ആ​ല​പ്പു​ഴ: പു​റ​ക്കാ​ട് യു​വാ​വ് ക​ട​ലി​ൽ ചാ​ടി മ​രി​ച്ചു. ചെ​ങ്ങ​ന്നൂ​ർ വെ​ണ്മ​ണി സ്വ​ദേ​ശി ഉ​ജ്വ​ൽ (23) ആ​ണ് മ​രി​ച്ച​ത്. യു​വാ​വി​ന്‍റെ കൂ​ടെ​യെ​ത്തി​യ പെ​ൺ​കു​ട്ടി​യെ കാ​ണാനി​ല്ല.

ഇന്നു രാ​വി​ലെ​യാ​ണ് സം​ഭ​വം. 10.30 ഓ​ടെ മ​ത്സ്യ​ത്തൊ​ഴി​ലാ​ളി​ക​ളാ​ണ് യു​വാ​വി​ന്‍റെ മൃ​ത​ദേ​ഹം ക​ണ്ടെ​ത്തി​യ​ത്. ഇ​വ​ർ വി​വ​ര​മ​റി​യി​ച്ച​തി​നെ തു​ട​ർ​ന്ന് പോ​ലീ​സ് സ്ഥ​ല​ത്തെ​ത്തി പ​രി​ശോ​ധ​ന ന​ട​ത്തി. യു​വാ​വി​ന്‍റെ മൃ​ത​ദേ​ഹം ആ​ല​പ്പു​ഴ മെ​ഡി​ക്ക​ൽ കോ​ള​ജി​ലേ​ക്കു മാ​റ്റി.

രാ​വി​ലെ 8.30 ഓ​ടെ ഉ​ജ്വ​ലും ഒ​രു പെ​ൺ​കു​ട്ടി​യും കൂ​ടി സ്ഥ​ല​ത്തെ​ത്തി​യ​താ​യും സ​മീ​പ​ത്തു​ള്ള ക​ട​യി​ൽ ക​യ​റി സാ​ധ​ന​ങ്ങ​ൾ വാ​ങ്ങു​ന്ന​ത് ക​ണ്ടി​രു​ന്ന​താ​യും നാ​ട്ടു​കാ​ർ പ​റ​ഞ്ഞു. സ്കൂ​ട്ട​റി​ലാ​ണ് ഇ​രു​വ​രും സ്ഥ​ല​ത്തെ​ത്തി​യ​ത്. സ്കൂ​ട്ട​റി​ൽനി​ന്ന് ഓ​ഫാ​ക്കി​യ നി​ല​യി​ൽ ഉ​ജ്വ​ലി​ന്‍റെ ഫോ​ൺ ക​ണ്ടെ​ത്തി.

പെ​ൺ​കൂ​ട്ടി​യെ ഇ​തു​വ​രെ ക​ണ്ടെ​ത്താ​നാ​യി​ട്ടി​ല്ല. പെ​ൺ​കു​ട്ടി​ക്കാ​യി ക​ട​ലി​ലും തെ​ര​ച്ചി​ൽ ന​ട​ക്കു​ന്നു​ണ്ട്. സം​ഭ​വ​ത്തി​ൽ വി​ശ​ദ​മാ​യി അ​ന്വേ​ഷ​ണം ആ​രം​ഭി​ച്ച​താ​യി പോ​ലീ​സ് അ​റി​യി​ച്ചു.

മാന്നാർ: ചെന്നിത്തലയിലെ ആളൊഴിഞ്ഞ വീട്ടിൽ മോഷണം നടന്ന സംഭവത്തിൽ അന്വേഷണം തുടങ്ങി. 20 പവൻ സ്വർണം, 25 യുകെ പൗണ്ട്, പാസ്പോർട്ട്, ലാപ്ടോപ് എന്നിവയും വിലപിടിപ്പുള്ള ഉപകരണങ്ങളുമാണ് പ്രവാസിയുടെ വീട്ടിൽനിന്നു മോഷണം പോയത്. ചെന്നിത്തല പഞ്ചായത്ത് 5 ാം വാർഡിലെ വലിയ വീട്ടിൽ ഷാരോൺ വില്ലയിൽ ജോസിന്‍റെ വീട്ടിലാണ് വ്യാഴാഴ്‌ച രാത്രി മോഷണം നടന്നത്.
പ്രവാസിയായ ജോസും കുടുംബവും രണ്ടു മാസം മുൻപാണ് യുകെയിൽനിന്നു നാട്ടിലെത്തിയത്. വ്യാഴാഴ്ച ജോസും ഭാര്യ ഏലിയാമ്മയും ഏലിയാമ്മയുടെ തുമ്പമണിലെ വീട്ടിൽ പോയിരുന്നു. രാത്രി വീട്ടിൽ ആരും ഇല്ലാത്ത സമയത്താണ് മോഷണം നടന്നത്.
വീട് നോക്കാൻ ഏൽപിച്ചിരുന്നയാൾ ഇന്നലെ രാവിലെ ലൈറ്റുകൾ അണയ്ക്കാൻ എത്തിയപ്പോൾ ഗേറ്റും കതകും തുറന്നുകിടക്കുന്നതായി കണ്ട് അടുത്തുള്ള ബന്ധുവിനെ വിവരം അറിയിച്ചു. മോഷണം നടന്നതായി സൂചന ലഭിച്ചതോടെ മാന്നാർ പൊലീസിൽ വിവരമറിയിച്ചു. എസ്എച്ച്ഒ: ഡി. രജീഷ്കുമാറിന്‍റെ നേതൃത്വത്തിലുള്ള പോലീസ് സംഘം സ്‌ഥലത്തെത്തി പരിശോധന നടത്തി.

അലമാര കുത്തിപ്പൊളിച്ചു

വീടിനുള്ളിൽ കടന്ന മോഷ്ടാക്കൾ അലമാര കുത്തിപ്പൊളിച്ച ശേഷം അതിനുള്ളിലെ ലോക്കർ തകർത്താണ് സ്വർണം കവർന്നത്. കൂടാതെ ലാപ്ടോപ് അടക്കം വിലപ്പെട്ട രേഖകൾ സൂക്ഷിച്ചിരുന്ന ബാഗ്, 30,000 രൂപ മൂല്യം വരുന്ന 25 യുകെ പൗണ്ട് എന്നിവയും മോഷണം പോയതായി ജോസ് പോലീസിനു മൊഴി നൽകി. വീടിനുള്ളിലെ അലമാരകൾ എല്ലാം തുറന്നു സാധനങ്ങൾ മുറിയിൽ വാരി വലിച്ചിട്ട നിലയിൽ കിടക്കുകയായിരുന്നു.

ആലപ്പുഴയിൽനിന്നു ഡോഗ് സ്ക്വാഡും ഫോറൻസിക് വിദഗ്ധരും എത്തി പരിശോധന നടത്തി. വീടിനുളളിൽനിന്നു മണം പിടിച്ചിറങ്ങിയ പോലീസ് നായ റോഡിലിറങ്ങി ഒരു കിലോമീറ്ററോളം ഓടി മാന്നാർ മാവേലിക്കര സംസ്ഥാന പാതയിലെത്തി നിന്നു. വിരലടയാള വിദഗ്‌ധരും പരിശോധന നടത്തി. മാന്നാർ പോലീസ് അന്വേഷണം ആരംഭിച്ചെങ്കിലും ഇതുവരെ സൂചനകളൊന്നും ലഭിച്ചിട്ടില്ല. 

