കോ​​ൽ​​ക്ക​​ത്ത: ഐ​​എ​​സ്എ​​ൽ സീ​​സ​​ണി​​ൽ ഒ​​ന്നാം സ്ഥാ​​ന​​ത്ത് ആ​​ധി​​പ​​ത്യ​​മു​​റ​​പ്പി​​ച്ച് എ​​സ് സി ​​ഈ​​സ്റ്റ് ബം​​ഗാ​​ളി​​ന് തു​​ട​​ർ​​ച്ച​​യാ​​യ ര​​ണ്ടാം ജ​​യം.

ഇ​​ന്ന​​ലെ ന​​ട​​ന്ന മ​​ത്സ​​ര​​ത്തി​​ൽ സ്പോ​​ർ​​ട്ടിം​​ഗ് ഡ​​ൽ​​ഹി​​യെ ഒ​​ന്നി​​നെ​​തി​​രേ നാ​​ല് ഗോ​​ളു​​ക​​ൾ​​ക്ക് പ​​രാ​​ജ​​യ​​പ്പെ​​ടു​​ത്തി ത​​ക​​ർ​​പ്പ​​ൻ ജ​​യ​​ത്തോ​​ടെ ആ​​റ് പോ​​യി​​ന്‍റു​​മാ​​യി ഒ​​ന്നാം സ്ഥാ​​ന​​ത്ത് കു​​തി​​പ്പ് തു​​ട​​രു​​ക​​യാ​​ണ്.

നാ​​ലാം മി​​നി​​റ്റി​​ൽ ഈ​​സ്റ്റ് ബം​​ഗാ​​ളി​​നെ ഞെ​​ട്ടി​​ച്ച് സ്പോ​​ർ​​ട്ടിം​​ഗ് ക്ല​​ബ് ലീ​​ഡ് നേ​​ടി. അ​​ഗ​​സ്റ്റി​​ൻ ലാ​​ൽ​​രോ​​ച​​ന​​യാ​​ണ് സ്കോ​​ർ ചെ​​യ്ത​​ത്. എ​​ന്നാ​​ൽ മൂ​​ന്നു മി​​നി​​റ്റു​​ക​​ൾ​​ക്കു​​ള്ളി​​ൽ ഈ​​സ്റ്റ്് ബം​​ഗാ​​ൾ സ​​മ​​നി​​ല പി​​ടി​​ച്ചു.

എ​​ഡ്മു​​ൻ​​ണ്ട് ലാ​​ൽ​​റി​​ന്ദി​​ക​​യാ​​ണ് ഗോ​​ൾ നേ​​ടി​​യ​​ത്. 12-ാം മി​​നി​​റ്റി​​ലും 40-ാം മി​​നി​​റ്റി​​ൽ ല​​ഭി​​ച്ച പെ​​നാ​​ൽ​​റ്റി​​യും ഗോ​​ളാ​​ക്കി യൂ​​സ​​ഫ് എ​​സ്ജാ​​രി ഈ​​സ്റ്റ് ബം​​ഗാ​​ളി​​ന് 3-1ന്‍റെ ലീ​​ഡ് സ​​മ്മാ​​നി​​ച്ചു. 90+5 മി​​നി​​റ്റി​​ൽ മി​​ഗു​​ൽ ഫെ​​റേ​​റി​​യ ഡ​​മാ​​സി​​നോ​​യി​​ലൂ​​ടെ നാ​​ലാം ഗോ​​ളും പി​​റ​​ന്നു.

ഗോ​​വ​​യ്ക്ക് ജ​​യം

ഐ​​എ​​സ്എ​​ൽ സീ​​സ​​ണി​​ൽ എ​​ഫ്സി ഗോ​​വ​​യ്ക്ക് സീ​​സ​​ണി​​ലെ ആ​​ദ്യ ജ​​യം. മൊ​​ഹ​​മ്മ​​ദ​​ൻ എ​​ഫ്സി​​യെ എ​​തി​​രി​​ല്ലാ​​ത്ത ര​​ണ്ട് ഗോ​​ളു​​ക​​ൾ​​ക്ക് ഗോ​​വ പ​​രാ​​ജ​​യ​​പ്പെ​​ടു​​ത്തി. മ​​ത്സ​​ര​​ത്തി​​ന്‍റ നാ​​ലാം മി​​നി​​റ്റി​​ൽ ഗോ​​വ ലീ​​ഡ് നേ​​ടി. പോ​​ൽ മൊ​​റീ​​നോ ആ​​ണ് ഗോ​​വ​​യ്ക്കാ​​യി ആ​​ദ്യ ഗോ​​ൾ നേ​​ടി​​യ​​ത്. 32-ാം മി​​നി​​റ്റി​​ൽ ല​​ഭി​​ച്ച പെ​​നാ​​ൽ​​റ്റി ഗോ​​ളാ​​ക്കി ഡീ​​ജ​​ൻ ഡ്രാ​​സി​​ക് ഗോ​​വ​​യു​​ടെ ലീ​​ഡ് ര​​ണ്ടാ​​യി ഉ​​യ​​ർ​​ത്തി.

മൊ​​ഹ​​മ്മ​​ദ​​ൻ എ​​ഫ്സി​​ക്ക് ഗോ​​ൾ ക​​ണ്ടെ​​ത്താ​​നാ​​കാ​​തെ വ​​ന്ന​​തോ​​ടെ എ​​തി​​ര​​ല്ലാ​​ത്ത ര​​ണ്ടു ഗോ​​ളു​​ക​​ളു​​ടെ ത​​ക​​ർ​​പ്പ​​ൻ ജ​​യം ഗോ​​വ സ്്വ​​ന്ത​​മാ​​ക്കു​​ക​​യാ​​യി​​രു​​ന്നു. ആ​​ദ്യ മ​​ത്സ​​ര​​ത്തി​​ൽ ഗോ​​വ സ​​മ​​നി​​ല വ​​ഴ​​ങ്ങി​​യി​​രു​​ന്നു. 26ന് ​​സ്പോ​​ർ​​ട്ടിം​​ഗ് ക്ല​​ബ് ഡ​​ൽ​​ഹി​​യെ​​യാ​​ണ് ഗോ​​വ ഇ​​നി നേ​​രി​​ടു​​ക. നാ​​ല് പോ​​യി​​ന്‍റു​​മാ​​യി പ​​ട്ടി​​ക​​യി​​ൽ ര​​ണ്ടാം സ്ഥാ​​ന​​ത്താ​​ണ് ഗോ​​വ.

കൊച്ചി: വാടക കുടിശികയെച്ചൊല്ലി കേരള ബ്ലാസ്റ്റേഴ്സും ജിസിഡിഎയും തമ്മിലുണ്ടായ തർക്കങ്ങൾ പരിഹരിച്ചു. ഇതോടെ ഞായറാഴ്ച നടക്കേണ്ട ഐഎസ്എൽ മത്സരം നിശ്ചയിച്ച പ്രകാരംതന്നെ നടക്കും.

വാടകയും കുടിശികയും അടയ്ക്കാൻ ബ്ലാസ്റ്റേഴ്സിന് ജിസിഡിഎ കൂടുതൽ സമയം അനുവദിച്ചു. ഒരാഴ്ചയ്ക്കകം പണം അടയ്ക്കാമെന്ന ഉറപ്പിലാണ് സ്റ്റേഡിയം വിട്ടുനൽകാൻ തീരുമാനിച്ചത്.

വാടക നൽകാത്തതിനെത്തുടർന്ന് കലൂർ സ്റ്റേഡിയത്തിലെ കേരള ബ്ലാസ്റ്റേഴ്സിന്‍റെ ഓഫീസ് ജിസിഡിഎ അധികൃതർ പൂട്ടിയതോടെയാണ് പ്രതിസന്ധി ആരംഭിച്ചത്. സ്റ്റേഡിയത്തിനുള്ളിൽ മത്സരത്തിനായുള്ള ഒരുക്കങ്ങൾക്കെത്തിയ ബ്ലാസ്റ്റേഴ്സ് പ്രതിനിധികളെ ജിസിഡിഎ ഉദ്യോഗസ്ഥർ പുറത്താക്കുകയും സ്റ്റേഡിയത്തിനുള്ളിലെ വസ്തുക്കൾ മാറ്റാൻ ആവശ്യപ്പെടുകയും ചെയ്തിരുന്നു.

ജിസിഡിഎയും കേരള ബ്ലാസ്റ്റേഴ്സും തമ്മിലുള്ള കരാർ സംബന്ധിച്ച പ്രശ്നങ്ങളെത്തുടർന്ന് നിശ്ചയിച്ചിരുന്ന വാർത്താസമ്മേളനവേദി വിട്ടുനൽകാൻ സുരക്ഷാ ഉദ്യോഗസ്ഥർ തയാറാകാതിരുന്നതും വലിയ പ്രതിഷേധത്തിനിടയാക്കി. ഇതേത്തുടർന്ന് പ്രീ-മാച്ച് വാർത്താ സമ്മേളനം ഓൺലൈനായാണ് സംഘടിപ്പിച്ചത്.

ബ്ലാസ്റ്റേഴ്സ് സിഇഒ അബീക് ചാറ്റർജിയും ഉടമകളും ജിസിഡിഎ അധികൃതരുമായി നടത്തിയ ചർച്ചകൾക്കൊടുവിലാണ് ഇപ്പോൾ തീരുമാനമായിരിക്കുന്നത്.

കൊ​ച്ചി: ഇ​ന്ത്യ​ന്‍ സൂ​പ്പ​ര്‍ ലീ​ഗി​ന്‍റെ പു​തി​യ സീ​സ​ണി​ലെ ആ​ദ്യ ഹോം ​മ​ത്സ​ര​ത്തി​ന് മു​ന്നോ​ടി​യാ​യി കേ​ര​ള ബ്ലാ​സ്റ്റേ​ഴ്‌​സ് ന​ട​ത്താ​നി​രു​ന്ന ഔ​ദ്യോ​ഗി​ക വാ​ര്‍​ത്താ​സ​മ്മേ​ള​ന​ത്തി​ന് അ​നു​മ​തി നി​ഷേ​ധി​ച്ച് ജി​സി​ഡി​എ. ക​ലൂ​ര്‍ ജെ​എ​ല്‍​എ​ന്‍ അ​ന്താ​രാ​ഷ്ട്ര സ്റ്റേ​ഡി​യ​ത്തി​ല്‍ ഇ​ന്ന് ന​ട​ക്കേ​ണ്ടി​യി​രു​ന്ന പ്രീ-​മാ​ച്ച് പ്ര​സ് കോ​ണ്‍​ഫ​റ​ന്‍​സ് ആ​ണ് അ​ധി​കൃ​ത​ര്‍ ത​ട​ഞ്ഞ​ത്.

