്‍​വീ​സ് റോ​ഡു​ക​ളി​ല്‍ ഗ​താ​ഗ​ത​ക്കു​രു​ക്ക് രൂ​ക്ഷ​മാ​ക്കി. തു​ട​ർ​ന്ന് ദേ​ശീ​യ​പാ​ത 544ൽ ​ഇ​ട​പ്പ​ള്ളി - മ​ണ്ണു​ത്തി ഭാ​ഗ​ത്തെ ടോ​ൾ​പി​രി​വ് നാ​ലാ​ഴ്ച​ത്തേ​ക്കു നി​ര്‍​ത്തി​വ​യ്ക്കാ​ൻ ഹൈ​ക്കോ​ട​തി ഇ​ട​ക്കാ​ല ഉ​ത്ത​ര​വാ​യി.

ഇ​തി​നെ​തി​രേ ക​ന്പ​നി മാ​ത്ര​മ​ല്ല ദേ​ശീ​യ​പാ​താ അ​ഥോ​റി​റ്റി​യും സു​പ്രീം​കോ​ട​തി​യി​ലെ​ത്തി. അ​ടി​പ്പാ​ത​ക​ളു​ടെ നി​ര്‍​മാ​ണം ന​ട​ത്തി​യ​ത് മ​റ്റൊ​രു ക​മ്പ​നി​ക്കാ​രാ​യ​തി​നാ​ൽ ഇ​പ്പോ​ഴ​ത്തെ പ്ര​ശ്‌​ന​ങ്ങ​ള്‍​ക്കു കാ​ര​ണം ത​ങ്ങ​ള​ല്ല എ​ന്ന ജി​ഐ​പി​എ​ലി​ന്‍റെ വാ​ദം വി​ല​പ്പോ​യി​ല്ല. മ​ണി​ക്കൂ​റു​ക​ളോ​ളം ഗ​താ​ഗ​ത​ക്കു​രു​ക്കി​ൽ കി​ട​ക്കാ​ൻ യാ​ത്ര​ക്കാ​ർ എ​ന്തി​നാ​ണ് പ​ണം കൊ​ടു​ക്കു​ന്ന​തെ​ന്നു ചോ​ദി​ച്ച സു​പ്രീം​കോ​ട​തി, ഹൈ​ക്കോ​ട​തി​വി​ധി ശ​രി​വ​ച്ചു.

കേ​ര​ള​ത്തി​ൽ ഇ​ത്ത​വ​ണ കാ​ല​വ​ർ​ഷം തു​ട​ങ്ങി​യ​തോ​ടെ ദേ​ശീ​യ​പാ​ത​യു​ടെ പു​ത്ത​ൻ നി​ർ​മി​തി​ക​ൾ പ​ല​യി​ട​ത്തും ഒ​ലി​ച്ചു​പോ​യ​ത് കേ​ര​ളം ന​ടു​ക്ക​ത്തോ​ടെ​യാ​ണു ക​ണ്ട​ത്. കു​ന്നു​ക​ളോ​ടു ചേ​ർ​ന്നും ച​തു​പ്പു​നി​ല​ങ്ങ​ളി​ലും റോ​ഡ് പ​ണി​യു​ന്പോ​ൾ മ​ണ്ണി​ന്‍റെ ഉ​റ​പ്പി​നെ​ക്കു​റി​ച്ചും മ​ണ്ണി​ടി​ച്ചി​ൽ സാ​ധ്യ​ത​ക​ളെ​ക്കു​റി​ച്ചും നാ​ട്ടു​കാ​ർ​ക്കു തോ​ന്നി​യ സം​ശ​യ​ങ്ങ​ൾ​പോ​ലും ക​രാ​റു​കാ​ർ​ക്കും ദേ​ശീ​യ​പാ​താ അ​ഥോ​റി​റ്റി എ​ൻ​ജി​നി​യ​ർ​മാ​ർ​ക്കും തോ​ന്നി​യി​രു​ന്നി​ല്ല.