അമ്പലപ്പുഴ: അവധി ദിവസങ്ങളിൽ മെഡിക്കൽ കോളജ് ആശുപത്രിക്കു സമീപമുള്ള സ്വകാര്യ സ്കാനിംഗ് സെന്‍ററുകളും അടച്ചിടുന്നത് രോഗികൾക്കു വിനയാകുന്നു. ആലപ്പുഴ മെഡിക്കൽ കോളജ് ആശുപത്രിക്കു സമീപമുള്ള സ്കാനിംഗ് സെന്‍ററുകളാണ് ഞായറാഴ്ചകളിൽ പ്രവർത്തിക്കാത്തത്. ഞായറാഴ്ച മെഡിക്കൽ കോളജ് ആശുപത്രിയിലും മറ്റ് സ്വകാര്യ ആശുപത്രികളിലും ചികിത്സ തേടിയെത്തുന്ന രോഗികൾക്കു സ്കാനിംഗ് നിർദേശിച്ചാൽ സ്കാനിംഗ് സെന്‍റർ തേടി നെട്ടോട്ടമോടേണ്ട അവസ്ഥയിലാണ് രോഗികളും ബന്ധുക്കളും.

ആലപ്പുഴ വരെ എത്തിയാണ് ഞായറാഴ്ചകളിൽ പലരും സ്കാനിംഗ് നടത്തുന്നത്. മെഡിക്കൽ കോളജ് ആശുപത്രിക്കു സമീപമുള്ള സ്കാനിംഗ് സെന്‍ററുകളിൽ ഒരെണ്ണമെങ്കിലും ഞായറാഴ്ചകളിലും അവധി ദിനങ്ങളിലും തുറന്നു പ്രവർത്തിക്കാൻ ആരോഗ്യവകുപ്പ് ഇടപെടണമെന്നാണ് രോഗികളുടെ ആവശ്യം.

അമ്പലപ്പുഴ: മില്‍മ പാല്‍വിതരണ വാഹനത്തിന്‍റെ ഡോര്‍ തുറന്നു റോഡിൽ
തെറിച്ചു വീണു പരിക്കേറ്റ തൊഴിലാളി മരിച്ചു. അമ്പലപ്പുഴ വടക്ക് 17 ആം വാര്‍ഡില്‍ വളഞ്ഞവഴി പടിഞ്ഞാറ് കാക്കാഴം വെള്ളംതെങ്ങ് പുഷ്പരാജ് -പ്രിയംവദ ഭമ്പതികളുടെ മകന്‍ ഉഷസ്(30) ആണ് മരിച്ചത്.

ശനിയാഴ്ച രാവിലെ 11 ഓടെ കാക്കാഴം മേല്‍പ്പാലത്തിലായിരുന്നു അപകടം. മേല്‍പ്പാലത്തിനു മുമ്പുള്ള കടയില്‍ പാലിറക്കിയ ശേഷം വാഹനത്തിന്‍റെ മുന്‍സീറ്റില്‍ കയറി തെക്ക് ഭാഗത്തേക്കു പോകുന്നതിനിടെ പാലത്തിലെ കുഴിയില്‍പെട്ട് വാതില്‍ പെട്ടെന്നു തുറന്നുപോയതോടെ ഉഷസ് റോഡിലേക്കു തെറിച്ചു വീഴുകയായിരുന്നു.

തലയ്ക്കും വയറിനും ഗുരുതര പരിക്കേറ്റ ഉഷസിനെ ആലപ്പുഴ മെഡിക്കല്‍ കോളജ് ആശുപത്രിയിലും പിന്നീട് എറണാകുളത്തെ സ്വകാര്യ ആശുപത്രിയിലും പ്രവേശിപ്പിച്ചെങ്കിലും ഇന്നലെ മരിച്ചു. അവിവാഹിതനാണ്. സഹോദരങ്ങൾ: പരേതനായ ഉല്ലാസ്, ഉണ്ണി. മെഡിക്കൽ കോളജ് ആശുപത്രിയിൽ പോസ്റ്റുമോർട്ടം ചെയ്ത മൃതദേഹം വീട്ടുവളപ്പിൽ സംസ്കരിച്ചു.

അമ്പലപ്പുഴ: യുവാവിന്‍റെ അക്കൗണ്ടിൽ പണം നിക്ഷേപിച്ച ശേഷം നിരവധി ഇഎംഐ അടയ്ക്കാനുണ്ടെന്നും ഉടൻ നൽകണമെന്നും പറഞ്ഞ് ഭീഷണി. പണം അടച്ചുതീർത്തില്ലെങ്കിൽ വാണ്ടഡ് പോസ്റ്റർ പ്രചരിപ്പിക്കുമെന്നും ഭീഷണിപ്പെടുത്തി.

അമ്പലപ്പുഴ തെക്ക് പഞ്ചായത്ത് തെക്കേമുണ്ടക്കൽ അനൂപിനാണ് അജ്ഞാതരുടെ ഭീഷണി ലഭിച്ചത്. ഈ മാസം രണ്ടിനു യുവാവിന്‍റെ കനറാ ബാങ്ക് അക്കൗണ്ടിൽ 2100 രൂപ വീതം എത്തിയതായി കാണിച്ചു മൂന്നു മെസേജുകൾ ഫോണിൽ വന്നു.

അക്കൗണ്ട് പരിശോധിച്ച അനൂപ് തനിക്ക് ഇങ്ങനെ പണം ലഭിക്കേണ്ട സാഹചര്യമില്ലെന്നു മനസിലാക്കിയതിനെത്തുടർന്ന് ബാങ്കിലും അമ്പലപ്പുഴ പോലീസിലും പരാതി നൽകി.

പഞ്ചാബ്, ചണ്ഡിഗഡ് എന്നിവിടങ്ങളിൽനിന്നാണ് പണം അക്കൗണ്ടിൽ വന്നതെന്നു പരിശോധനയിൽ വ്യക്തമായി. കഴിഞ്ഞ ദിവസം യുവാവിന്‍റെ വാട്സ് ആപ്പിലും തുടർന്ന് ഫോൺ ചെയ്തും നിരവധി ഇഎംഐയുടെ പണം അടയ്ക്കാനുണ്ടെന്നും പണമടച്ചില്ലെങ്കിൽ അനൂപിന്‍റെ ചിത്രം വച്ചു തയാറാക്കിയ വാണ്ടഡ് എന്ന പോസ്റ്റർ പ്രചരിപ്പിക്കുമെന്നും ഭീഷണിപ്പെടുത്തി.

പിന്നാലെ ഈ ചിത്രവും അയച്ചു നൽകി. പോലീസ് തയാറാക്കുന്ന തരത്തിലാണ് വാണ്ടഡ് പോസ്റ്റർ തയാറാക്കിയത്. പണമടച്ചില്ലെങ്കിൽ ഇതു നിരവധി പേർക്കും ഗ്രൂപ്പുകളിലും അയച്ചു നൽകുമെന്നും ഭീഷണിപ്പെടുത്തി. അനൂപ് ഇതു സംബന്ധിച്ച് വീണ്ടും അമ്പലപ്പുഴ പോലീസിൽ പരാതി നൽകിയിരിക്കുകയാണ്.