ഞാ​യ​റാ​ഴ്ച മും​ബൈ സി​റ്റി എ​ഫ്സി​ക്കെ​തി​രെ ന​ട​ക്കാ​നി​രി​ക്കു​ന്ന മ​ത്സ​ര​ത്തി​ന് മു​ന്നോ​ടി​യാ​യി ടീം ​പ​രി​ശീ​ല​ക​നും താ​ര​ങ്ങ​ളും പ​ങ്കെ​ടു​ക്കേ​ണ്ടി​യി​രു​ന്ന വാ​ര്‍​ത്താ​സ​മ്മേ​ള​ന​മാ​ണ് അ​വ​സാ​ന നി​മി​ഷം മു​ട​ങ്ങി​യ​ത്. തു​ട​ര്‍​ന്ന് ഗൂ​ഗി​ള്‍ മീ​റ്റി​ലൂ​ടെ​യാ​ണ് പ്ര​സ് കോ​ണ്‍​ഫ​റ​ന്‍​സ് ന​ട​ത്തു​ന്ന​ത്.

സ്റ്റേ​ഡി​യം വാ​ട​ക​യു​മാ​യി ബ​ന്ധ​പ്പെ​ട്ട് ക്ല​ബ്ബും ജി​സി​ഡി​എ​യും ത​മ്മി​ല്‍ കു​റ​ച്ചു നാ​ളു​ക​ളാ​യി നി​ല​നി​ല്‍​ക്കു​ന്ന ത​ര്‍​ക്ക​മാ​ണ് ഈ ​നീ​ക്ക​ത്തി​ന് പി​ന്നി​ലെ​ന്നാ​ണ് സൂ​ച​ന. നേ​ര​ത്തെ വാ​ട​ക കു​റ​ച്ചു ന​ല്‍​കാ​ന്‍ ധാ​ര​ണ​യാ​യി​രു​ന്നു​വെ​ങ്കി​ലും വീ​ണ്ടും തു​ക കൂ​ട്ടി​യ​താ​ണ് പ്ര​ശ്‌​ന​ത്തി​ന് കാ​ര​ണം.

സീ​സ​ണി​ലെ ആ​ദ്യ മ​ത്സ​ര​ത്തി​ന് തൊ​ട്ടു​മു​മ്പ് ക്ല​ബ്ബി​നോ​ട് ജി​സി​ഡി​എ സ്വീ​ക​രി​ച്ച ഈ ​നി​ല​പാ​ടി​ല്‍ ആ​രാ​ധ​ക​ര്‍​ക്കി​ട​യി​ല്‍ വ​ലി​യ പ്ര​തി​ഷേ​ധം ഉ​യ​രു​ന്നു​ണ്ട്. മ​ഞ്ഞ​പ്പ​ട സോ​ഷ്യ​ല്‍ മീ​ഡി​യ​യി​ലൂ​ടെ അ​ധി​കൃ​ത​ര്‍​ക്കെ​തി​രെ രം​ഗ​ത്തെ​ത്തി​യി​ട്ടു​ണ്ട്.

കോ​ല്‍​ക്ക​ത്ത: ഐ​എ​സ്എ​ല്‍ ഫു​ട്‌​ബോ​ളി​ല്‍ ഈ​സ്റ്റ് ബം​ഗാ​ളി​ന് ജ​യം. യൂ​സെ​ഫ് എ​സെ​യാ​രി ഇ​ര​ട്ട​ഗോ​ള്‍ (65, 70) നേ​ടി​യ മ​ത്സ​ര​ത്തി​ല്‍ ഈ​സ്റ്റ് ബം​ഗാ​ള്‍ 3-0ന് ​നോ​ര്‍​ത്ത് ഈ​സ്റ്റ് യു​ണൈ​റ്റ​ഡി​നെ കീ​ഴ​ട​ക്കി.

മി​ഗ്വേ​ല്‍ ഫി​ഗ്വേ​ര​യു​ടെ (90+2) വ​ക​യാ​യി​രു​ന്നു മൂ​ന്നാം ഗോ​ള്‍.

മ​ഡ്ഗാ​വ്: ഇ​ന്ത്യ​ന്‍ സൂ​പ്പ​ര്‍ ലീ​ഗ് (ഐ​എ​സ്എ​ല്‍) ഫു​ട്‌​ബോ​ളി​ന്‍റെ 12-ാം സീ​സ​ണ്‍ ഉ​ദ്ഘാ​ട​ന ദി​ന​മാ​യ ഇ​ന്ന​ലെ കൊ​ച്ചി​യി​ല്‍​നി​ന്നു​ള്ള കേ​ര​ള ബ്ലാ​സ്റ്റേ​ഴ്‌​സ് എ​ഫ്‌​സി​ക്കു ആ​ശ്വ​സി​ക്കാ​ന്‍ വ​ക​യി​ല്ലെ​ങ്കി​ലും ഒ​രു മ​ല​യാ​ളി ഗോ​ള്‍ പി​റ​ന്നു.

മോ​ഹ​ന്‍ ബ​ഗാ​നോ​ട് 2-0നു ​കേ​ര​ള ബ്ലാ​സ്റ്റേ​ഴ്‌​സ് എ​ഫ്‌​സി തോ​ല്‍​വി വ​ഴ​ങ്ങി​യ​തി​നു​ശേ​ഷം മ​ഡ്ഗാ​വി​ല്‍ അ​ര​ങ്ങേ​റി​യ എ​ഫ്‌​സി ഗോ​വ x ഇ​ന്‍റ​ര്‍ കാ​ശി പോ​രാ​ട്ട​ത്തി​ലാ​യി​രു​ന്നു മ​ല​യാ​ളി ഗോ​ള്‍. കോ​ഴി​ക്കോ​ടു​കാ​ര​നാ​യ കെ. ​പ്ര​ശാ​ന്ത് ഇ​ന്‍റ​ര്‍ കാ​ശി​ക്കാ​യി വ​ല​കു​ലു​ക്കി. ഐ​എ​സ്എ​ല്ലി​ല്‍ ഇ​ന്‍റ​ര്‍ കാ​ശി​യു​ടെ ആ​ദ്യ ഗോൾ അ​തോ​ടെ പ്ര​ശാ​ന്തി​നു സ്വ​ന്തം.

1-1 സ​മ​നി​ല​യി​ല്‍ അ​വ​സാ​നി​ച്ച മ​ത്സ​ര​ത്തി​ല്‍ 45+2-ാം മി​നി​റ്റി​ലാ​യി​രു​ന്നു പ്ര​ശാ​ന്തി​ന്‍റെ ഉ​ജ്വ​ല ഫി​നി​ഷിം​ഗ്. ഒ​റ്റ​യ്ക്കു മു​ന്നേ​റി​യെ​ത്തി​യ പ്ര​ശാ​ന്ത് ഗോ​വ​ന്‍ ഗോ​ള്‍ കീ​പ്പ​റി​ന്‍റെ മു​ക​ളി​ലൂ​ടെ പ​ന്ത് വ​ല​യി​ല്‍ നി​ക്ഷേ​പി​ച്ചു. 80-ാം മി​നി​റ്റി​ല്‍ ലൂ​യി​സ് ടാ​റെ​സ് ചു​വ​പ്പു​കാ​ര്‍​ഡ് ക​ണ്ട​തോ​ടെ ഇ​ന്‍റ​ര്‍ കാ​ശി​യു​ടെ അം​ഗ​ബ​ലം പ​ത്തി​ലേ​ക്കു ചു​രു​ങ്ങി. തു​ട​ര്‍​ന്ന് 84-ാം മി​നി​റ്റി​ല്‍ ഡി​യാ​ന്‍ ഡ്രാ​സി​ക്കി​ന്‍റെ പെ​നാ​ല്‍​റ്റി ഗോ​ളി​ലൂ​ടെ എ​ഫ്‌​സി ഗോ​വ സ​മ​നി​ല നേ​ടി.

പ്ര​ശാ​ന്ത് സീ​നി​യ​ര്‍ അ​ര​ങ്ങേ​റ്റം ന​ട​ത്തി​യ​ത് കേ​ര​ള ബ്ലാ​സ്റ്റേ​ഴ്‌​സി​ലൂ​ടെ ആ​യി​രു​ന്നു. 2016 മു​ത​ല്‍ 2022വ​രെ ബ്ലാ​സ്റ്റേ​ഴ്‌​സി​ന്‍റെ താ​ര​മാ​യി​രു​ന്നു പ്ര​ശാ​ന്ത്. ഇ​തി​നി​ടെ ഒ​രു സീ​സ​ണി​ല്‍ ചെ​ന്നൈ​യി​ന്‍ എ​ഫ്‌​സി​ക്കാ​യി ലോ​ണ്‍ വ്യ​വ​സ്ഥ​യി​ല്‍ ക​ളി​ച്ചു. പി​ന്നീ​ട് ചെ​ന്നൈ​യി​ന്‍റെ ഭാ​ഗ​മാ​യി. പ​ഞ്ചാ​ബി​നാ​യും ഇ​ന്‍റ​ര്‍ കാ​ശി​ക്കാ​യും ക​ളി​ച്ച​ശേ​ഷം കാ​ലി​ക്ക​ട്ട് എ​ഫ്‌​സി​യി​ല്‍. ഈ ​വ​ര്‍​ഷം വീ​ണ്ടും ഇ​ന്‍റ​ര്‍ കാ​ശി​യി​ല്‍ തി​രി​ച്ചെ​ത്തി.

കോ​ൽ​ക്ക​ത്ത: ഇ​ന്ത്യ​ൻ സൂ​പ്പ​ർ ലീ​ഗ് 2025-26 സീ​സ​ണി​ന്‍റെ ആ​ദ്യ മ​ത്സ​ര​ത്തി​ൽ മോ​ഹ​ൻ ബ​ഗാ​ൻ സൂ​പ്പ​ർ ജ​യ​ന്‍റി​നോ​ട് പ​രാ​ജ​യ​പ്പെ​ട്ട് കേ​ര​ള ബ്ലാ​സ്റ്റേ​ഴ്സ്. ഇ​ന്ന് ന​ട​ന്ന മ​ത്സ​ര​ത്തി​ൽ‌ എ​തി​രി​ല്ലാ​ത്ത ര​ണ്ട് ഗോ​ളു​ക​ൾ​ക്കാ​ണ് ബ്ലാ​സ്റ്റേ​ഴ്സ് പ​രാ​ജ​യ​പ്പെ​ട്ട​ത്.

മോ​ഹ​ൻ ബ​ഗാ​ന് വേ​ണ്ടി ജാ​മി മ​ക്ലാ​ര​നും ടോം ​ആ​ൽ​ഫ്ര​ഡു​മാ​ണ് ഗോ​ളു​ക​ൾ നേ​ടി​യ​ത്. മ​ക്ലാ​ര​ൻ 36-ാം മി​നി​റ്റി​ലും ആ​ൽ​ഫ്ര​ഡ് 90+7-ാം മി​നി​റ്റി​ലാ​ണ് ഗോ​ൾ സ്കോ​ർ ചെ​യ്ത​ത്.

