കോ​ൽ​ക്ക​ത്ത: പ​ശ്ചി​മ ബം​ഗാ​ളി​ലെ കൂ​ച്ച് ബെ​ഹാ​റി​ൽ പാ​ലം ത​ക​ർ​ന്നു​വീ​ണു. ട്ര​ക്ക് ക​ട​ന്നു​പോ​കു​ന്ന​തി​നി​ടെ​യാ​ണ് പാ​ലം ത​ക​ർ​ന്നു​വീ​ണ​ത്. പാ​ലം ര​ണ്ടാ​യി ത​ക​ര്‍​ന്നു​വീ​ണ​തി​ന് പി​ന്നാ​ലെ ലോ​റി കു​ടു​ങ്ങി​ക്കി​ട​ക്കു​ക​യാ​യി​രു​ന്നു​വെ​ന്ന് ദൃ​ക്സാ​ക്ഷി​ക​ൾ പ​റ​ഞ്ഞു.

സം​ഭ​വ​ത്തി​ല്‍ ലോ​റി ഡ്രൈ​വ​ര്‍ അ​ത്ഭു​ത​ക​ര​മാ​യി ര​ക്ഷ​പ്പെ​ട്ടു. വെ​ള്ളി​യാ​ഴ്ച രാ​വി​ലെ​യാ​ണ് സം​ഭ​വം. സം​ഭ​വ​ത്തി​ല്‍ ആ​ള​പാ​യ​മൊ​ന്നും റി​പ്പോ​ര്‍​ട്ട് ചെ​യ്തി​ട്ടി​ല്ല. അ​പ​ക​ട​ത്തി​ല്‍ ഒ​റ്റ​പ്പെ​ട്ടു​പോ​യ ഡ്രൈ​വ​റെ ഉ​ട​ന്‍ ര​ക്ഷ​പ്പെ​ടു​ത്തി പ്രാ​ഥ​മി​ക പ​രി​ച​ര​ണം ന​ല്‍​കി വി​ട്ട​യ​ച്ചു.​മു​പ്പ​ത് വ​ര്‍​ഷ​ത്തോ​ളം പ​ഴ​ക്ക​മു​ള്ള പാ​ല​ത്തി​ല്‍ കാ​ര്യ​മാ​യ അ​റ്റ​കു​റ്റ​പ്പ​ണി​ക​ളൊ​ന്നും ന​ട​ത്തി​യി​ട്ടു​ണ്ടാ​യി​രു​ന്നി​ല്ലെ​ന്ന് പ്ര​ദേ​ശ​വാ​സി​ക​ളി​ലൊ​രാ​ള്‍ പ്ര​തി​ക​രി​ച്ചു.

പാ​ലം ത​ക​ര്‍​ന്നു​വീ​ണ സം​ഭ​വ​ത്തെ ഭ​ര​ണ​ക​ക്ഷി​യാ​യ തൃ​ണ​മൂ​ല്‍ കോ​ണ്‍​ഗ്ര​സി​നെ​തി​രാ​യ ആ​യു​ധ​മാ​ക്കി​യി​രി​ക്കു​ക​യാ​ണ് ബി​ജെ​പി. മ​മ​താ ബാ​ന​ര്‍​ജി വെ​സ്റ്റ് ബം​ഗാ​ളി​നോ​ട് എ​ന്താ​ണ് ചെ​യ്തു​കൊ​ണ്ടി​രി​ക്കു​ന്ന​തെ​ന്നും, വി​ക​സ​ന​മ​ല്ല, അ​ഴി​മ​തി​യാ​ണ് ഇ​വി​ടെ വ്യാ​പ​ക​മാ​കു​ന്ന​തെ​ന്നും ബി​ജെ​പി ഐ​ടി സെ​ല്‍ ചീ​ഫ് അ​മി​ത് മാ​ള​വ്യ എ​ക്‌​സി​ലൂ​ടെ വി​മ​ർ​ശി​ച്ചു.