ആലപ്പുഴ: നഗരസഭ സ്റ്റാൻഡിംഗ് കമ്മിറ്റി ചെയർമാൻ വോട്ടെടുപ്പിൽ എസ്ഡിപിഐ ഇടതുമുന്നണിയെ പിന്തുണച്ചു.
ചെയർപേഴ്സൺ, വൈസ് ചെയർമാൻ തെരഞ്ഞെടുപ്പുകളിൽനിന്ന് വിട്ടുനിന്ന എസ്ഡിപിഐ സ്റ്റാൻഡിംഗ് കമ്മിറ്റി ചെയർമാൻ വോട്ടെടുപ്പിൽ എൽഡിഎഫിനൊപ്പം നിലയുറപ്പിച്ചു. സ്വതന്ത്ര കൗൺസിലറുടെ പിന്തുണയോടു കൂടിയാണ് യുഡിഎഫ് ആലപ്പുഴ മുൻസിപ്പാലിറ്റിയിൽ അധികാരത്തിൽ എത്തിയത്.

ആ​ല​പ്പു​ഴ: ഹ​രി​പ്പാ​ട്ട് പാ​പ്പാ​നെ കു​ത്തി​ക്കൊ​ന്ന ആ​ന​യു​ടെ സ​മീ​പം ആ​റു​മാ​സം പ്രാ​യ​മു​ള്ള കു​ഞ്ഞു​മാ​യി പാ​പ്പാ​ന്‍റെ സാ​ഹ​സം. ക​ഴി​ഞ്ഞ ഞാ​യ​റാ​ഴ്ച ഹ​രി​പ്പാ​ട് സു​ബ്ര​ഹ്മ​ണ്യ ക്ഷേ​ത്ര​ത്തി​ലാ​ണ് ന​ടു​ക്കു​ന്ന സം​ഭ​വ​മു​ണ്ടാ​യ​ത്.

ആ​ന​യു​ടെ താ​ത്കാ​ലി​ക പാ​പ്പാ​ൻ അ​ഭി​ലാ​ഷി​ന്‍റെ കു​ട്ടി​യാ​ണി​ത്. ഇ​തി​നി​ടെ കു​ട്ടി അ​ഭി​ലാ​ഷി​ന്‍റെ കൈ​യി​ൽ നി​ന്നും ആ​ന​യു​ടെ കാ​ൽ ചു​വ​ട്ടി​ലേ​ക്ക് വീ​ഴു​ക​യും ചെ​യ്തു.

ചോ​റൂ​ണി​ന് വേ​ണ്ടി​യാ​ണ് കു​ഞ്ഞി​നെ ക്ഷേ​ത്ര​ത്തി​ലേ​ക്ക് കൊ​ണ്ടു​വ​ന്ന​ത്. തു​ട​ര്‍​ന്ന്, ഹ​രി​പ്പാ​ട് സ്‌​ക​ന്ദ​ന്‍ എ​ന്ന ആ​ന​യു​ടെ മു​ന്നി​ലേ​ക്ക് എ​ത്തി​ക്കു​ക​യാ​യി​രു​ന്നു. കു​ട്ടി​യെ ആ​ന​യു​ടെ തു​മ്പി കൈ​യു​ടെ അ​ടി​യി​ലൂ​ടെ കൊ​ണ്ട് പോ​കു​ന്ന​തും ദൃ​ശ്യ​ങ്ങ​ളി​ല്‍ കാ​ണാം.

ആ​ന​യു​ടെ കാ​ലു​ക​ള്‍​ക്കി​ട​യി​ലൂ​ടെ​യും കു​ഞ്ഞു​മാ​യി പോ​യി. തു​ട​ര്‍​ന്ന് തു​മ്പി​ക്കൈ​യി​ല്‍ ഇ​രു​ത്താ​ന്‍ ശ്ര​മി​ക്കു​മ്പോ​ഴാ​ണ് അ​ഭി​ലാ​ഷി​ന്‍റെ കൈ​യി​ല്‍ നി​ന്ന് കു​ട്ടി മ​റി​ഞ്ഞ് ആ​ന​യു​ടെ കാ​ല്‍ ചു​വ​ട്ടി​ലേ​ക്ക് വീ​ണ​ത്.

ക​ഴി​ഞ്ഞ സെ​പ്റ്റം​ബ​റി​ലാ​ണ് ഹ​രി​പ്പാ​ട് സ്‌​ക​ന്ദ​ന്‍ എ​ന്ന ഈ ​ആ​ന പു​റ​ത്തി​രു​ന്ന ര​ണ്ട് പേ​രെ വ​ലി​ച്ച് താ​ഴെ​യി​ടു​ക​യും ഒ​ന്നാം പാ​പ്പാ​നെ ച​വി​ട്ടി​യും കു​ത്തി​യും കൊ​ല​പ്പെ​ടു​ത്തു​ക​യും ചെ​യ്ത​ത്. തു​ട​ര്‍​ന്ന് കൊ​ല്ല​ത്ത് നി​ന്ന് മ​റ്റൊ​രു പാ​പ്പാ​നെ​ത്തി ആ​ന​യെ ത​ള​യ്ക്കാ​ന്‍ ശ്ര​മി​ച്ചു. ഇ​യാ​ളെ​യും ആ​ന ആ​ക്ര​മി​ച്ച് പ​രി​ക്കേ​ല്‍​പ്പി​ച്ചി​രു​ന്നു.

സം​ഭ​വം പു​റ​ത്തു​വ​ന്ന​തോ​ടെ താ​ത്കാ​ലി​ക പാ​പ്പാ​ൻ അ​ഭി​ലാ​ഷി​നെ ജോ​ലി​യി​ൽ നി​ന്നും മാ​റ്റി നി​ര്‍​ത്തി. കു​ട്ടി​യു​ടെ പേ​ടി മാ​റാ​നാ​ണ് ആ​ന​യു​ടെ അ​ടി​യി​ലൂ​ടെ പോ​യ​തെ​ന്ന് ഇ​യാ​ൾ ക്ഷേ​ത്രം ഭാ​ര​വാ​ഹി​ക​ളോ​ടു പ​റ​ഞ്ഞു.

ആ​ല​പ്പു​ഴ: ബി​ജെ​പി നേ​താ​വും മു​ൻ കേ​ന്ദ്ര​മ​ന്ത്രി​യു​മാ​യ പ്ര​കാ​ശ് ജാ​വ​ദേ​ക്ക​ര്‍ എ​സ്എ​ൻ​ഡി​പി യോ​ഗം ജ​ന​റ​ൽ സെ​ക്ര​ട്ട​റി വെ​ള്ളാ​പ്പ​ള്ളി ന​ടേ​ശ​നു​മാ​യി കൂ​ടി​ക്കാ​ഴ്ച ന​ട​ത്തി. ക​ണി​ച്ചു​കു​ള​ങ്ങ​ര​യി​ലെ വീ​ട്ടി​ലെ​ത്തി​യാ​ണ് ജാ​വ​ദേ​ക്ക​ർ വെ​ള്ളാ​പ്പ​ള്ളി​യെ ക​ണ്ട​ത്.