ഇ​ന്ന​ത്തെ ര​ണ്ടാം മ​ത്സ​ര​ത്തി​ൽ എ​ഫ്സി ഗോ​വ ഇ​ന്‍റ​ർ‌ കാ​ശി​യെ നേ​രി​ടും. ഈ ​മാ​സം 22ന് ​മും​ബൈ സി​റ്റി​ക്കെ​തി​രെ​യാ​ണ് ബ്ലാ​സ്റ്റേ​ഴ്സി​ന്‍റെ അ​ടു​ത്ത മ​ത്സ​രം.

കോ​ൽ​ക്ക​ത്ത: ഇ​ന്ത്യ​ൻ സൂ​പ്പ​ർ ലീ​ഗ് 2025-26 സീ​സ​ണി​ന്‍റെ ആ​ദ്യ മ​ത്സ​ര​ത്തി​നു​ള്ള പ്ലേ​യിം​ഗ് ഇ​ല​വ​ൺ പു​റ​ത്തു​വി​ട്ട് കേ​ര​ള ബ്ലാ​സ്റ്റേ​ഴ്സ്. ഇ​ന്ന് അ​ഞ്ചി​ന് ന​ട​ക്കു​ന്ന മ​ത്സ​ര​ത്തി​ൽ മോ​ഹ​ൻ​ബ​ഗാ​ൻ സൂ​പ്പ​ർ ജ​യ​ന്‍റാ​ണ് ബ്ലാ​സ്റ്റേ​ഴ്സി​ന്‍റെ എ​തി​രാ​ളി​ക​ൾ.

കോ​ൽ​ക്ക​ത്ത സാ​ൾ​ട്ട് ലേ​ക്ക് സ്റ്റേ​ഡി​യ​ത്തി​മാ​ണ് വേ​ദി. ക​ന്നി​കി​രീ​ടം എ​ന്ന സ്വ​പ്ന​വു​മാ​യാ​ണ് ബ്ലാ​സ്റ്റേ​ഴ്സ് ഇ​ത്ത​വ​ണ​യും ഇ​റ​ങ്ങു​ന്ന​ത്.

ബ്ലാ​സ്റ്റേ​ഴ്സ് ടീം: ​സ​ച്ചി​ൻ സു​രേ​ഷ് (ഗോ​ൾ​കീ​പ്പ​ർ), ഔ​മ​ർ, സ​ഹീ​ഫ്, ബെ​ർ​തോ​മി​യോ, കോ​റൂ സിം​ഗ്, ഡാ​നി​ഷ് ഫാ​റൂ​ഖ്, നി​ഹാ​ൽ, ബോ​ർ​ജ​സ്, എ​യ്ബ​ൻ, എ​ബി​ൻ​ദാ​സ്, ബി​കാ​സ്.

കൊച്ചി: കേരള ബ്ലാസ്റ്റേഴ്സിന്‍റെ മത്സരങ്ങൾ ഇത്തവണയും എറണാകുളം കലൂർ ജെഎൽഎൻ രാജ്യാന്തര സ്റ്റേഡിയത്തിൽ നടക്കും. ഫെബ്രുവരി 22 മുതൽ മേയ് വരെ ഒമ്പതു മത്സരങ്ങളാണ് ഇത്തവണ കലൂർ സ്റ്റേഡിയത്തിൽ നടക്കുന്നത്. ബ്ലാസ്റ്റേഴ്സ് കൊച്ചി വിടുന്നു, പകരം ഹോം ഗ്രൗണ്ട് ആയി കോഴിക്കോട് പരിഗണിക്കുന്നുവെന്ന വാർത്തകൾ നേരത്തെ പ്രചരിച്ചിരുന്നു.

അഭ്യൂഹങ്ങൾക്കും ആശങ്കകൾക്കും വിരാമിട്ടാണ് കലൂർ സ്റ്റേഡിയത്തിൽ തന്നെ മത്സരങ്ങൾ അരങ്ങേറാൻ പോകുന്നത്. കോടതി വ്യവഹാരങ്ങളും സ്പോൺസർമാരുടെ അഭാവവും കാരണം വൈകിയാണ് സീസൺ ആരംഭിക്കുന്നത്. മത്സരങ്ങൾ കൊച്ചിയിൽ തന്നെ നടത്തണമെന്ന് ആവശ്യപ്പെട്ട് അഖിലേന്ത്യ ഫുട്ബോൾ ഫെഡറേഷൻ ജിസിഡിഎക്ക് കത്ത് നൽകിയിരുന്നു.

അതിനാൽ വാടക തുക കുറിച്ചാണ് ജിസിഡിഎ ബ്ലാസ്റ്റേഴ്സിന് സ്റ്റേഡിയം നൽകുന്നത്. ഫുട്ബോൾ ഇതിഹാസം മെസിയും അർജന്‍റീന ടീമും കൊച്ചിയിലെത്തുമെന്ന് പ്രതീക്ഷിച്ച് സ്റ്റേഡിയം നവീകരിച്ചതിനു ശേഷം നടക്കുന്ന ആദ്യ മത്സരങ്ങളാണ് ബ്ലാസ്റ്റേഴ്സിന്‍റേത്.

കോ​​​ഴി​​​ക്കോ​​​ട്: കോ​​​ഴി​​​ക്കോ​​​ട് കോ​​​ര്‍​പ​​​റേ​​​ഷ​​​ന്‍ സ്റ്റേ​​ഡി​​​യ​​​ത്തി​​​ല്‍ ഇ​​​നി ബ്ലാ​​സ്റ്റേ​​ഴ്‌​​​സ് ആ​​​ര​​​വം. അ​​​നി​​​ശ്ചി​​​ത​​​ത്വ​​​ങ്ങ​​​ള്‍​ക്കൊ​​​ടു​​​വി​​​ല്‍ ബ്ലാ​​​സ്‌​​​റ്റേ​​​ഴ്‌​​​സ് ടീം ​​​കോ​​​ഴി​​​ക്കോ​​​ട് സ്‌​​​റ്റേ​​​ഡി​​​യ​​​ത്തി​​​ല്‍ പ​​​ന്ത് ത​​​ട്ടും.

ഫെ​​​ബ്രു​​​വ​​​രി 14ന് ​​​ആ​​​രം​​​ഭി​​​ക്കു​​​ന്ന ഇ​​​ന്ത്യ​​​ന്‍ സൂ​​​പ്പ​​​ര്‍ ലീ​​​ഗ് (ഐ​​​എ​​​സ്എ​​​ല്‍ ) മ​​​ത്സ​​​ര​​​ങ്ങ​​​ളി​​​ല്‍ ഒ​​​മ്പ​​​തു മ​​​ത്സ​​​ര​​​ങ്ങ​​​ളാ​​​ണു കോ​​​ഴി​​​ക്കോ​​​ട് ഇ​​​എം​​​എ​​​സ് കോ​​​ര്‍​പ​​​റേ​​​ഷ​​​ന്‍ സ്റ്റേ​​​ഡി​​​യ​​​ത്തി​​​ല്‍ ന​​​ട​​​ക്കു​​​ക. ഇ​​​തി​​​ല്‍ ഏ​​​ഴു​​​മ​​​ത്സ​​​ര​​​ങ്ങ​​​ള്‍ രാ​​​ത്രി 7.30-നാ​​​ണു ന​​​ട​​​ക്കു​​​ക. ര​​​ണ്ടെ​​​ണ്ണം വൈ​​​കു​​​ന്നേ​​​രം അ​​​ഞ്ചി​​​നും ന​​​ട​​​ക്കും. ഫെ​​​ബ്രു​​​വ​​​രി 22-ന് ​​​രാ​​​ത്രി 7.30 ന് ​​​മു​​​ബൈ സി​​​റ്റി എ​​​ഫ്‌​​​സി​​​യു​​​മാ​​​യാ​​​ണ് ബ്ലാ​​​സ്റ്റേ​​​ഴ്‌​​​സി​​​ന്‍റെ ആ​​​ദ്യ മ​​​ത്സ​​​രം. തു​​​ട​​​ര്‍​ന്ന് ഫെ​​​ബ്രു​​​വ​​​രി 28ന് ​​​ഇ​​​ന്‍റ​​​ര്‍ കാ​​​ശി​​​യു​​​മാ​​​യും മാ​​​ര്‍​ച്ച് ഏ​​​ഴി​​​ന്‌ ചെ​​​ന്നൈ​​​യി​​​ന്‍ എ​​​ഫ്‌​​​സി​​​യു​​​മാ​​​യും മാ​​​ര്‍​ച്ച് 21 പ​​​ഞ്ചാ​​​ബ് എ​​​ഫ്‌​​​സി​​​യു​​​മാ​​​യും ഏ​​​പ്രി​​​ല്‍ 15-ന് ​​​നോ​​​ര്‍​ത്ത് ഈ​​​സ്റ്റ് യു​​​ണൈ​​​റ്റ​​​ഡു​​​മാ​​​യും ഏ​​​പ്രി​​​ല്‍ 18-ന് ​​​വെ​​​കു​​​ന്നേ​​​രം അ​​​ഞ്ചി​​​ന് ജം​​​ഷ​​​ഡ്പു​​​ര്‍ എ​​​ഫ്‌​​​സി​​​യു​​​മാ​​​യും എ​​​പ്രി​​​ല്‍ 23-ന് ​​​ഒ​​​ഡീ​​​ഷ എ​​​ഫ്‌​​​സി, മേ​​​യ്10-​​​ന് മു​​​ഹ​​​മ്മ​​​ദ​​​ന്‍​സ് എ​​​സ്‌​​​സി, മേ​​​യ് 17ന് ​​​എ​​​ഫ്‌​​​സി ഗോ​​​വ എ​​​ന്നീ ടീ​​​മു​​​ക​​​ളു​​​മാ​​​യാ​​​ണ് ബ്ലാ​​​സ്റ്റേ​​ഴ്‌​​​സ് മാ​​​റ്റു​​​ര​​​യ്ക്കു​​​ക.