ഏ​താ​ണ്ട് ഇ​തേ​യ​വ​സ്ഥ​യാ​ണ് ടോ​ൾ പ്ലാ​സ​യോ​ട് അ​നു​ബ​ന്ധി​ച്ചും ഉ​ണ്ടാ​യി​രി​ക്കു​ന്ന​ത്. ഹൈ​വേ​യി​ൽ അ​റ്റ​കു​റ്റ​പ്പ​ണി​യി​ല്ല, സ​ർ​വീ​സ് റോ​ഡു​ക​ൾ​ക്കൊ​ന്നും നി​ല​വാ​ര​മി​ല്ല, അ​വി​ടേ​ക്കു പ്ര​വേ​ശി​ക്കു​ന്നി​ട​ത്ത് വീ​തി കൂ​ട്ടു​ക​യോ ഉ​യ​രം ക്ര​മീ​ക​രി​ക്കു​ക​യോ ചെ​യ്തി​ല്ല, വാ​ഹ​ന​ങ്ങ​ൾ വ​ഴി​തി​രി​ച്ചു​വി​ടാ​നു​ള്ള സ​മാ​ന്ത​ര റോ​ഡു​ക​ൾ ഗ​താ​ഗ​ത​യോ​ഗ്യ​മാ​ക്കി​യി​ല്ല, വെ​ള്ളം ഒ​ഴു​കി​പ്പോ​കാ​ൻ കാ​ന​ക​ളി​ല്ല... പ​രാ​തി​ക​ളൊ​ന്നും ക​ന്പ​നി ഗൗ​നി​ച്ചി​ല്ല.

ക​രാ​ർ ലം​ഘ​ന​ത്തി​ന്‍റെ പേ​രി​ൽ ക​മ്പ​നി​യെ ക​രി​മ്പ​ട്ടി​ക​യി​ൽ​പ്പെ​ടു​ത്താ​ൻ നോ​ട്ടീ​സ് ന​ൽ​കി​യ ദേ​ശീ​യ​പാ​താ അ​ഥോ​റി​റ്റി 2,243.53 കോ​ടി രൂ​പ പി​ഴ​യും ചു​മ​ത്തി​യി​രു​ന്നു. ഇ​തി​നെ​തി​രേ ക​ന്പ​നി കോ​ട​തി​യെ സ​മീ​പി​ച്ചി​ട്ടു​മു​ണ്ട്. എ​ന്നി​ട്ടും കോ​ട​തി​യി​ൽ ക​ന്പ​നി​ക്കു​വേ​ണ്ടി അ​ഥോ​റി​റ്റി നി​ല​കൊ​ണ്ടു. ആ​കെ​യൊ​രു പൊ​രു​ത്ത​ക്കേ​ടാ​ണ്. സം​സ്ഥാ​ന സ​ര്‍​ക്കാ​രും ജ​ന​ങ്ങ​ളെ വ​ഞ്ചി​ക്കു​ക​യാ​ണെ​ന്നാ​ണ് വി​ഷ​യം ഹൈ​ക്കോ​ട​തി​യി​ലെ​ത്തി​ച്ച ഹ​ർ​ജി​ക്കാ​ര​നാ​യ കെ​പി​സി​സി സെ​ക്ര​ട്ട​റി ഷാ​ജി കോ​ട​ങ്ക​ണ്ട​ത്ത് പ​റ​ഞ്ഞ​ത്.

ടോ​ൾ​പി​രി​വ് ത​ട​ഞ്ഞ ഹൈ​ക്കോ​ട​തി​യു‌​ടെ ഇ​ട​ക്കാ​ല ഉ​ത്ത​ര​വി​നെ​തി​രേ ദേ​ശീ​യ​പാ​താ അ​ഥോ​റി​റ്റി​യും ക​രാ​ർ ക​ന്പ​നി​യും സു​പ്രീം​കോ​ട​തി​യി​ലെ​ത്തി​യ​പ്പോ​ൾ എ​തി​ർ​ക​ക്ഷി​ക​ളി​ൽ ഉ​ണ്ടാ​യി​രു​ന്ന സം​സ്ഥാ​ന സ​ർ​ക്കാ​ർ ജ​ന​ങ്ങ​ളു​ടെ ദു​രി​തം ശ്ര​ദ്ധ​യി​ൽ കൊ​ണ്ടു​വ​ന്നി​ല്ല. സ​ര്‍​ക്കാ​രി​ന്‍റെ സ്റ്റാ​ൻ​ഡിം​ഗ് കൗ​ണ്‍​സ​ല്‍​മാ​ര്‍ വാ​ദം ന​ട​ന്ന ര​ണ്ടു​ദി​വ​സ​വും കോ​ട​തി​യി​ൽ എ​ത്തി​യു​മി​ല്ലെ​ന്ന് അ​ദ്ദേ​ഹം പ​റ​ഞ്ഞു.