രാ​ഷ്ട്രീ​യ വി​വാ​ദ​ങ്ങ​ൾ ക​ത്തി നി​ൽ​ക്കു​ന്ന​തി​നി​ടെ​യാ​ണ് കൂ​ടി​ക്കാ​ഴ്ച​യ്ക്കാ​യി ജാ​വ​ദേ​ക്ക​ർ എ​ത്തി​യ​ത്. ഉ​ച്ച​വ​രെ വെ​ള്ളാ​പ്പ​ള്ളി ന​ടേ​ശ​നൊ​പ്പം ജാ​വ​ദേ​ക്ക​ര്‍ കൂ​ടി​ക്കാ​ഴ്ച ന​ട​ത്തി​യെ​ന്നാ​ണ് വി​വ​രം. സ​ന്ദീ​പ് വാ​ച​സ്പ​തി​യ​ട​ക്ക​മു​ള്ള ബി​ജെ​പി സം​സ്ഥാ​ന-​ജി​ല്ലാ നേ​താ​ക്ക​ളും ജാ​വ​ദേ​ക്ക​റി​നൊ​പ്പ​മു​ണ്ടാ​യി​രു​ന്നു.

മ​ല​പ്പു​റ​വു​മാ​യി ബ​ന്ധ​പ്പെ​ട്ട് മു​സ്ലീം ലീ​ഗി​നെ​തി​രെ വെ​ള്ളാ​പ്പ​ള്ളി നി​ര​ന്ത​രം ന​ട​ത്തു​ന്ന വ​ര്‍​ഗീ​യ പ​രാ​മ​ര്‍​ശ​ങ്ങ​ള്‍​ക്കെ​തി​രെ വ​ലി​യ വി​മ​ര്‍​ശ​നം ഉ​യ​രു​ന്ന​തി​നി​ടെ​യാ​ണ് വെ​ള്ളാ​പ്പ​ള്ളി​യെ കൂ​ടെ കൂ​ട്ടാ​നു​ള്ള ബി​ജെ​പി​യു​ടെ നീ​ക്കം. എ​ന്നാ​ൽ കൂ​ടി​ക്കാ​ഴ്ച സം​ബ​ന്ധി​ച്ച് നേ​താ​ക്ക​ള്‍ ഇ​തു​വ​രെ പ്ര​തി​ക​രി​ച്ചി​ട്ടി​ല്ല.

ആലപ്പുഴ: യുവ അഭിഭാഷകയെ മരിച്ചനിലയിൽ കണ്ടെത്തി. പുന്നപ്ര പറവൂർ തൂക്കുകുളം സ്വദേശി അഡ്വ. അഞ്ജിത ബി. പിള്ള (23) യെയാണ് മരിച്ചനിലയിൽ കണ്ടെത്തിയത്. ഇന്നലെ വൈകുന്നേരം ആറിന് ആണ് വീടിനുള്ളിൽ തൂങ്ങി മരിച്ചനിലയിലയിൽ കണ്ടെത്തിയത്. പുന്നപ്ര പൊലീസ് സ്ഥലത്തെത്തി മൃതദേഹം ആലപ്പുഴ മെഡിക്കൽ കോളേജ് ആശുപത്രി മോർച്ചറിയിലേക്കു മാറ്റി. സംഭവത്തില്‍ പോലീസ് അന്വേഷണം ആരംഭിച്ചു.

തുറവൂർ: വിദേശത്തുള്ള മകന്‍റെ സുഹൃത്താണെന്നു അവകാശപ്പെട്ടെത്തിയ മധ്യവയസ്കൻ വീട്ടുകാരെ കബളിപ്പിച്ച് 700 രൂപ വാങ്ങുകയും വീട്ടിലെ മൊബൈൽ ഫോൺ മോഷണമായി കടന്നെന്നും പരാതി.

കോടംതുരുത്ത് ധന്യായിൽ ശ്രീദേവിയുടെ വീട്ടിൽ ഇന്നലെ ഉച്ചയോടെ എത്തിയ ആളാണ് കബളിപ്പിച്ചത്. മസ്‌കറ്റിൽ ജോലിയുള്ള മകന്‍റെ സുഹൃത്താണെന്നു പരിചയം നടിച്ചെത്തി ഇയാൾ മരട് സ്റ്റേഷനിലെ എഎസ്ഐയാണെന്നാണ് വീട്ടുകാരെ ധരിപ്പിച്ചത്.

വിരമിക്കാൻ ആറു മാസം മാത്രമേയുള്ളെന്നും കാൻസർ രോഗിയാണെന്നും പറഞ്ഞു. 1,800 രൂപ സഹായം ആവശ്യപ്പെടുകയും ചെയ്തു. എന്നാൽ, അത്രയും പണം കൈയിൽ ഇല്ലാതിരുന്നതിനാൽ 700 രൂപ ഉണ്ടായിരുന്നത് വീട്ടുകാർ കൊടുത്തു.

ഇതിനിടെ, വീട്ടിലുണ്ടായിരുന്ന മൊബൈൽ ഫോൺ ഇയാൾ കവർന്നു. ഇയാൾ പോയതിനു ശേഷമാണ് മൊബൈൽ ഫോൺ നഷ്ടമായതു ശ്രദ്ധയിൽപ്പെട്ടത്. പരാതിയെത്തുടർന്നു കുത്തിയതോട് പോലീസ് അന്വേഷണം തുടങ്ങി.

എ​ട​ത്വ: ആ​ല​പ്പു​ഴ എ​ട​ത്വ​യി​ൽ ടൂ​റി​സ്റ്റ് ബ​സും ബൈ​ക്കും കൂ​ട്ടി​യി​ടി​ച്ച് ര​ണ്ട് യു​വാ​ക്ക​ൾ മ​രി​ച്ചു. ചെ​റു​ത​ന പ​ഞ്ചാ​യ​ത്ത് ര​ണ്ടാം വാ​ര്‍​ഡ് പോ​ച്ച തു​ണ്ട​ത്തി​ല്‍ മ​ണി​ക്കു​ട്ട​ന്‍ (മ​നു - 29), പ​തി​മൂ​ന്നി​ൽ​ചി​റ സു​ബീ​ഷ് (27) എ​ന്നി​വ​രാ​ണ് മ​രി​ച്ച​ത്. ഇ​രു​വ​രും സ​ഹോ​ദ​ര​ങ്ങ​ളു​ടെ മ​ക്ക​ളാ​ണ്.

എ​ട​ത്വ-​ത​ക​ഴി റോ​ഡി​ല്‍ പ​ച്ച ജം​ഗ്ഷ​ന് സ​മീ​പം ബു​ധ​നാ​ഴ്ച രാ​ത്രി 8.15 ഓ​യോ​ടെ​യാ​യി​രു​ന്നു അ​പ​ക​ടം. ത​ക​ഴി ഭാ​ഗ​ത്ത് നി​ന്ന് വ​ന്ന യു​വാ​ക്ക​ള്‍ സ​ഞ്ച​രി​ച്ചി​രു​ന്ന സ്കൂ​ട്ട​റും എ​ട​ത്വ ഭാ​ഗ​ത്ത് നി​ന്ന് വ​ന്ന ടൂ​റി​സ്റ്റ് ബ​സു​മാ​യി കൂ​ട്ടി​യി​ടി​ക്കു​ക​യാ​യി​രു​ന്നു.