ബ്ലാ​​​സ്റ്റേ​​​ഴ്സ് മാ​​​നേ​​​ജ്മെ​​​ന്‍റും കേ​​​ര​​​ള ഫു​​​ട്ബാ​​​ൾ അ​​​സോ​​​സി​​​യേ​​​ഷ​​​നും (കെ​​​എ​​​ഫ്എ) ത​​​മ്മി​​​ല്‍ മ​​​ത്സ​​​ര​​​ങ്ങ​​​ള്‍ കോ​​​ഴി​​​ക്കോ​​​ട്ട് ന​​​ട​​​ത്തു​​​ന്ന​​​തി​​​നു ധാ​​​ര​​​ണ​​​യി​​​ല്‍ എ​​​ത്തി​​​യി​​​രു​​​ന്നു. കൊ​​​ച്ചി ജ​​​വ​​​ഹ​​​ർ​​​ലാ​​​ൽ നെ​​​ഹ്റു സ്റ്റേ​​​ഡി​​​യ​​​ത്തി​​​ലെ ന​​​വീ​​​ക​​​ര​​​ണ ജോ​​​ലി​​​ക​​​ൾ പൂ​​​ർ​​​ത്തി​​​യാ​​​കാ​​​ത്ത​​​തി​​​നാ​​​ലാ​​​ണു ബ്ലാ​​​സ്റ്റേ​​​ഴ്സി​​​ന്‍റെ ഹോം ​​​മ​​​ത്സ​​​ര​​​ങ്ങ​​​ൾ ഇ​​​ത്ത​​​വ​​​ണ കോ​​​ഴി​​​ക്കോ​​​ട്ടേ​​​ക്കു മാ​​​റ്റു​​​ന്ന​​​ത്. മ​​​ഞ്ചേ​​​രി പ​​​യ്യ​​​നാ​​​ട് സ്റ്റേ​​​ഡി​​​യ​​​വും പ​​​രി​​​ഗ​​​ണി​​​ച്ചി​​​രു​​​ന്നെ​​​ങ്കി​​​ലും മെ​​​ച്ച​​​പ്പെ​​​ട്ട സൗ​​​ക​​​ര്യ​​​ങ്ങ​​​ളാ​​ണു കോ​​​ഴി​​​ക്കോ​​​ടി​​​ന് അ​​​നു​​​കൂ​​​ല​​​മാ​​​യ​​​ത്. ബ്ലാ​​​സ്റ്റേ​​​ഴ്സ് പ്ര​​​തി​​​നി​​​ധി​​​ക​​​ൾ ക​​​ഴി​​​ഞ്ഞ ദി​​​വ​​​സം സ്റ്റേ​​​ഡി​​​യം സ​​​ന്ദ​​​ർ​​​ശി​​​ച്ചി​​​രു​​​ന്നു.

ക​​​ഴി​​​ഞ്ഞ സൂ​​​പ്പ​​​ർ ലീ​​​ഗ് കേ​​​ര​​​ള സീ​​​സ​​​ണി​​​ൽ കോ​​​ഴി​​​ക്കോ​​​ട് സ്റ്റേ​​​ഡി​​​യ​​​ത്തി​​​ലേ​​​ക്ക് ആ​​​യി​​​ര​​​ങ്ങ​​​ളാ​​​ണു ക​​​ളി കാ​​​ണാ​​​നെ​​​ത്തി​​​യ​​​ത്. ഈ ​​​ആ​​​രാ​​​ധ​​​ക പി​​​ന്തു​​​ണ​​​യും ആ​​​വേ​​​ശ​​​വും പു​​​തി​​​യ സീ​​​സ​​​ണി​​​ൽ ബ്ലാ​​​സ്റ്റേ​​​ഴ്സി​​​നും ക​​​രു​​​ത്താ​​​കു​​​മെ​​​ന്ന ക​​​ണ​​​ക്കു​​​കൂ​​​ട്ട​​​ലി​​​ലാ​​​ണ് മാ​​​നേ​​​ജ്മെ​​​ന്‍റ്. ഡി​​​സം​​​ബ​​​റി​​​ൽ ന​​​ട​​​ന്ന സൂ​​​പ്പ​​​ർ​​​ക്രോ​​​സ് റേ​​​സിം​​​ഗ് ലീ​​​ഗി​​​നെ​​ത്തു​​​ട​​​ർ​​​ന്ന് കോ​​​ഴി​​​ക്കോ​​​ട് സ്റ്റേ​​​ഡി​​​യ​​​ത്തി​​​ലെ പു​​​ല്ലു​​​ക​​​ൾ ന​​​ശി​​​ച്ച​​​ത് വ​​​ലി​​​യ വി​​​വാ​​​ദ​​​മാ​​​യി​​​രു​​​ന്നു. എ​​​ന്നാ​​​ൽ, പു​​​ൽ​​​മൈ​​​താ​​​നം പ‍​ഴ​​​യ​​​പ​​​ടി​​​യാ​​​ക്കി, ന​​​വീ​​​ക​​​ര​​​ണ ജോ​​​ലി​​​ക​​​ൾ പൂ​​​ർ​​​ത്തി​​​യാ​​​ക്കി സ്റ്റേ​​​ഡി​​​യം കൈ​​​മാ​​​റി​​ക്ക​​ഴി​​​ഞ്ഞു. ഇ​​​നി അ​​​വ​​​സാ​​​ന​​​വ​​​ട്ട പ​​​രി​​​ശോ​​​ധ​​​ന മാ​​​ത്ര​​​മാ​​​ണ് ബാ​​​ക്കി. നി​​​ല​​​വി​​​ൽ ഐ ​​​ലീ​​​ഗി​​​ൽ ഗോ​​​കു​​​ലം കേ​​​ര​​​ള എ​​​ഫ്സി​​​യു​​​ടെ​​​യും സൂ​​​പ്പ​​​ർ ലീ​​​ഗ് കേ​​​ര​​​ള​​​യി​​​ൽ കാ​​​ലി​​​ക്ക​​​ട്ട് എ​​​ഫ്സി​​​യു​​​ടെ​​​യും ഹോം​​​ഗ്രൗ​​​ണ്ടാ​​​ണ് കോ​​​ഴി​​​ക്കോ​​​ട് സ്റ്റേ​​​ഡി​​​യം.

സൂ​​​പ്പ​​​ർ ക്രോ​​​സ് റേ​​​സിം​​​ഗ് ലീ​​​ഗ് മ​​​ത്സ​​​ര​​​ങ്ങ​​​ൾ​​​ക്ക് മൈ​​​താ​​​നം വി​​​ട്ടുന​​​ൽ​​​കി​​​യ​​​ത് കോ​​​ർ​​​പ​​​റേ​​​ഷ​​​നെ വെ​​​ട്ടി​​​ലാ​​​ക്കി​​​യി​​​രു​​​ന്നു. മൈ​​​താ​​​ന​​​ത്തെ പു​​​ല്ല് ക​​​രി​​​ഞ്ഞു​​​ണ​​​ങ്ങി​​​യെ​​​ന്ന പ​​​രാ​​​തി​​​യി​​​ൽ ജി​​​ല്ലാ ഫു​​​ട്ബോ​​​ൾ അ​​​സോ​​​സി​​​യേ​​​ഷ​​​നെ വി​​​ളി​​​പ്പി​​​ച്ച് സ്റ്റേ​​​ഡി​​​യം പ​​​രി​​​ശോ​​​ധി​​​ച്ച​​​പ്പോ​​​ൾ വ​​​ലി​​​യ ത​​​ക​​​ർ​​​ച്ച​​​യു​​​ണ്ടാ​​​യെ​​​ന്നു ക​​​ണ്ടെ​​​ത്തു​​​ക​​​യും ചെ​​​യ്തു. റേ​​​സിം​​​ഗ് ലീ​​​ഗ് സം​​​ഘാ​​​ട​​​ക​​​ര്‍ ഒ​​​രു മാ​​​സ​​​ത്തോ​​​ളം എ​​​ടു​​​ത്താ​​​ണ് ന​​​വീ​​​ക​​​ര​​​ണ പ്ര​​​വൃ​​​ത്തി​​​ക​​​ള്‍ പൂ​​​ര്‍​ത്തി​​​യാ​​​ക്കി​​​യ​​​ത്. ബ്ലാ​​​സ്‌​​​റ്റേ​​​ഴ്‌​​​സ് മ​​​ത്സ​​​ര​​​ങ്ങ​​​ള്‍​ക്ക് വേ​​​ദി​​​യാ​​​കു​​​ന്ന​​​തോ​​​ടെ സ്‌​​​റ്റേ​​​ഡി​​​യം ഒ​​​രി​​​ക്ക​​​ല്‍ക്കൂ​​​ടി വാ​​​ര്‍​ത്ത​​​ക​​​ളി​​​ല്‍ നി​​​റ​​​യു​​​ക​​​യാ​​​ണ്. ഒ​​​പ്പം കാ​​​ല്‍​പ​​​ന്താ​​​വേ​​​ശ​​​ത്തി​​​ല്‍ കാ​​​യി​​​ക പ്രേ​​​മി​​​ക​​​ളും.

കൊച്ചി: ഐഎസ്എല്‍ മത്സരക്രമത്തിൽ ധാരണയായി. മത്സരക്രമം അനുസരിച്ച് ബ്ലാസ്റ്റേഴ്സിന് സീസണില്‍ ഒമ്പത് ഹോം മത്സരങ്ങളുണ്ടാകും. ഉദ്ഘാടന മത്സരത്തിൽ മോഹൻ ബഗാൻ കേരള ബ്ലാസ്റ്റേഴ്സിനെ നേരിടും.

ഫെബ്രുവരി 14ന് വൈകുന്നേരം അഞ്ചിന് കോൽക്കത്തയിലാണ് കിക്കോഫ്. ഐഎസ്എല്ലിലെ മേയ് 11 വരെയുള്ള മത്സരക്രമം ആണ് ഇപ്പോള്‍ അംഗീകരിച്ചിരിക്കുന്നത്.

മത്സരക്രമം അനുസരിച്ച് കേരള ബ്ലാസ്റ്റേഴ്സിന്‍റെ ആദ്യ ഹോം മത്സരം ഫെബ്രുവരി 22ന് കോഴിക്കോട് ഇഎംഎസ് സ്റ്റേഡിയത്തിൽ നടക്കും. മുംബൈ സിറ്റി എഫ്സി ആണ് എതിരാളികൾ. ഫെബ്രുവരി 28, മാർച്ച്‌ 7,21 ,ഏപ്രിൽ 15,18, 23 ,മേയ് 10,17 ദിവസങ്ങളിലും കോഴിക്കോട്ട് ബ്ലാസ്റ്റേഴ്സിന് ഹോം മത്സരങ്ങളുണ്ട്.

ബ്ലാസ്റ്റേഴ്സിന്‍റെ എല്ലാ ഹോം മത്സരങ്ങളും കോഴിക്കോട് ഇഎംഎസ് സ്റ്റേഡിയത്തിലാകും നടക്കുക.

തി​​രു​​വ​​ന​​ന്ത​​പു​​രം: ഇ​​ന്ത്യ​​ൻ സൂ​​പ്പ​​ർ ലീ​​ഗി​​ന്‍റെ (ഐ​​എ​​സ്എ​​ൽ) 2025-26 സീ​​സ​​ണി​​ന്‍റെ വാ​​ണി​​ജ്യ പ​​ങ്കാ​​ളി​​ക്കാ​​യു​​ള്ള ടെ​​ൻ​​ഡ​​ർ ഓ​​ൾ ഇ​​ന്ത്യ ഫു​​ട്ബോ​​ൾ ഫെ​​ഡ​​റേ​​ഷ​​ൻ (എ​​ഐ​​എ​​ഫ്എ​​ഫ്) ക്ഷ​​ണി​​ച്ചു.