ത​മി​ഴ്‌​നാ​ട് സ​ര്‍​ക്കാ​ര്‍ ക​രി​മ്പ​ട്ടി​ക​യി​ല്‍ പെ​ടു​ത്താ​ന്‍ നോ​ട്ടീ​സ് ന​ല്‍​കി​യ ക​മ്പ​നി​യാ​ണ് ദേ​ശീ​യ​പാ​ത​യി​ല്‍ പു​തി​യ നി​ര്‍​മാ​ണ പ്ര​വ​ര്‍​ത്ത​ന​ങ്ങ​ള്‍ ന​ട​ത്തു​ന്ന​തെ​ന്ന​തും മ​റ​ക്ക​രു​ത്. കേ​ന്ദ്ര​മാ​യാ​ലും സം​സ്ഥാ​ന​മാ​യാ​ലും ഇ​ത്ത​രം വി​ട്ടു​വീ​ഴ്ച​ക​ൾ വി​ശ​ദീ​ക​രി​ച്ചി​ല്ലെ​ങ്കി​ൽ അ​ഴി​മ​തി മ​ണ​ക്കും. ത​ട​സ​മി​ല്ലാ​ത്ത​തും വേ​ഗ​ത്തി​ലു​ള്ള​തും സു​ഖ​ക​ര​വു​മാ​യ സ​ഞ്ചാ​ര​ത്തി​നാ​ണ് ചോ​ദി​ക്കു​ന്ന പ​ണം യാ​ത്ര​ക്കാ​ർ കൊ​ടു​ക്കു​ന്ന​ത്.

അ​ത് ഉ​റ​പ്പാ​ക്കേ​ണ്ട ബാ​ധ്യ​ത സ​ർ​ക്കാ​രി​നു​ണ്ട്. വ​ഴി ന​ന്നാ​ക്കാ​തെ പി​രി​വെ​ടു​ക്കു​ന്ന​തു കൊ​ള്ള​യാ​ണ്. എ​ന്നി​ട്ടും അ​തി​നു​ള്ള കാ​ലാ​വ​ധി നീ​ട്ടി​ക്കൊ​ടു​ക്കു​ന്ന​ത് ക​ള്ള​നു കാ​വ​ൽ നി​ൽ​ക്ക​ലാ​ണ്. സ​ർ​ക്കാ​രു​ക​ൾ ഉ​ത്ത​ര​വാ​ദി​ത്വം നി​ർ​വ​ഹി​ച്ചി​രു​ന്നെ​ങ്കി​ൽ വ്യ​ക്തി​ക​ൾ​ക്കു കോ​ട​തി​യെ സ​മീ​പി​ക്കേ​ണ്ടി​വ​രി​ല്ലാ​യി​രു​ന്നു. നി​ങ്ങ​ളു​ടെ പേ​ര് കേ​ന്ദ്ര​മെ​ന്നോ സം​സ്ഥാ​ന​മെ​ന്നോ ആ​യി​ക്കൊ​ള്ള​ട്ടെ; പാ​ലി​യേ​ക്ക​ര​യി​ൽ കു​ടു​ങ്ങി​യ യാ​ത്ര​ക്കാ​ർ അ​ന്വേ​ഷി​ച്ചി​ട്ടു കാ​ണു​ന്നി​ല്ല.

കൊ​ച്ചി: ഇ​ട​പ്പ​ള്ളി-​മ​ണ്ണു​ത്തി ദേ​ശീ​യ​പാ​ത​യി​ല്‍ നി​ര്‍​മാ​ണ​പ്ര​വ​ര്‍​ത്ത​ന​ങ്ങ​ള്‍​മൂ​ല​മു​ള്ള ഗ​താ​ഗ​ത​ക്കു​രു​ക്ക് രൂ​ക്ഷ​മാ​യി​ട്ടും ടോ​ള്‍ പി​രി​വ് നി​ര്‍​ത്തി​വ​യ്ക്കാ​ത്ത​തെ​ന്തെ​ന്ന് ദേ​ശീ​യ​പാ​ത അ​ഥോ​റി​റ്റി​യോ​ട് ഹൈ​ക്കോ​ട​തി. ഇ​ക്കാ​ര​ത്തി​ല്‍ റി​പ്പോ​ര്‍​ട്ട് ന​ല്‍​കാ​ന്‍ ജ​സ്റ്റീ​സു​മാ​രാ​യ എ. ​മു​ഹ​മ്മ​ദ് മു​ഷ്താ​ഖ്, ജോ​ണ്‍​സ​ണ്‍ ജോ​ണ്‍ എ​ന്നി​വ​രു​ള്‍​പ്പെ​ട്ട ഡി​വി​ഷ​ന്‍ ബെ​ഞ്ച് നി​ര്‍​ദേ​ശി​ച്ചു.