ആ​ല​പ്പു​ഴ: പ​ക്ഷി​പ്പ​നി സ്ഥി​രീ​ക​രി​ച്ച​തി​നെ തു​ട​ർ​ന്ന് ആ​ല​പ്പു​ഴ ജി​ല്ല​യി​ലെ വി​വി​ധ പ്ര​ദേ​ശ​ങ്ങ​ളി​ൽ ഏ​ർ​പ്പെ​ടു​ത്തി​യി​രു​ന്ന നി​യ​ന്ത്ര​ണ​ങ്ങ​ൾ നീ​ക്കി.​കോ​ഴി,താ​റാ​വ്,കാ​ട എ​ന്നി​വ​യു​ടെ മാം​സം,മു​ട്ട എ​ന്നി​വ വി​ൽ​ക്കാ​ൻ അ​നു​മ​തി ന​ൽ​കി.

ഹോ​ട്ട​ലു​ക​ളി​ൽ ചി​ക്ക​ൻ വി​ഭ​വ​ങ്ങ​ൾ വി​ൽ​ക്കാ​നു​ള്ള നി​യ​ന്ത്ര​ണ​വും നീ​ക്കി. ആ​ല​പ്പു​ഴ ജി​ല്ല​യി​ലെ 32 പ​ഞ്ചാ​യ​ത്തു​ക​ളി​ലും ആ​ല​പ്പു​ഴ,ഹ​രി​പ്പാ​ട് ന​ഗ​ര​സ​ഭ​ക​ളി​ലു​മാ​യി​രു​ന്നു നി​യ​ന്ത്ര​ണം.

ജി​ല്ല​യി​ൽ പു​തു​താ​യി പ​ക്ഷി​പ്പ​നി കേ​സു​ക​ൾ സ്ഥി​രീ​ക​രി​ച്ചി​ട്ടി​ല്ല. അ​തേ​സ​മ​യം സം​ശ​യ​മു​ള്ള മൂ​ന്ന് സാ​മ്പി​ളു​ക​ൾ ഭോ​പ്പാ​ലി​ൽ പ​രി​ശോ​ധ​ന​യ്ക്ക് അ​യ​ച്ചു.

ആ​ല​പ്പു​ഴ: ജി​ല്ല​യി​ൽ ആ​റ് പ​ഞ്ചാ​യ​ത്തു​ക​ൾ ഭ​രി​ക്കാ​നൊ​രു​ങ്ങി ബി​ജെ​പി. ആ​ലാ, ബു​ധ​നൂ​ർ, കാ​ർ​ത്തി​ക​പ്പ​ള്ളി, തി​രു​വ​ൻ​വ​ണ്ടൂ​ർ, പാ​ണ്ട​നാ​ട്, ചെ​ന്നി​ത്ത​ല തൃ​പെ​രു​ന്തു​റ എ​ന്നി പ​ഞ്ചാ​യ​ത്തു​ക​ളി​ലാ​ണ് ബി​ജെ​പി​ക്ക് ഭ​ര​ണം ല​ഭി​ച്ച​ത്.

ആ​ലാ പ​ഞ്ചാ​യ​ത്ത് പ്ര​സി​ഡ​ന്‍റാ​യി അ​നീ​ഷാ ബി​ജു​വും, ബു​ധ​നൂ​ർ പ്ര​സി​ഡ​ന്‍റാ​യി പ്ര​മോ​ദ് കു​മാ​റും കാ​ർ​ത്തി​ക​പ്പ​ള്ളി പ്ര​സി​ഡ​ന്‍റാ​യി പി. ​ഉ​ല്ലാ​സ​നും തി​രു​വ​ൻ​വ​ണ്ടൂ​ർ പ്ര​സി​ഡ​ന്‍റാ​യി സ്മി​താ രാ​ജേ​ഷും പാ​ണ്ട​നാ​ട് പ​ഞ്ചാ​യ​ത്ത് പ്ര​സി​ഡ​ന്‍റാ​യി ജി​ജി കു​ഞ്ഞു​കു​ഞ്ഞും ചെ​ന്നി​ത്ത​ല പ്ര​സി​ഡ​ന്‍റാ​യി ബി​നു​രാ​ജും തെ​ര​ഞ്ഞെ​ടു​ക്ക​പ്പെ​ട്ടു.

ജി​ല്ല​യി​ൽ 2020ലെ ​തെ​ര​ഞ്ഞെ​ടു​പ്പി​ൽ ര​ണ്ടു പ​ഞ്ചാ​യ​ത്തു​ക​ളി​ൽ മാ​ത്രം ഭ​ര​ണം ല​ഭി​ച്ച ബി​ജെ​പി​ക്ക് ഇ​ത്ത​വ​ണ നേ​ട്ട​മാ​ണ്. ക​ഴി​ഞ്ഞ ത​വ​ണ തി​രു​വ​ൻ വ​ണ്ടൂ​ർ പ​ഞ്ചാ​യ​ത്ത് സ്വ​ത​ന്ത്ര​ന്‍റെ പി​ന്തു​ണ​യി​ൽ എ​ൽ‌​ഡി​എ​ഫ് ആ​യി​രു​ന്നു ഭ​രി​ച്ചി​രു​ന്ന​ത്. ആ​ല​യും ബു​ധ​നൂ​രും എ​ൽ​ഡി​എ​ഫും പാ​ണ്ട​നാ​ട് യു​ഡി​എ​ഫു​മാ​യി​രു​ന്നു ഭ​രി​ച്ച​ത്.

ആ​ല​പ്പു​ഴ: പ്ര​ശ​സ്ത വ​ച​ന പ്ര​ഘോ​ഷ​ക​നും പു​ന്ന​പ്ര ഐ​എം​എ​സ് ധ്യാ​ന​ഭ​വ​ന്‍ ഡ​യ​റ​ക്ട​റു​മാ​യ ഫാ. ​പ്ര​ശാ​ന്ത് ഐ​എം​എ​സ് (70) അ​ന്ത​രി​ച്ചു. എ​റ​ണാ​കു​ള​ത്തെ സ്വ​കാ​ര്യ ആ​ശു​പ​ത്രി​യി​ലാ​യി​രു​ന്നു അ​ന്ത്യം. സം​സ്കാ​രം 23ന് ​വൈ​കു​ന്നേ​രം മൂ​ന്നി​ന് ഐ​എം​എ​സ് ധ്യാ​ന​ഭ​വ​നി​ൽ ന​ട​ക്കും.

ധ്യാ​ന​ഭ​വ​നൊ​പ്പം പു​ന്ന​പ്ര​യി​ല്‍ 1988, 1999 ക​ളി​ല്‍ സ്ഥാ​പി​ച്ച മ​രി​യ​ധാം, മ​രി​യ​ഭ​വ​ന്‍, മ​രി​യാ​ല​യം പ​ള്ളി​ത്തോ​ട്ടി​ലെ മ​രി​യ സ​ദ​ന്‍ എ​ന്നീ നാ​ല് അ​നാ​ഥാ​ല​യ​ങ്ങ​ളും മാ​ന​സി​ക പ​രി​മി​തി​യു​ള്ള​വ​ര്‍​ക്കാ​യി അ​ദ്ദേ​ഹ​ത്തി​ന്‍റെ നേ​തൃ​ത്വ​ത്തി​ല്‍ തു​ട​ങ്ങി. 400 ഓ​ളം മാ​ന​സി​ക പ​രി​മി​തി​യു​ള്ള​വ​രെ ഇ​വി​ടെ സം​ര​ക്ഷി​ക്കു​ന്നു.