കൊ​ച്ചി: അടുത്ത മാ​സം ആ​രം​ഭി​ക്കു​ന്ന ഇ​ന്ത്യ​ന്‍ സൂ​പ്പ​ര്‍ ലീ​ഗി​ന്‍റെ (ഐ​എ​സ്എ​ല്‍) പു​തി​യ സീ​സ​ണി​ല്‍ കേ​ര​ള ബ്ലാ​സ്റ്റേ​ഴ്‌​സ് എ​ഫ്‌​സി പ​ങ്കെ​ടു​ക്കു​മെ​ന്ന് ക്ല​ബ് ഔ​ദ്യോ​ഗി​ക​മാ​യി അ​റി​യി​ച്ചു.

നി​ല​വി​ലെ സാ​ഹ​ച​ര്യ​ങ്ങ​ളി​ല്‍ ആ​രാ​ധ​ക​ര്‍​ക്കു​ള്ള ആ​ശ​ങ്ക​ക​ള്‍ തി​രി​ച്ച​റി​യു​ന്നു​ണ്ടെ​ന്നും ചി​ല പ്ര​ധാ​ന വി​ഷ​യ​ങ്ങ​ളി​ല്‍ കൂ​ടു​ത​ല്‍ വ്യ​ക്ത​ത ല​ഭി​ക്കാ​നു​ണ്ടെ​ന്നും ഇ​തു​മാ​യി ബ​ന്ധ​പ്പെ​ട്ട കാ​ര്യ​ങ്ങ​ള്‍ സ​ജീ​വ​മാ​യി പ​രി​ശോ​ധി​ച്ചു വ​രി​ക​യാ​ണെ​ന്നും ക്ല​ബ് അ​ധി​കൃ​ത​ര്‍ അ​റി​യി​ച്ചു.

അ​തേ​സ​മ​യം, ബ്ലാ​സ്റ്റേ​ഴ്സി​ന്‍റെ മ​ത്സ​ര​ങ്ങ​ൾ കോ​ഴി​ക്കോ​ട് കോ​ർ​പ​റേ​ഷ​ൻ സ്റ്റേ​ഡി​യ​ത്തി​ൽ​വ​ച്ചു ന​ട​ക്കു​മെ​ന്നു സൂ​ച​ന. ഇ​തു സം​ബ​ന്ധി​ച്ച ഔ​ദ്യോ​ഗി​ക സ്ഥി​രീ​ക​ര​ണം എ​ത്തി​യി​ട്ടി​ല്ല.

മും​​ബൈ: ആ​​റ് മാ​​സ​​ത്തി​​ല്‍ അ​​ധി​​കം നീ​​ണ്ട കാ​​ത്തി​​രി​​പ്പി​​നു​​ശേ​​ഷം ഇ​​ന്ത്യ​​ന്‍ സൂ​​പ്പ​​ര്‍ ലീ​​ഗ് (ഐ​​എ​​സ്എ​​ല്‍) ഫു​​ട്‌​​ബോ​​ള്‍ 2025-26 സീ​​സ​​ണ്‍ അ​​ടു​​ത്ത​​മാ​​സം ആ​​രം​​ഭി​​ക്കാ​​നി​​രി​​ക്കേ ക്ല​​ബ്ബു​​ക​​ള്‍​ക്കെ​​തി​​രേ ഭീ​​ഷ​​ണി​​യു​​മാ​​യി ഓ​​ള്‍ ഇ​​ന്ത്യ ഫു​​ട്‌​​ബോ​​ള്‍ ഫെ​​ഡ​​റേ​​ഷ​​ന്‍ (എ​​ഐ​​എ​​ഫ്എ​​ഫ്).

ഫെ​​ബ്രു​​വ​​രി 14നാ​​ണ് ഐ​​എ​​സ്എ​​ല്‍ സീ​​സ​​ണ്‍ ആ​​രം​​ഭി​​ക്കു​​ന്ന​​ത്. മ​​ത്സ​​രി​​ക്കാ​​ന്‍ ത​​യാ​​റാ​​കാ​​ത്ത ക്ല​​ബ്ബു​​ക​​ളെ ഐ​​എ​​സ്എ​​ല്ലി​​ല്‍​നി​​ന്ന് ത​​രം​​താ​​ഴ്ത്തു​​മെ​​ന്ന് എ​​ഐ​​എ​​ഫ്എ​​ഫ് അ​​റി​​യി​​ച്ചു.

കോ​​ട്ട​​യം: 2025-26 സീ​​സ​​ണ്‍ ഐ​​എ​​സ്എ​​ല്‍ (ഇ​​ന്ത്യ​​ന്‍ സൂ​​പ്പ​​ര്‍ ലീ​​ഗ്) ഫു​​ട്‌​​ബോ​​ള്‍ ആ​​രം​​ഭി​​ക്കാ​​നു​​ള്ള എ​​ഐ​​എ​​ഫ്എ​​ഫ് (ഓ​​ള്‍ ഇ​​ന്ത്യ ഫു​​ട്‌​​ബോ​​ള്‍ ഫെ​​ഡ​​റേ​​ഷ​​ന്‍) ശ്ര​​മ​​ത്തി​​നി​​ടെ കേ​​ര​​ള ബ്ലാ​​സ്റ്റേ​​ഴ്‌​​സ് എ​​ഫ്‌​​സി​​യു​​ടെ മൊ​​റോ​​ക്ക​​ന്‍ സൂ​​പ്പ​​ര്‍ താ​​രം നോ​​ഹ് സ​​ദോ​​യി​​യും ക്ല​​ബ് വി​​ട്ടു.

ക്യാ​​പ്റ്റ​​നും ഉ​​റു​​ഗ്വെ​​ന്‍ താ​​ര​​വു​​മാ​​യി അ​​ഡ്രി​​യാ​​ന്‍ ലൂ​​ണ വ​​ര്‍​ഷാ​​ദ്യ​​ദി​​ന​​ത്തി​​ല്‍ ലോ​​ണ്‍ ഔ​​ട്ട് ആ​​യ​​തി​​നു പി​​ന്നാ​​ലെ​​യാ​​ണ് സ​​മാ​​ന​​രീ​​തി​​യി​​ല്‍ നോ​​ഹ് സ​​ദോ​​യി​​യും കേ​​ര​​ള ബ്ലാ​​സ്റ്റേ​​ഴ്‌​​സ് വി​​ട്ട​​ത്.

32കാ​​ര​​നാ​​യ നോ​​ഹ് സ​​ദോ​​യി 2024 ജൂ​​ലൈ​​യി​​ല്‍ എ​​ഫ്‌​​സി ഗോ​​വ​​യി​​ല്‍​നി​​ന്നാ​​യി​​രു​​ന്നു കേ​​ര​​ള ബ്ലാ​​സ്റ്റേ​​ഴ്‌​​സി​​ലേ​​ക്ക് എ​​ത്തി​​യ​​ത്. 2026 മേ​​യ് 31വ​​രെ ബ്ലാ​​സ്റ്റേ​​ഴ്‌​​സു​​മാ​​യി താ​​ര​​ത്തി​​നു ക​​രാ​​റു​​ണ്ട്. ബ്ലാ​​സ്റ്റേ​​ഴ്‌​​സ് ജ​​ഴ്‌​​സി​​യി​​ല്‍ ഇ​​തു​​വ​​രെ ആ​​കെ 28 മ​​ത്സ​​ര​​ങ്ങ​​ള്‍ ക​​ളി​​ച്ചു. 14 ഗോ​​ള്‍ നേ​​ടി, ഏ​​ഴ് ഗോ​​ളി​​ന് അ​​സി​​സ്റ്റ് ചെ​​യ്തു. 2025-26 സീ​​സ​​ണി​​ല്‍ സൂ​​പ്പ​​ര്‍ ക​​പ്പി​​ല്‍ മൂ​​ന്നു മ​​ത്സ​​ര​​ങ്ങ​​ള്‍ ക​​ളി​​ച്ചെ​​ങ്കി​​ലും ഗോ​​ള്‍ നേ​​ടാ​​ന്‍ സാ​​ധി​​ച്ചി​​ല്ല.

ഇ​​ന്തോ​​നേ​​ഷ്യ​​ന്‍ സൂ​​പ്പ​​ര്‍ ലീ​​ഗ് ക്ല​​ബ്ബി​​ലേ​​ക്കാ​​ണ് നോ​​ഹ് ചേ​​ക്കേ​​റു​​ക എ​​ന്നാ​​ണ് സൂ​​ച​​ന. ബ്ലാ​​സ്റ്റേ​​ഴ്‌​​സി​​ന്‍റെ ബ്ര​​സീ​​ലി​​യ​​ന്‍ താ​​രം തി​​യാ​​ഗോ ആ​​ല്‍​വെ​​സ് നേ​​ര​​ത്തേ ക്ല​​ബ് വി​​ട്ടി​​രു​​ന്നു.

കൊ​ച്ചി: സൂ​പ്പ​ർ താ​രം അ​ഡ്രി​യാ​ൻ ലൂ​ണ ബ്ലാ​സ്റ്റേ​ഴ്‌​സ് വി​ട്ടു. വാ​യ്പാ​ടി​സ്ഥാ​ന​ത്തി​ല്‍ താ​ര​ത്തെ കൈ​മാ​റി​യ​താ​യി ബ്ലാ​സ്റ്റേ​ഴ്‌​സ് സ്ഥി​രീ​ക​രി​ച്ചു. ഒ​രു വ​ര്‍​ഷ​ത്തേ​ക്കാ​ണ് ക​രാ​ര്‍.

ഏ​ത് ടീ​മി​ലേ​ക്കാ​ണ് ലൂ​ണ മാ​റി​യ​തെ​ന്ന് ബ്ലാ​സ്റ്റേ​ഴ്‌​സ് വ്യ​ക്ത​മാ​ക്കി​യി​ട്ടി​ല്ല. ഇ​ന്തോ​നേ​ഷ്യ​ന്‍ ക്ല​ബി​ല്‍ താ​രം ചേ​രു​മെ​ന്നാ​ണ് സൂ​ച​ന. ഉ​റു​ഗ്വേ താ​ര​മാ​യ ലൂ​ണ​യ്ക്ക് 2027 വ​രെ ബ്ലാ​സ്റ്റേ​ഴ്‌​സു​മാ​യി ക​രാ​റു​ണ്ട്. മ​ഞ്ഞ​പ്പ​ട​യു​ടെ ഏ​റ്റ​വും പ്ര​ധാ​ന​പ്പെ​ട്ട താ​ര​മാ​ണ് 33 കാ​ര​നാ​യ അ​ഡ്രി​യാ​ൻ ലൂ​ണ.