അ​തേ​സ​മ​യം ജി​ല്ലാ ക​ള​ക്ട​റു​ടെ നേ​തൃ​ത്വ​ത്തി​ല്‍ ദേ​ശീ​യ​പാ​ത അ​ഥോ​റി​റ്റി​യും ജ​ന​പ്ര​തി​നി​ധി​ക​ളും റ​വ​ന്യു, പൊ​തു​മ​രാ​മ​ത്ത് ഉ​ദ്യോ​ഗ​സ്ഥ​രു​മ​ട​ക്കം ക​ഴി​ഞ്ഞ ദി​വ​സം ന​ട​ത്തി​യ സം​യു​ക്ത പ​രി​ശോ​ധ​നാ റി​പ്പോ​ര്‍​ട്ടി​ലും രൂ​ക്ഷ​മാ​യ ഗ​താ​ഗ​ത​ക്കു​രു​ക്ക് ചൂ​ണ്ടി​ക്കാ​ട്ടി​യി​ട്ടു​ണ്ട്. ഇ​ത് പ​രി​ശോ​ധി​ച്ച​ശേ​ഷ​മാ​ണ് കാ​ര​ണം കാ​ണി​ക്കാ​ന്‍ ദേ​ശീ​യ​പാ​ത അ​ഥോ​റി​റ്റി​യോ​ട് നി​ര്‍​ദേ​ശി​ച്ച​ത്. ഹ​ര്‍​ജി വീ​ണ്ടും ജൂ​ലൈ ഏ​ഴി​ന് പ​രി​ഗ​ണി​ക്കും.

സൈ​ഡ് റോ​ഡു​ക​ളും സ​ര്‍​വീ​സ് റോ​ഡു​ക​ളും മോ​ശം അ​വ​സ്ഥ​യി​ലാ​യ​തും കൃ​ത്യ​മാ​യ അ​റ്റ​കു​റ്റ​പ്പ​ണി ന​ട​ക്കാ​ത്ത​തു​മാ​ണ് ഗ​താ​ഗ​ത​ക്കു​രു​ക്കി​ന്‍റെ മു​ഖ്യ കാ​ര​ണ​ങ്ങ​ളി​ലൊ​ന്നെ​ന്ന് ചൂ​ണ്ടി​ക്കാ​ട്ടി​യാ​യി​രു​ന്നു റി​പ്പോ​ര്‍​ട്ട്. അ​ടി​പ്പാ​ത​ക​ളു​ടെ നി​ര്‍​മാ​ണം ന​ട​ക്കു​ന്ന​തി​നാ​ല്‍ രൂ​ക്ഷ​മാ​യ ഗ​താ​ഗ​ത​ക്കു​രു​ക്ക് ചൂ​ണ്ടി​ക്കാ​ട്ടി പാ​ലി​യേ​ക്ക​ര ടോ​ള്‍ പി​രി​വ് നി​ര്‍​ത്തി​വ​യ്ക്ക​ണ​മെ​ന്നാ​വ​ശ്യ​പ്പെ​ട്ട് കെ​പി​സി​സി സെ​ക്ര​ട്ട​റി ഷാ​ജി കോ​ട​ങ്ക​ണ്ട​ത്ത് ന​ല്‍​കി​യ ഉ​പ​ഹ​ര്‍​ജി​യാ​ണ് ഡി​വി​ഷ​ന്‍ ബെ​ഞ്ച് പ​രി​ഗ​ണി​ച്ച​ത്.