പ​ള്ളി​ത്തോ​ട് അ​റു​കു​ല​ശേ​രി വീ​ട്ടി​ല്‍ ഉ​മ്മ​ച്ച​ന്‍റെ​യും എ​ര്‍​ണ​മ്മ​യു​ടെ​യും മ​ക​നാ​യി 1955 ഏ​പ്രി​ല്‍ 11 ജ​നി​ച്ച ഫാ. ​പ്ര​ശാ​ന്ത്, 1981 ഡി​സം​ബ​ര്‍ 28ന് ​ആ​ല​പ്പു​ഴ രൂ​പ​താ​ധ്യ​ക്ഷ​ന്‍ ഡോ. ​മൈ​ക്കി​ള്‍ ആ​റാ​ട്ടു​കു​ള​ത്തി​ല്‍ നി​ന്നാ​ണ് തി​രു​പ്പ​ട്ടം സ്വീ​ക​രി​ച്ച​ത്. 1967-ല്‍ ​യു​പി സ്‌​കൂ​ള്‍ പ​ഠ​ന​ത്തി​നു ശേ​ഷം ഇ​ന്ത്യ​ന്‍ മി​ഷ​ണ​റി സൊ​സൈ​റ്റി​യി​ലെ വൈ​ദീ​ക വി​ദ്യാ​ര്‍​ഥി​യാ​യി.

1966-ല്‍ ​ആ​ല​പ്പു​ഴ​യി​ലെ പ​റ​വൂ​രി​ല്‍ ഭാ​ര​ത​റാ​ണി പ്രേ​ഷി​ത്ഭ​വ​ന്‍ എ​ന്ന പേ​രി​ലാ​ണ് ഇ​ന്ന​ത്തെ ഐ​എം​എ​സ് ധ്യാ​ന​ഭ​വ​ന്‍ തു​ട​ങ്ങു​ന്ന​ത്. ഇ​വി​ട​ത്തെ അ​പ്പോ​സ്‌​തോ​ലി​ക് സ്‌​കൂ​ളി​ലെ ര​ണ്ടാം ബാ​ച്ചു​കാ​ര​നാ​യി വൈ​ദി​ക പ​ഠ​ന​ത്തി​ലേ​ക്കു പ്ര​വേ​ശി​ച്ചു.

ഉ​ത്ത​ര്‍​പ്ര​ദേ​ശി​ലെ വാ​ര​ണാ​സി​യി​ലു​ള്ള ക്രൈ​സ്റ്റ് ന​ഗ​റി​ലെ മൈ​ന​ര്‍ സെ​മി​നാ​രി​യി​ലാ​യി​രു​ന്നു വൈ​ദി​ക പ​ഠ​ന​ത്തി​ന്‍റെ തു​ട​ക്കം. ഇ​വി​ടെ പോ​സ്റ്റു​ല​ന്‍​സി പൂ​ര്‍​ത്തി​യാ​ക്കി​യ ശേ​ഷം നൊ​വി​ഷ്യേ​റ്റും, അ​ല​ഹ​ബാ​ദി​ല്‍ ഫി​ലോ​സ​ഫി പ​ഠ​ന​വും പൂ​ര്‍​ത്തി​യാ​ക്കി. 1974 ല്‍ ​അ​ല​ഹ​ബാ​ദ് റീ​ജ​ണ​ല്‍ സെ​മി​നാ​രി​യി​ലാ​യി​രു​ന്നു വ്ര​ത​വാ​ഗ്ദാ​നം.

1975 മു​ത​ല്‍ 76 വ​രെ വാ​രാ​ണ​സി​യി​ലെ ക്രൈ​സ്റ്റ് ന​ഗ​റി​ല്‍ ഫി​ലോ​സ​ഫി​യും 1977 മു​ത​ല്‍ ഹ​രി​യാ​ന​യി​ലെ ക​ര്‍​ണ്ണാ​ക്കി​ലും മ​ണി​പ്പൂ​രി​ലെ താ​ന്‍​ലോ​ണി​ലും റി​ജ​ന്‍​സി​യും പൂ​ര്‍​ത്തി​യാ​ക്കി. 1978 മു​ത​ല്‍ ബി​ഹാ​ര്‍ റാ​ഞ്ചി​യി​ലെ സെ​ന്‍റ് ആ​ല്‍​ബ​ര്‍​ട്‌​സ് കോ​ള​ജി​ല്‍ ദൈ​വ​ശാ​സ്ത്രം പ​ഠി​ച്ചു. 1982 ല്‍ ​മ​ണി​പ്പൂ​രി​ലെ പ​ള്ളി​യി​ലാ​യി​രു​ന്നു ആ​ദ്യ നി​യ​മ​നം.

1982 മു​ത​ല്‍ 89 വ​രെ ആ​ദി​വാ​സി​ക​ളു​ടെ ഇ​ട​യി​ലെ പ്രേ​ഷി​ത പ്ര​വ​ര്‍​ത്ത​ന​ത്തി​നു ശേ​ഷ​മാ​ണ് ആ​ല​പ്പു​ഴ ഐ​എം​എ​സ് ധ്യാ​ന​ഭ​വ​ന്‍റെ സു​പ്പീ​രി​യ​റാ​യി സ്ഥാ​ന​മേ​ല്‍​ക്കു​ന്ന​ത്. പി​ന്നീ​ട് ഡ​യ​റ​ക്ട​റു​മാ​യി. പ്ലാ​സി​ഡ് എ​ന്ന പേ​രാ​ണ് വ്ര​ത​വാ​ഗ്ദാ​ന സ​മ​യ​ത്ത് ഫാ. ​പ്ര​ശാ​ന്ത് സ്വീ​ക​രി​ച്ച​ത്. ഇ​തി​ന്‍റെ മ​ല​യാ​ള അ​ര്‍​ഥ​മാ​യ "പ്ര​ശാ​ന്തം' എ​ന്ന​തി​ല്‍ നി​ന്നാ​ണ് ഫാ. ​പ്ര​ശാ​ന്ത് എ​ന്ന മ​ല​യാ​ളം പേ​ര് സ്വീ​ക​രി​ച്ച​ത്.

ആലപ്പുഴ: കൈനകരിയിൽ ഗർഭിണിയായ യുവതിയെ കൊലപ്പെടുത്തി കായലിൽ തള്ളിയ കേസിൽ ഒന്നാം പ്രതിക്ക് വധശിക്ഷ. നിലമ്പൂർ സ്വദേശിയായ പ്രബീഷിനാണ് ആലപ്പുഴ അഡീഷണൽ ജില്ലാ സെഷൻസ് കോടതി വധശിക്ഷ വിധിച്ചത്. പുന്നപ്ര തെക്കേമഠം വീട്ടിൽ അനിത ശശിധരനെയാണ് (32) കാമുകനും വനിതാ സുഹൃത്തും ചേർന്നു കൊലപ്പെടുത്തിയത്.