87 മ​ത്സ​ര​ങ്ങ​ൾ ബ്ലാ​സ്റ്റേ​ഴ്‌​സി​നാ​യി ക​ളി​ച്ച ലൂ​ണ 15 ഗോ​ളു​ക​ളും നേ​ടി​യി​ട്ടു​ണ്ട്. ലൂ​ണ​യു​ടെ കൂ​ടു​മാ​റ്റ​ത്തി​ല്‍ അ​ഖി​ലേ​ന്ത്യാ ഫു​ട്‌​ബോ​ള്‍ ഫെ​ഡ​റേ​ഷ​നെ വി​മ​ര്‍​ശി​ച്ച് ആ​രാ​ധ​ക​ര്‍ രം​ഗ​ത്തെ​ത്തി.

ന്യൂ​​ഡ​​ല്‍​ഹി: ഇ​​ന്ത്യ​​ന്‍ സൂ​​പ്പ​​ര്‍ ലീ​​ഗ് (ഐ​​എ​​സ്എ​​ല്‍) 2025-26 സീ​​സ​​ണ്‍ ഫു​​ട്‌​​ബോ​​ളി​​ന്‍റെ അ​​നി​​ശ്ചി​​ത​​ത്വം അ​​വ​​സാ​​നി​​പ്പി​​ക്കാ​​ന്‍ ഒ​​ടു​​വി​​ല്‍ കാ​​യി​​ക മ​​ന്ത്രാ​​ല​​യം ഇ​​ട​​പെ​​ടു​​ന്നു.

ഓ​​ള്‍ ഇ​​ന്ത്യ ഫു​​ട്‌​​ബോ​​ള്‍ ഫെ​​ഡ​​റേ​​ഷ​​ന്‍ (എ​​ഐ​​എ​​ഫ്എ​​ഫ്), ഐ​​എ​​സ്എ​​ല്‍, ഐ-​​ലീ​​ഗ് ക്ല​​ബ് പ്ര​​തി​​നി​​ധി​​ക​​ള്‍, നി​​ക്ഷേ​​പ​​ക​​ര്‍, ബ്രോ​​ഡ്കാ​​സ്റ്റേ​​ഴ്‌​​സ് എ​​ന്നി​​വ​​രെ​​യെ​​ല്ലാം ഉ​​ള്‍​ക്കൊ​​ള്ളി​​ച്ചു​​ള്ള അ​​ടി​​യ​​ന്ത​​ര​​യോ​​ഗ​​മാ​​ണ് കേ​​ന്ദ്ര കാ​​യി​​ക മ​​ന്ത്രാ​​ല​​യം വി​​ളി​​ച്ചി​​രി​​ക്കു​​ന്ന​​ത്. നാ​​ളെ​​യാ​​ണ് യോ​​ഗം.

2025-26 സീ​​സ​​ണ്‍ ആ​​ഭ്യ​​ന്ത​​ര ക്ല​​ബ് പോ​​രാ​​ട്ടം ഇ​​തു​​വ​​രെ ആ​​രം​​ഭി​​ക്കാ​​ന്‍ എ​​ഐ​​എ​​ഫ്എ​​ഫി​​നു സാ​​ധി​​ച്ചി​​ട്ടി​​ല്ല. സം​​പ്രേ​​ഷ​​ണം, സ്‌​​പോ​​ണ്‍​സ​​ര്‍​ഷി​​പ്പ് തു​​ട​​ങ്ങി​​യ കാ​​ര്യ​​ങ്ങ​​ളി​​ല്‍ എ​​ഐ​​എ​​ഫ്എ​​ഫി​​ന് ഇ​​തു​​വ​​രെ ഉ​​ത്ത​​ര​​മി​​ല്ലെ​​ന്ന​​താ​​ണ് പ്ര​​ശ്‌​​നം. ദൂ​​ര​​ദ​​ര്‍​ശ​​ൻ സം​​പ്രേ​​ഷ​​ണ​​ത്തി​​നാ​​യി എ​​ത്താ​​നു​​ള്ള സാ​​ധ്യ​​ത​​യാ​​ണി​​പ്പോ​​ഴു​​ള്ള​​ത്.

ന്യൂ​​ഡ​​ല്‍​ഹി: ഇ​​ന്ത്യ​​ന്‍ സൂ​​പ്പ​​ര്‍ ലീ​​ഗ് (ഐ​​എ​​സ്എ​​ല്‍) 2025-26 സീ​​സ​​ണ്‍ പു​​ന​​രാ​​രം​​ഭി​​ക്കു​​ന്ന​​തു സം​​ബ​​ന്ധി​​ച്ചു​​ള്ള തീ​​രു​​മാ​​നം വൈ​​കു​​ന്ന​​തി​​നി​​ടെ അ​​ടി​​യ​​ന്ത​​ര ന​​ട​​പ​​ടി​​ക്കു​​ള്ള എ​​ഐ​​എ​​ഫ്എ​​ഫ് (ഓ​​ള്‍ ഇ​​ന്ത്യ ഫു​​ട്‌​​ബോ​​ള്‍ ഫെ​​ഡ​​റേ​​ഷ​​ന്‍) നാ​​ട​​കം വി​​മ​​ര്‍​ശ​​ന​​ങ്ങ​​ള്‍​ക്കു വി​​ധേ​​യ​​മാ​​യി.

എ​​ഐ​​എ​​ഫ്എ​​ഫ് ഡെ​​പ്യൂ​​ട്ടി ജ​​ന​​റ​​ല്‍ സെ​​ക്ര​​ട്ട​​റി എം. ​​സ​​ത്യ​​നാ​​രാ​​യ​​ണ​​ന്‍ എ​​ക്‌​​സി​​ക്യൂ​​ട്ടീ​​വ് ക​​മ്മി​​റ്റി​​ക്ക് ഒ​​രു​​ദി​​വ​​സം​​ത​​ന്നെ ര​​ണ്ട് മെ​​യി​​ല്‍ അ​​യ​​ച്ച​​താ​​ണ് വി​​മ​​ര്‍​ശ​​ന​​മു​​ണ്ടാ​​ക്കി​​യ​​ത്. വൈ​​കു​​ന്നേ​​രം അ​​ഞ്ചി​​നു മു​​മ്പ് ഫീ​​ഡ്ബാ​​ക്ക് ന​​ല്‍​ക​​ണ​​മെ​​ന്ന നി​​ര്‍​ദേ​​ശ​​ത്തോ​​ടെ രാ​​വി​​ലെ ആ​​ദ്യ മെ​​യി​​ല്‍ അ​​യ​​ച്ചു. തു​​ട​​ര്‍​ച്ച് ഫീ​​ഡ്ബാ​​ക്ക് ന​​ല്‍​കു​​ക​​യ​​ല്ല, രാ​​ത്രി ഏ​​ഴി​​ന് സൂം ​​മീ​​റ്റിം​​ഗി​​ല്‍ പ​​ങ്കെ​​ടു​​ക്ക​​ണ​​മെ​​ന്ന നി​​ര്‍​ദേ​​ശ​​ത്തോ​​ടെ ര​​ണ്ടാ​​മ​​തും മെ​​യി​​ല്‍ അ​​യ​​യ്ക്കു​​ക​​യാ​​യി​​രു​​ന്നു.

ഐ​​എ​​സ്എ​​ല്‍ ബി​​ഡ് ഇ​​വാ​​ലു​​വേ​​ഷ​​ന്‍ ക​​മ്മി​​റ്റി​​യു​​ടെ ഞാ​​യ​​റാ​​ഴ്ച​​ത്തെ യോ​​ഗ​​ത്തി​​നു​​ശേ​​ഷം, ചെ​​യ​​ര്‍​പേ​​ഴ്‌​​സ​​ണ്‍ (റി​​ട്ട. ജ​​സ്റ്റീ​​സ് നാ​​ഗേ​​ശ്വ​​ര റാ​​വു) സു​​പ്രീം​​കോ​​ട​​തി​​യി​​ല്‍ റി​​പ്പോ​​ര്‍​ട്ട് സ​​മ​​ര്‍​പ്പി​​ക്കു​​ന്ന​​തു​​മാ​​യി ബ​​ന്ധ​​പ്പെ​​ട്ടു​​ള്ള ഫീ​​ഡ്ബാ​​ക്കാ​​ണ് എം. ​​സ​​ത്യ​​നാ​​രാ​​യ​​ണ​​ല്‍ എ​​ക്‌​​സി​​ക്യൂ​​ട്ടീ​​വ് ക​​മ്മി​​റ്റി​​യി​​ല്‍​നി​​ന്നാ​​രാ​​ഞ്ഞ​​ത്. ഐ​​എ​​സ്എ​​ല്‍ ന​​ട​​ത്താ​​നു​​ള്ള നീ​​ക്കം ന​​ട​​ത്തി​​യേ മ​​തി​​യാ​​കൂ എ​​ന്നും ക​​മ്മി​​റ്റി അം​​ഗ​​ങ്ങ​​ള്‍​ക്ക് അ​​യ​​ച്ച മെ​​യി​​ലി​​ല്‍ ചൂ​​ണ്ടി​​ക്കാ​​ണി​​ക്കു​​ന്നു​​ണ്ട്.

37.4 കോ​​ടി രൂ​​പ

റി​​ല​​യ​​ന്‍​സ് ഗ്രൂ​​പ്പ് (ഫു​​ട്‌​​ബോ​​ള്‍ സ്‌​​പോ​​ര്‍​ട്‌​​സ് ഡെ​​വ​​ല​​പ്‌​​മെ​​ന്‍റ് ലി​​മി​​റ്റ​​ഡ് (എ​​ഫ്എ​​സ്ഡി​​എല്‍) പി​​ന്‍​വാ​​ങ്ങി​​യ പ​​ശ്ചാ​​ത്ത​​ല​​ത്തി​​ല്‍, 15 വ​​ര്‍​ഷ​​ത്തേ​​ക്കു​​ള്ള വാ​​ണി​​ജ്യ പ​​ങ്കാ​​ളി​​ത്ത​​ത്തി​​നാ​​യാ​​ണ് എ​​ഐ​​എ​​ഫ്എ​​ഫ് പ്രൊ​​പ്പോ​​സ​​ല്‍ ക്ഷ​​ണി​​ച്ച​​ത്. വ​​ര്‍​ഷം 37.4 കോ​​ടി രൂ​​പ​​യാ​​ണ് എ​​ഐ​​എ​​ഫ്എ​​ഫ് വാ​​ണി​​ജ്യ പ​​ങ്കാ​​ളി​​ത്ത​​ത്തി​​നാ​​യി വി​​ല​​യി​​ട്ട​​തെ​​ന്ന​​തും ശ്ര​​ദ്ധേ​​യം. ഈ ​​മാ​​സം ഏ​​ഴാ​​യി​​രു​​ന്നു ബി​​ഡ് സ​​മ​​ര്‍​പ്പി​​ക്കാ​​നു​​ള്ള അ​​വ​​സാ​​ന തീ​​യ​​തി.