അ​ടി​പ്പാ​ത​ക​ളു​ടെ ക​രാ​ര്‍ ന​ല്‍​കി​യി​രി​ക്കു​ന്ന​ത് മ​റ്റൊ​രു ക​മ്പ​നി​ക്കാ​ണെ​ന്ന് ദേ​ശീ​യ​പാ​ത അ​ഥോ​റി​ട്ടി നേ​ര​ത്തേ ചൂ​ണ്ടി​ക്കാ​ണി​ച്ചി​രു​ന്നു. എ​ന്നാ​ല്‍, ടോ​ള്‍ പി​രി​വി​ന് ക​രാ​ര്‍ ന​ല്‍​കി​യി​രി​ക്കു​ന്ന ക​മ്പ​നി​ക്ക് സൈ​ഡ് റോ​ഡു​ക​ളും സ​ര്‍​വീ​സ് റോ​ഡു​ക​ളും കൃ​ത്യ​മാ​യി അ​റ്റ​കു​റ്റ​പ്പ​ണി​ക​ള്‍ ന​ട​ത്തേ​ണ്ട ഉ​ത്ത​ര​വാ​ദി​ത്വ​മു​ണ്ടെ​ന്ന് കോ​ട​തി​യി​ല്‍ അ​റി​യി​ച്ചി​രു​ന്നു. പ്ര​ശ്‌​നം മു​ന്‍​കൂ​ട്ടി കാ​ണേ​ണ്ടി​യി​രു​ന്ന​ത് ദേ​ശീ​യ​പാ​ത അ​ഥോ​റി​റ്റി​യു​ടെ ഉ​ത്ത​ര​വാ​ദി​ത്വ​മാ​യി​രു​ന്നെ​ന്നും ഇ​ത്ത​ര​ത്തി​ല്‍ സം​ഭ​വി​ക്കാ​ന്‍ അ​നു​വ​ദി​ക്ക​രു​താ​യി​രു​ന്നെ​ന്നും കോ​ട​തി നേ​ര​ത്തെ അ​ഭി​പ്രാ​യ​പ്പെ​ട്ടി​രു​ന്നു. ആ​വ​ശ്യ​മാ​യ ഒ​രു​ക്ക​ങ്ങ​ളി​ല്ലാ​തെ​യാ​ണ് അ​ടി​പ്പാ​ത​ക​ളു​ടെ നി​ര്‍​മാ​ണം ആ​രം​ഭി​ച്ച​തെ​ന്നും പ​ണി മെ​ല്ലെ​പ്പോ​ക്കി​ലാ​ണെ​ന്നും ക​ള​ക്ട​ര്‍ കോ​ട​തി​യി​ല്‍ റി​പ്പോ​ര്‍​ട്ട് ന​ല്‍​കി​യി​രു​ന്നു.

ഇ​തി​നി​ടെ കാ​സ​ര്‍​ഗോ​ഡ് കു​മ്പ​ള​യി​ല്‍ ദേ​ശീ​യ​പാ​ത അ​ഥോ​റി​റ്റി​യു​ടെ ടോ​ള്‍ ബൂ​ത്ത് നി​ര്‍​മാ​ണം ത​ട​ഞ്ഞ ഇ​ട​ക്കാ​ല ഉ​ത്ത​ര​വ് പി​ന്‍​വ​ലി​ക്ക​ണ​മെ​ന്ന ഹ​ര്‍​ജി​യി​ല്‍ ഹൈ​ക്കോ​ട​തി ഇ​ട​പെ​ട്ടി​ല്ല. 20 കി​ലോ​മീ​റ്റ​ര്‍ മാ​ത്രം അ​ക​ലെ ത​ല​പ്പാ​ടി​യി​ല്‍ മ​റ്റൊ​രു ടോ​ള്‍ കേ​ന്ദ്രം പ്ര​വ​ര്‍​ത്തി​ക്കു​മ്പോ​ള്‍ കു​മ്പ​ള​യി​ലേ​ത് ച​ട്ട​വി​രു​ദ്ധ​മാ​ണെ​ന്നു ചൂ​ണ്ടി​ക്കാ​ട്ടി ആ​ക്ഷ​ന്‍ കൗ​ണ്‍​സി​ലി​നു​വേ​ണ്ടി കാ​സ​ര്‍​കോ​ട് ബ്ലോ​ക്ക് പ​ഞ്ചാ​യ​ത്ത് സ്റ്റാ​ന്‍​ഡിം​ഗ് ക​മ്മി​റ്റി ചെ​യ​ര്‍​മാ​ന്‍ അ​ഷ്‌​റ​ഫ് ക​ര്‍​ള​യാ​ണ് ഹ​ര്‍​ജി ന​ല്‍​കി​യ​ത്.

ഒ​രു മാ​സ​ത്തേ​ക്ക് നി​ര്‍​മാ​ണം നി​ർ​ത്തി​വ​യ്ക്കാ​നും ത​ല്‍​സ്ഥി​തി തു​ട​രാ​നു​മാ​യി​രു​ന്നു ഇ​ട​ക്കാ​ല ഉ​ത്ത​ര​വ്. ഒ​രു ടോ​ള്‍ പ്ലാ​സ​യു​ടെ 60 കി​ലോ​മീ​റ്റ​ര്‍ ക​ഴി​ഞ്ഞേ മ​റ്റൊ​ന്നു പാ​ടു​ള്ളൂ​വെ​ന്ന ദേ​ശീ​യ​പാ​ത ച​ട്ട​ത്തി​ലെ വ്യ​വ​സ്ഥ ലം​ഘി​ക്ക​പ്പെ​ട്ടെ​ന്ന് ഹ​ര്‍​ജി​ക്കാ​ര​ന്‍ ബോ​ധി​പ്പി​ച്ചു.