മലപ്പുറം നിലമ്പൂർ മുതുകോട് പൂക്കോടൻ വീട്ടിൽ പ്രബീഷാണ് (37) കേസിലെ ഒന്നാം പ്രതി. കൈനകരി പഞ്ചായത്ത് പത്താം വാർഡിൽ തോട്ടുവാത്തല പടിഞ്ഞാറു പതിശ്ശേരി വീട്ടിൽ രജനിയാണ് (38) രണ്ടാം പ്രതി. യുവാവിനും വനിതാ സുഹൃത്തിനുമുള്ള ശിക്ഷയാണ് കോടതി വിധിച്ചത്. ആലപ്പുഴ അഡീഷണൽ ജില്ലാ സെഷൻസ് കോടതി മൂന്നാണ് ( സ്പെഷ്യൽ കോടതി ) പ്രതികൾ കുറ്റക്കാരാണെന്ന് കണ്ടെത്തിയത്.ആസൂത്രിത കൊലപാതകം
വിവാഹിതനായ പ്രബീഷ് വിവാഹിതരായ അനിതയുമായും രജനിയുമായും ഒരേസമയം അടുപ്പത്തിലായിരുന്നു. അനിത ഗർഭിണിയായതിന് പിന്നാലെ ഒഴിവാക്കാൻ ശ്രമിച്ചെങ്കിലും വിജയിച്ചില്ല.

തുടർന്ന് പാലക്കാട് ആലത്തൂരിലെ ഒരു ഫാമിൽ ജോലി ചെയ്യുകയായിരുന്ന അനിതയെ 2021 ജൂലൈ ഒൻപതിന് ആലപ്പുഴയിലേക്ക് വിളിച്ചു വരുത്തി. കെഎസ്ആർടിസി ബസ് സ്റ്റാൻഡിൽ വന്നിറങ്ങിയ അനിതയെ ഓട്ടോയിൽ രജനിയുടെ കൈനകരിയിലെ വീട്ടിലെത്തിച്ചു. തുടർന്ന് അനിതയെ പ്രബീഷ് കഴുത്തിൽ കത്തി വച്ച് ഭീഷണിപ്പെടുത്തി.നിലവിളി പുറത്തേക്ക് കേൾക്കാതിരിക്കാൻ രജനി വായും മൂക്കും അമർത്തിപ്പിടിച്ചു. ബോധരഹിതയായ അനിത കൊല്ലപ്പെട്ടെന്ന് കരുതി ഇരുവരും ചേർന്നു പൂക്കൈത ആറ്റിൽ ഉപേക്ഷിക്കുകയായിരുന്നുവെന്നാണ് പൊലീസിന്‍റെ കണ്ടെത്തൽ. പള്ളാത്തുരുത്തിക്ക് സമീപം ആറ്റിൽ അജ്ഞാത മൃതദേഹം കണ്ടെത്തിയ സംഭവമാണ് അന്വേഷണത്തിൽ അരുംകൊലയാണെന്ന് തെളിഞ്ഞത്. നെടുമുടി പൊലീസാണ് കേസ് രജിസ്റ്റർ ചെയ്തത്.

അന്വേഷണവും വിചാരണയും

വിവാഹിതയും രണ്ട് കുട്ടികളുടെ അമ്മയുമായ അനിതയെ പ്രബീഷും രജനിയും ചേർന്നാണ് കൊലപ്പെടുത്തിയതെന്ന് പോലീസ് കണ്ടെത്തി. കേസ് വേഗത്തിൽ അന്വേഷിച്ച് 90 ദിവസത്തിനുള്ളിൽ കുറ്റപത്രം സമർപ്പിച്ചു. വിചാരണ വേളയിൽ 82 സാക്ഷികളെ വിസ്തരിച്ചു. രജനിയുടെ അമ്മയും പ്രോസിക്യൂഷന് അനുകൂലമായി മൊഴി നൽകിയത് കേസിൽ നിർണായകമായി. മയക്കുമരുന്നു കേസിൽ ഒഡിഷയിൽ ജയിലുള്ള രജനിയെ നേരിട്ട് ഹാജരാക്കാൻ കോടതി ആവശ്യപ്പെട്ടിരിക്കുകയാണ്. പ്രബീഷ് തവനൂർ സെൻട്രൽ ജയിലിലാണ്. അഡീഷണൽ ഗവൺമെന്‍റ് പ്ലീഡർ എൻ ബി ഷാരിയാണ് പ്രോസിക്യൂഷനു വേണ്ടി ഹാജരായത്.

കൊച്ചി: എറണാകുളം വിപിഎസ് ലേക്‌ഷോര്‍ ആശുപത്രിയുടെ അത്യാഹിത വിഭാഗത്തില്‍ വിവാഹിതയായ ആവണിക്കും കുടുംബത്തിനും ആശ്വാസമേകി ആശുപത്രി ചെയര്‍മാന്‍ ഡോ. ഷംഷീര്‍ വയലിലിൽ. അപകടത്തില്‍ പരിക്കേറ്റ് ചികിത്സയില്‍ കഴിയുന്ന ആവണിയുടെ ശസ്ത്രക്രിയയും ചികിത്സയും സൗജന്യമായി നടത്താൻ ഡോ. ഷംഷീർ നിർദേശിച്ചു. വിവാഹ ദിവസം ഉണ്ടായ അപകടത്തെത്തുടർന്ന് അത്യാഹിത വിഭാഗത്തിലായ ആവണിയുടെ താലികെട്ട് ആശുപത്രിയിൽ നടന്നതറിഞ്ഞു വിപിഎസ് ലേക്‌ഷോര്‍ എം.ഡി എസ്.കെ. അബ്ദുള്ള മുഖേനയാണ് ചെലവുകളെല്ലാം ആശുപത്രി വഹിക്കുമെന്നു ഡോ. ഷംഷീർ കുടുംബത്തെ അറിയിച്ചത്.

ആശുപത്രി വിവാഹത്തിന് വേദിയാകുന്നത് അപൂർവ അനുഭവമാണെന്നും, എല്ലാ പ്രതിബന്ധങ്ങളും മറികടന്ന് നിശ്ചയിച്ചതു പോലെ വിവാഹിതരാകാനുള്ള ഇരുവരുടെയും തീരുമാനം ഹൃദയസ്പർശിയാണെന്നും ഡോ. ഷംഷീർ പറഞ്ഞു. വിപിഎസ് ലേക്‌ഷോറിലെ ഡോക്ടർമാരും ആരോഗ്യ പ്രവർത്തകരും മാനേജ്‌മെന്‍റും കുടുംബത്തെ പോലെ ഇരുവർക്കും ഒപ്പമുണ്ട്. വിദഗ്ധ ചികിത്സയിലൂടെ ആവണിക്ക് എത്രയും വേഗം സാധാരണ ജീവിതത്തിലേക്കു തിരിച്ചുവരാൻ ആകട്ടെ. ആവണിയുടെ ഭര്‍ത്താവ് ഷാരോണ്‍, മാതാപിതാക്കളായ ജഗദീഷ്, ജ്യോതി, സഹോദരന്‍ അതുല്‍ എന്നിവരെ നേരിട്ട് കണ്ട് എസ്.കെ. അബ്ദുള്ള എല്ലാ പിന്തുണയും അറിയിച്ചു. വിവാഹത്തിനും ചികിത്സയ്ക്കും ഒപ്പം നിന്ന വിപിഎസ് ലേക്‌ഷോര്‍ ആശുപത്രിക്കും ചെയര്‍മാന്‍ ഡോ. ഷംഷീര്‍ വയലിലിനും കുടുംബം നന്ദി പറഞ്ഞു.