വാ​​ണി​​ജ്യ പ​​ങ്കാ​​ളി​​ത്തം ഏ​​റ്റെ​​ടു​​ക്കാ​​ന്‍ ക​​മ്പ​​നി​​ക​​ള്‍ ത​​യാ​​റാണെ​​ങ്കി​​ലും നി​​ല​​വി​​ലെ രീ​​തി​​യി​​ല്‍ പ​​ണം മു​​ട​​ക്കാ​​ന്‍ ത​​യാ​​റ​​ല്ല. നി​​ല​​വി​​ലെ സു​​പ്ര​​ധാ​​ന പ്ര​​ശ്‌​​നം വാ​​ണി​​ജ്യ പ​​ങ്കാ​​ളി​​ത്ത​​ക്കാ​​ര്‍​ക്കോ ക്ല​​ബ്ബു​​ക​​ള്‍​ക്കോ കാ​​ര്യ​​മാ​​യ വ​​രു​​മാ​​നം ല​​ഭി​​ക്കു​​ന്നി​​ല്ല. ഫെ​​ഡ​​റേ​​ഷ​​നി​​ലാ​​ണ് (എ​​ഐ​​എ​​ഫ്എ​​ഫ്) ലീ​​ഗി​​ന്‍റെ പൂ​​ര്‍​ണ ചു​​മ​​ത​​ല നി​​ക്ഷി​​പ്ത​​മാ​​യി​​രി​​ക്കു​​ന്ന​​ത്. അ​​തേ​​സ​​മ​​യം, ഫെ​​ഡ​​റേ​​ഷ​​ന്‍ പ​​ണം മു​​ട​​ക്കു​​ന്നി​​ല്ല.

വെ​​ബ്‌​​സൈ​​റ്റ് നി​​ര്‍​മാ​​ണം അ​​ട​​ക്ക​​മു​​ള്ള ചെ​​റി​​യ കാ​​ര്യ​​ങ്ങ​​ളി​​ല്‍​പോ​​ലും ഫെ​​ഡ​​റേ​​ഷ​​ന്‍റെ അ​​നു​​മ​​തി​​ വേ​​ണ​​മെ​​ന്നും ചി​​ല​​ര്‍ ചൂ​​ണ്ടി​​ക്കാ​​ണി​​ക്കു​​ന്നു. ഐ​​എ​​സ്എ​​ല്‍ ഗ​​വേ​​ണിം​​ഗ് കൗ​​ണ്‍​സി​​ലി​​ല്‍ കൊ​​മേ​​ഷ്യ​​ല്‍ പാ​​ട്ണ​​ര്‍​ക്ക് ഒ​​രു സീ​​റ്റ് മാ​​ത്ര​​മേ​​യു​​ള്ളൂ. എ​​ഐ​​എ​​ഫ്എ​​ഫ് ആ​​റി​​ല്‍ ര​​ണ്ട് സീ​​റ്റ് കൈ​​യ​​ട​​ക്കി​​വ​​ച്ചി​​രി​​ക്കു​​ക​​യാ​​ണെ​​ന്ന​​താ​​ണ് ഇ​​ന്‍​വെ​​സ്റ്റേ​​ഴ്‌​​സ് മു​​ന്നോ​​ട്ടു​​വ​​രാ​​ത്ത​​തി​​ന്‍റെ സു​​പ്ര​​ധാ​​ന കാ​​ര​​ണം.

ബി​​സി​​സി​​ഐ സ​​ഹാ​​യം?

ഇ​​ന്ത്യ​​യി​​ലെ ഫു​​ട്‌​​ബോ​​ളി​​നെ ര​​ക്ഷി​​ക്കാ​​ന്‍ ക്രി​​ക്ക​​റ്റ് ഭ​​ര​​ണ സം​​ഘ​​മാ​​യ ബി​​സി​​സി​​ഐ (ബോ​​ര്‍​ഡ് ഓ​​ഫ് ക​​ണ്‍​ട്രോ​​ള്‍ ഫോ​​ര്‍ ക്രി​​ക്ക​​റ്റ് ഇ​​ന്‍ ഇ​​ന്ത്യ) മു​​ന്നോ​​ട്ടു​​വ​​രു​​മോ എ​​ന്ന ചോ​​ദ്യ​​വും ഇ​​തി​​നി​​ടെ ഉ​​ദി​​ച്ചി​​ട്ടു​​ണ്ട്. ഐ​​എ​​സ്എ​​ല്‍ ക്ല​​ബ്ബാ​​യ ഈ​​സ്റ്റ് ബം​​ഗാ​​ളി​​ന്‍റെ സീ​​നി​​യ​​ര്‍ ഒ​​ഫീ​​ഷ​​ല്‍ ന​​ട​​ത്തി​​യ പ്ര​​സ്താ​​വ​​ന​​യാ​​ണ് ഇ​​തി​​നു പി​​ന്നി​​ല്‍.

ബി​​സി​​സി​​ഐ ഇ​​ന്ത്യ​​ന്‍ ഫു​​ട്‌​​ബോ​​ളി​​നെ സ്‌​​പോ​​ണ്‍​സ​​ര്‍ ചെ​​യ്യ​​ണ​​മെ​​ന്നാ​​യി​​രു​​ന്നു ഈ​​സ്റ്റ് ബം​​ഗാ​​ള്‍ ഒ​​ഫീ​​ഷ​​ലി​​ന്‍റെ വാ​​ക്കു​​ക​​ള്‍. ഐ​​എ​​സ്എ​​ല്‍ സ്വ​​ന്തം കാ​​ലി​​ല്‍​ നി​​ല്‍​ക്കു​​ന്ന​​തു​​വ​​രെ, കു​​റ​​ച്ചു വ​​ര്‍​ഷ​​ത്തേ​​ക്ക് ബി​​സി​​സി​​ഐ സ​​ഹാ​​യി​​ച്ചാ​​ല്‍ ഇ​​ന്ത്യ​​ന്‍ ഫു​​ട്‌​​ബോ​​ളി​​ന് അ​​തൊ​​രു വ​​ലി​​യ സ​​ഹാ​​യ​​മാ​​കു​​മെ​​ന്നും ഈ​​സ്റ്റ് ബം​​ഗാ​​ള്‍ വൃ​​ത്ത​​ങ്ങ​​ള്‍ സൂ​​ചി​​പ്പി​​ച്ചു.

മ​​ഡ്ഗാ​​വ്: “പ​​ത്ര​​ക്കു​​റി​​പ്പു​​ക​​ളും പ്ര​​സ്താ​​വ​​ന​​ക​​ളും ഞ​​ങ്ങ​​ള്‍​ക്കു വേ​​ണ്ട. ന​​ട​​പ​​ടി​​യാ​​ണ് ആ​​വ​​ശ്യം. ഞ​​ങ്ങ​​ള്‍​ക്കു ഫു​​ട്‌​​ബോ​​ള്‍ ക​​ളി​​ക്ക​​ണം.

നി​​ങ്ങ​​ള്‍ ഒ​​രു ആ​​വാ​​സ​​വ്യ​​വ​​സ്ഥ​​യെ മു​​ഴു​​വ​​ന്‍ സ്തം​​ഭി​​പ്പി​​ച്ചി​​രി​​ക്കു​​ക​​യാ​​ണ്’’- ഇ​​ന്ത്യ​​ന്‍ സൂ​​പ്പ​​ര്‍ ലീ​​ഗ് (ഐ​​എ​​സ്എ​​ല്‍) ക്ല​​ബ്ബാ​​യ ഒ​​ഡീ​​ഷ എ​​ഫ്‌​​സി​​യു​​ടെ ക്യാ​​പ്റ്റ​​ന്‍ കാ​​ര്‍​ലോ​​സ് ഡെ​​ല്‍​ഗാ​​ഡോ സോ​​ഷ്യ​​ല്‍ മീ​​ഡി​​യ​​യി​​ല്‍ കു​​റി​​ച്ച വാ​​ക്കു​​ക​​ളാ​​ണി​​ത്. സു​​നി​​ല്‍ ഛേത്രി ​​അ​​ട​​ക്ക​​മു​​ള്ള ഇ​​ന്ത്യ​​ന്‍ മു​​ന്‍​നി​​ര താ​​ര​​ങ്ങ​​ളും ഫു​​ട്‌​​ബോ​​ള്‍ ക​​ളി​​ക്ക​​ണ​​മെ​​ന്ന ആ​​വ​​ശ്യ​​മു​​ള്‍​ക്കൊ​​ള്ളു​​ന്ന സം​​യു​​ക്ത പ്ര​​സ്താ​​വ​​ന സോ​​ഷ്യ​​ല്‍ മീ​​ഡി​​യ​​യി​​ല്‍ ഇ​​ന്ന​​ലെ പ​​ങ്കു​​വ​​ച്ചു.

ഛേത്രി​​യും ഡെ​​ല്‍​ഗാ​​ഡോ​​യു​​മെ​​ല്ലാം രൂ​​ക്ഷ​​മാ​​യി പ്ര​​തി​​ക​​രി​​ക്കാ​​നു​​ള്ള കാ​​ര​​ണം ഒ​​ന്നു​​മാ​​ത്രം, 2025-26 സീ​​സ​​ണ്‍ ഐ​​എ​​സ്എ​​ല്‍ എ​​ന്നു തു​​ട​​ങ്ങു​​മെ​​ന്ന​​തി​​ല്‍ അ​​നി​​ശ്ചി​​ത​​ത്വം അ​​വ​​സാ​​നി​​ക്കു​​ന്നി​​ല്ല. സു​​പ്രീം​​കോ​​ട​​തി ഇ​​ട​​പെ​​ട്ട​​ശേ​​ഷം പ്ര​​ശ്‌​​ന​​പ​​രി​​ഹാ​​ര​​ത്തി​​നു ന​​ട​​ത്തി​​യ ആ​​ദ്യ​​ശ്ര​​മം പ​​രാ​​ജ​​യ​​പ്പെ​​ട്ടു. ഐ​​എ​​സ്എ​​ല്‍ 2025-26 സീ​​സ​​ണ്‍ വാ​​ണി​​ജ്യ പ​​ങ്കാ​​ളി​​യെ ക​​ണ്ടെ​​ത്താ​​ന്‍ ഓ​​ള്‍ ഇ​​ന്ത്യ ഫു​​ട്‌​​ബോ​​ള്‍ ഫെ​​ഡ​​റേ​​ഷ​​ന്‍ (എ​​ഐ​​എ​​ഫ്എ​​ഫ്) പ​​രാ​​ജ​​യ​​പ്പെ​​ട്ട​​താ​​ണ് നി​​ല​​വി​​ലെ പ്ര​​ശ്‌​​നം.