വെള്ളിയാഴ്ച ഉച്ചയ്ക്കു 12.15നും 12.30നും ഇടയിലുള്ള മുഹൂര്‍ത്തത്തിലാണ് ആലപ്പുഴ കൊമ്മാടി മുത്തലശ്ശേരി വീട്ടില്‍ എം. ജഗദീഷ്- ജ്യോതി ദമ്പതികളുടെ മകളും ചേര്‍ത്തല ബിഷപ് മൂര്‍ സ്‌കൂള്‍ അധ്യാപികയുമായ ജെ. ആവണിയുടെയും തുമ്പോളി വളപ്പില്‍ വീട്ടില്‍ മനുമോന്‍- രശ്മി ദമ്പതികളുടെ മകനും ചേര്‍ത്തല കെ.വി.എം കോളജ് ഓഫ് എൻജിനിയറിങ് ആന്‍ഡ് ഇന്‍ഫര്‍മേഷന്‍ ടെക്‌നോളജിയിലെ അസി. പ്രഫസറുമായ വി.എം. ഷാരോണും തമ്മിലുള്ള വിവാഹം ആശുപത്രിയിലെ അത്യാഹിത വിഭാഗത്തില്‍ നടന്നത്. വെള്ളിയാഴ്ച ഉച്ചയ്ക്കു തുമ്പോളിയിലായിരുന്നു വിവാഹം നടക്കേണ്ടിയിരുന്നത്. മേയ്ക്കപ്പ് ഒരുക്കങ്ങള്‍ക്കായി പോകുന്നതിനിടെ പുലര്‍ച്ചെ മൂന്നിന് ആവണി സഞ്ചരിച്ച കാര്‍ കുമരകത്ത് അപകടത്തില്‍പെടുകയായിരുന്നു. ഗുരുതര പരിക്കേറ്റ ആവണിയെ വിദഗ്ധ ചികിത്സക്കായി വിപിഎസ് ലേക്‌ഷോറിൽ എത്തിച്ചപ്പോഴായിരുന്നു കുടുംബത്തിന്‍റെ ആഗ്രഹപ്രകാരം മുന്‍നിശ്ചയിച്ച മുഹൂര്‍ത്തത്തില്‍തന്നെ വിവാഹം നടന്നത്.

അമ്പ​തു വ​ർ​ഷം മു​മ്പ​ത്തെ ഒ​രു പ​ത്ര​വാ​ർ​ത്ത​യു​ടെ ക​ട്ടിം​ഗ് ക​ണ്ട​പ്പോ​ൾ ന​ട​ൻ കു​ഞ്ചാ​ക്കോ ബോ​ബ​ന് വി​സ്മ​യം. എ​ങ്ങ​നെ വി​സ്മ​യി​ക്കാ​തി​രി​ക്കും പി​താ​വ് ബോ​ബ​ന്‍റെ​യും അ​മ്മ മോ​ളി​യു​ടെ​യും വി​വാ​ഹ വാ​ർ​ത്ത​യു​ടെ പ​ത്ര ക​ട്ടിം​ഗ് ആ​ണ​ത്. ദീ​പി​ക​യി​ൽ 1975 ഒ​ക്ടോ​ബ​ർ 25ന് ​പ്ര​സി​ദ്ധീ​ക​രി​ച്ച വാ​ർ​ത്ത​യു​ടെ ക​ട്ടിം​ഗ് ആ​ണ് ദീ​പി​ക​യു​ടെ ലൈ​ബ്ര​റി​യി​ൽ​നി​ന്നു ചാ​ക്കോ​ച്ച​നു വാ​ട്ട്സ് ആ​പ്പി​ൽ ല​ഭി​ച്ച​ത്. അ​പ്ര​തീ​ക്ഷി​ത​മാ​യ ആ ​വാ​ർ​ത്ത​യു​ടെ ക​ട്ടിം​ഗ് ക​ണ്ട​തും ചാ​ക്കോ​ച്ച​ൻ വി​സ്മ​യ​ത്തോ​ടെ​യും കൗ​തു​ക​ത്തോ​ടെ​യും പ്ര​തി​ക​രി​ച്ചു. പ​ത്ര​ത്തി​ൽ പ്ര​സി​ദ്ധീ​ക​രി​ച്ച വാ​ർ​ത്ത ഇ​ങ്ങ​നെ: ഫി​ലിം പ്രൊ​ഡ്യൂ​സ​ർ, ഡ​യ​റ​ക്ട​ർ, സ്റ്റു​ഡി​യോ ഒാ​ണ​ർ ശ്രീ ​എം. കു​ഞ്ചാ​ക്കോ​യു​ടെ പു​ത്ര​നും എ​ക്സ​ൽ ഗ്ലാ​സി​ന്‍റെ മാ​നേ​ജിം​ഗ് ഡ​യ​റ​ക്ട​റു​മാ​യ ശ്രീ ​ബോ​ബ​ൻ കു​ഞ്ചാ​ക്കോ​യും ചാ​ല​ക്കു​ടി മാ​ളി​യേ​ക്ക​ൽ ശ്രീ ​ഇ​ട്ടൂ​പ്പി​ന്‍റെ മ​ക​ൾ മോ​ളി​യു​മാ​യു​ള്ള വി​വാ​ഹം ന​വം​ബ​ർ 5-ാം തീ​യ​തി ഉ​ച്ച​ക​ഴി​ഞ്ഞ് ആ​ല​പ്പു​ഴ​യി​ൽ വ​ച്ച് ന​ട​ത്താ​ൻ തീ​രു​മാ​നി​ച്ചി​രി​ക്കു​ന്നു. വി​വാ​ഹ​ച​ട​ങ്ങു​ക​ളോ​ട​നു​ബ​ന്ധി​ച്ച് ശ്രീ ​യേ​ശു​ദാ​സ​ൻ, അ​ന്പി​ളി, സു​ജാ​ത, എം.​എ​സ്. വി​ശ്വ​നാ​ഥ​ൻ മു​ത​ലാ​യ​വ​രു​ടെ പാ​ട്ടു​ക​ച്ചേ​രി​യും ഉ​ഷാ കു​മാ​രി, ജ​യ​ഭാ​ര​തി എ​ന്നി​വ​രു​ടെ ഡാ​ൻ​സ് പ്രോ​ഗ്രാ​മു​ക​ളും ഉ​ണ്ടാ​യി​രി​ക്കും. പ​രി​പാ​ടി​ക​ൾ പൊ​തു​ജ​ന​ങ്ങ​ൾ​ക്ക് പാ​സ് കൂ​ടാ​തെ കാ​ണാ​നു​ള്ള പ്ര​ത്യേ​ക സൗ​ക​ര്യ​ങ്ങ​ൾ ഉ​ണ്ടാ​യി​രി​ക്കു​ന്ന​താ​ണ്. ഈ ​വാ​ർ​ത്ത​യോ​ടൊ​പ്പം ബോ​ബ​ന്‍റെ​യും മോ​ളി​യു​ടെ​യും ഫോ​ട്ടോ​യും ഉ​ൾ​പ്പെ​ടു​ത്തി​യി​ട്ടു​ണ്ടാ​യി​രു​ന്നു.