2025-26 സീ​​സ​​ണ്‍ മു​​ട​​ങ്ങാ​​നു​​ള്ള പ്ര​​ധാ​​ന കാ​​ര​​ണം റി​​ല​​യ​​ന്‍​സി​​ന്‍റെ ഉ​​ട​​മ​​സ്ഥ​​ത​​യി​​ലു​​ള്ള ഫു​​ട്‌​​ബോ​​ള്‍ സ്‌​​പോ​​ര്‍​ട്‌​​സ് ഡെ​​വ​​ല​​പ്‌​​മെ​​ന്‍റ് ലി​​മി​​റ്റ​​ഡും (എ​​ഫ്എ​​സ്ഡി​​എ​​ല്‍) എ​​ഐ​​എ​​ഫ്എ​​ഫും ത​​മ്മി​​ലു​​ള്ള മാ​​സ്റ്റ​​ര്‍ റൈ​​റ്റ് എ​​ഗ്രി​​മെ​​ന്‍റ് പു​​തു​​ക്കാ​​ത്ത​​താ​​യി​​രു​​ന്നു.

എ​​ഐ​​എ​​ഫ്എ​​ഫ് പ്ര​​സ്താ​​വ​​ന

ഐ​​എ​​സ്എ​​ല്‍ ബി​​ഡ് ഇ​​വാ​​ലു​​വേ​​ഷ​​ന്‍ ക​​മ്മി​​റ്റി​​യു​​ടെ ഞാ​​യ​​റാ​​ഴ്ച​​ത്തെ യോ​​ഗ​​ത്തി​​നു​​ശേ​​ഷം, ചെ​​യ​​ര്‍​പേ​​ഴ്‌​​സ​​ണ്‍ (റി​​ട്ട. ജ​​സ്റ്റീസ് നാ​​ഗേ​​ശ്വ​​ര റാ​​വു) സു​​പ്രീം​​കോ​​ട​​തി​​യി​​ല്‍ റി​​പ്പോ​​ര്‍​ട്ട് സ​​മ​​ര്‍​പ്പി​​ക്കും. അ​​ടു​​ത്ത ന​​ട​​പ​​ടി അ​​തി​​നു​​ശേ​​ഷം തീ​​രു​​മാ​​നി​​ക്കും- എ​​ഐ​​എ​​ഫ്എ​​ഫ് പു​​റ​​ത്തു​​വി​​ട്ട ഈ ​​പ്ര​​സ്താ​​വ​​ന​​യാ​​ണ് കാ​​ര്‍​ലോ​​സ് ഡെ​​ല്‍​ഗാ​​ഡോ​​യെ ചൊ​​ടി​​പ്പി​​ച്ച​​ത്.

വാ​​ണി​​ജ്യ പ​​ങ്കാ​​ളി​​ത്ത​​പ്ര​​ശ്‌​​നം

റി​​ല​​യ​​ന്‍​സ് പി​​ന്‍​വാ​​ങ്ങി​​യെ​​ങ്കി​​ലും വാ​​ണി​​ജ്യ പ​​ങ്കാ​​ളി​​ക​​ളാ​​ന്‍ ത​​യാ​​റാ​​യി അ​​ഞ്ച് ക​​മ്പ​​നി​​ക​​ള്‍ എ​​ഐ​​എ​​ഫ്എ​​ഫി​​നെ സ​​മീ​​പി​​ച്ച​​താ​​യാ​​ണ് വി​​വ​​രം. എ​​ന്നാ​​ല്‍, ഗ​​വേ​​ണിം​​ഗ് കൗ​​ണ്‍​സി​​ലി​​ലെ ആ​​റി​​ല്‍ ഒ​​രു സീ​​റ്റ് മാ​​ത്ര​​മേ ഇ​​ന്‍​വെ​​സ്റ്റേ​​ഴ്‌​​സി​​നു ല​​ഭി​​ക്കൂ എ​​ന്ന​​തി​​നാ​​ല്‍ (അ​​താ​​യ​​ത് 17 ശ​​ത​​മ​​നാം പ​​ങ്കാ​​ളി​​ത്തം) ബി​​ഡ് സ​​മ​​ര്‍​പ്പി​​ക്കാ​​ന്‍ ആ​​രും ത​​യാ​​റാ​​യി​​ല്ല. വാ​​ണി​​ജ്യ പ​​ങ്കാ​​ളി​​കൾക്കോ ക്ല​​ബ്ബു​​ക​​ള്‍​ക്കോ കാ​​ര്യ​​മാ​​യ വ​​രു​​മാ​​നം ല​​ഭി​​ക്കു​​ന്നി​​ല്ല. ഫെ​​ഡ​​റേ​​ഷ​​നി​​ലാ​​ണ് (എ​​ഐ​​എ​​ഫ്എ​​ഫ്) ലീ​​ഗി​​ന്‍റെ പൂ​​ര്‍​ണ ചു​​മ​​ത​​ല നി​​ക്ഷി​​പ്ത​​മാ​​യി​​രി​​ക്കു​​ന്ന​​ത്. അ​​തേ​​സ​​മ​​യം, ഫെ​​ഡ​​റേ​​ഷ​​ന്‍ പ​​ണം മു​​ട​​ക്കു​​ന്നി​​ല്ല.

മും​ബൈ: 2025-26 സീ​സ​ണ്‍ ഐ​എ​സ്എ​ല്‍ (ഇ​ന്ത്യ​ന്‍ സൂ​പ്പ​ര്‍ ലീ​ഗ്) ന​ട​ക്കി​ല്ലെ​ന്ന ആ​ശ​ങ്ക​ക​ള്‍​ക്കി​ടെ ക്ല​ബ് പ്ര​തി​നി​ധി​ക​ളും എ​ഐ​എ​ഫ്എ​ഫു​മാ​യി ഇ​ന്നു നി​ര്‍​ണാ​യ​ക യോ​ഗം ന​ട​ക്കും.

ജൂ​ലൈ 11നാ​ണ് 2025-26 ഐ​എ​സ്എ​ല്‍ സീ​സ​ണ്‍ ന​ട​ന്നേ​ക്കി​ല്ലെ​ന്ന സൂ​ച​ന, ലീ​ഗി​ന്‍റെ സം​ഘാ​ട​ക​രാ​യ ഫു​ട്‌​ബോ​ള്‍ സ്‌​പോ​ര്‍​ട്‌​സ് ഡെ​വ​ല​പ്‌​മെ​ന്‍റ് ലി​മി​റ്റ​ഡ് (എ​ഫ്എ​സ്ഡി​എ​ല്‍) ന​ല്‍​കി​യ​ത്. എ​ഫ്എ​സ്ഡി​എ​ല്ലും ഓ​ള്‍ ഇ​ന്ത്യ ഫു​ട്‌​ബോ​ള്‍ ഫെ​ഡ​റേ​ഷ​നും (എ​ഐ​എ​ഫ്എ​ഫ്) ത​മ്മി​ലു​ള്ള മാ​സ്റ്റ​ര്‍ റൈ​റ്റ് എ​ഗ്രി​മെ​ന്‍റ് (എം​ആ​ര്‍​എ) ത​ര്‍​ക്കം പ​രി​ഹ​രി​ക്കാ​ത്ത​താ​ണ് പ്ര​ശ്‌​ന​കാ​ര​ണം.

അ​തേ​സ​മ​യം, ഇ​ന്ന​ത്തെ യോ​ഗ​ത്തി​ല്‍ കോ​ല്‍​ക്ക​ത്ത​ന്‍ വ​മ്പ​ന്മാ​രാ​യ മോ​ഹ​ന്‍ ബ​ഗാ​ന്‍ സൂ​പ്പ​ര്‍ ജ​യ​ന്‍റ്‌​സ് പ​ങ്കെ​ടു​ക്കി​ല്ലെ​ന്നാ​ണ് സൂ​ച​ന. നി​ല​വി​ല്‍ കോ​ട​തി​യു​ടെ മു​ന്നി​ലു​ള്ള വി​ഷ​യ​ത്തി​ല്‍ യോ​ഗം ചേ​ര്‍​ന്നി​ട്ടു കാ​ര്യ​മി​ല്ലെ​ന്നാ​ണ് ബ​ഗാ​ന്‍റെ നി​ല​പാ​ട്.

ഒ​ഡീ​ഷ എ​ഫ്‌​സി, ബം​ഗ​ളൂ​രു എ​ഫ്‌​സി തു​ട​ങ്ങി​യ ടീ​മു​ക​ള്‍​ക്കു പി​ന്നാ​ലെ ക​ഴി​ഞ്ഞ ദി​വ​സം ചെ​ന്നൈ​യി​ന്‍ എ​ഫ്‌​സി​യും പ്ര​വ​ര്‍​ത്ത​നം നി​ര്‍​ത്തി​വ​ച്ചി​രു​ന്നു. ഫ​സ്റ്റ് ടീ​മി​ന്‍റെ​യും സ്റ്റാ​ഫു​ക​ളു​ടെ​യും പ്ര​വ​ര്‍​ത്ത​ന​മാ​ണ് ചെ​ന്നൈ​യി​ന്‍ എ​ഫ്‌​സി നി​ര്‍​ത്തി​വ​ച്ച​ത്. യൂ​ത്ത് ടീ​മി​ന്‍റെ പ്ര​വ​ര്‍​ത്ത​നം ചെ​ന്നൈ​യി​ന്‍ നേ​ര​ത്തേ​ത​ന്നെ നി​ര്‍​ത്തി​വ​ച്ചി​രു​ന്നു.

രാ​ജ്യ​ത്തെ ഏ​റ്റ​വും മി​ക​ച്ച താ​ര​മാ​യ സു​നി​ല്‍ ഛേത്രി​യു​ടെ ക്ല​ബ്ബാ​യ ബം​ഗ​ളൂ​രു എ​ഫ്‌​സി, ഫ​സ്റ്റ് ടീ​മി​ന്‍റെ​യും സ്റ്റാ​ഫു​ക​ളു​ടെ​യും സാ​ല​റി മ​ര​വി​പ്പി​ച്ച​തി​ന്‍റെ പി​റ്റേ​ദി​ന​മാ​ണ് ചെ​ന്നൈ​യി​ന്‍ പ്ര​വ​ര്‍​ത്ത​നം നി​ര്‍​ത്തി​വ​ച്ച​തെ​ന്ന​തും ശ്ര​ദ്ധേ​യം.

അ​ഭി​ഷേ​ക് ബ​ച്ച​ന്‍റെ ഉ​ട​മ​സ്ഥ​ത​യി​ലു​ള്ള ചെ​ന്നൈ​യി​ന്‍ എ​ഫ്‌​സി, ഫ​സ്റ്റ് ടീ​മി​നു​ള്ള സാ​ല​റി ജൂ​ണി​ല്‍ ന​ല്‍​കി​യി​രു​ന്നു. എ​ന്നാ​ല്‍, ജൂ​ലൈ​യി​ലെ പ്ര​തി​ഫ​ലം ഇ​തു​വ​രെ ന​ല്‍​കി​യി​ട്ടി​ല്ലെ​ന്നാ​ണ് റി​പ്പോ​ര്‍​ട്ട്.