ന്യൂ​ഡ​ല്‍​ഹി: ട്രാ​ഫി​ക് സി​ഗ്ന​ലി​ല്‍ പൂ​ക്ക​ല്‍ വി​ല്‍​ക്കു​ന്ന 10 വ​യ​സു​കാ​രി​യെ ത​ട്ടി​ക്കൊ​ണ്ടു​പോ​യി പീ​ഡി​പ്പി​ച്ചു. സം​ഭ​വ​ത്തി​ൽ ഓ​ട്ടോ​റി​ക്ഷാ ഡ്രൈ​വ​റെ പോ​ലീ​സ് അ​റ​സ്റ്റ് ചെ​യ്തു.

ദു​ർ​ഗേ​ഷ്(40) എ​ന്ന​യാ​ളെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്. ജ​നു​വ​രി 11നാ​ണ് സം​ഭ​വം. പൂ​ക്ക​ള്‍ വി​ല്‍​ക്കാ​ന്‍ സ​ഹാ​യി​ക്കാം എ​ന്ന് പ​റ​ഞ്ഞാ​ണ് കു​ട്ടി​യെ ഇ​യാ​ൾ സ​മീ​പി​ച്ച​ത്.

തു​ട​ർ​ന്ന് കു​ട്ടി​യെ ഓ​ട്ടോ​യി​ൽ പ്ര​ഫ. റാം ​നാ​ഥ് വി​ജ് മാ​ര്‍​ഗി​ലെ വ​ന​പ്ര​ദേ​ശ​ത്ത് കു​ട്ടി​യെ എ​ത്തി​ക്കു​ക​യും പീ​ഡ​ന​ത്തി​നി​ര​യാ​ക്കു​ക​യും ചെ​യ്തു. പി​ന്നീ​ട് മ​രി​ച്ചെ​ന്ന് ക​രു​തി ഇ​യാ​ൾ കു​ട്ടി​യെ വ​ന​പ്ര​ദേ​ശ​ത്ത് ഉ​പേ​ക്ഷി​ച്ചു.

ബോ​ധം വ​ന്ന കു​ട്ടി പെ​ട്ട​ന്ന് കു​ടും​ബ​ത്തി​ന​ടു​ത്ത് എ​ത്തി. ശ​രീ​ര​ത്തി​ല്‍ നി​ന്നും ര​ക്തം വ​രു​ന്ന​ത് ക​ണ്ട കു​ടും​ബം കു​ട്ടി​യു​ടെ ഉ​ട​ന്‍ ആ​ശു​പ​ത്രി​യി​ലെ​ത്തി​ക്കു​ക​യും പോ​ലീ​സി​നെ വി​വ​ര​മ​റി​യി​ക്കു​ക​യു​മാ​യി​രു​ന്നു.

മു​ന്നൂ​റി​ല​ധി​കം സി​സി​ടി​വി ദൃ​ശ്യ​ങ്ങ​ള്‍ പ​രി​ശോ​ധി​ച്ചാ​ണ് പോ​ലീ​സ് പ്ര​തി​യി​ലേ​ക്കെ​ത്തി​യ​ത്. ഇ​യാ​ൾ​ക്കെ​തി​രെ പോ​ക്‌​സോ വ​കു​പ്പും പീ​ഡ​ന​വും ത​ട്ടി​ക്കൊ​ണ്ടു​പോ​ക​ലും ഉ​ള്‍​പ്പെ​ടെ​യു​ള​ള വ​കു​പ്പു​ക​ളാ​ണ് ഓ​ട്ടോ ഡ്രൈ​വ​ര്‍​ക്കെ​തി​രെ ചു​മ​ത്തി​യ​തെ​ന്ന് പോ​ലീ​സ് അ​റി​യി​ച്ചു.

കോ​ന്നി: പ​ത്ത​നം​തി​ട്ട ജി​ല്ലാ ക​ള​ക്‌​ട​ർ എ​സ്.​ പ്രേം കൃ​ഷ്ണ​ന്‍റെ വാ​ഹ​നം അ​പ​ക​ട​ത്തി​ൽ​പ്പെ​ട്ട സംഭവത്തിൽ എതിർദിശയിൽ വന്നിടിച്ച കാർ ഡ്രൈവർക്കെതിരെ കേസ്. അലക്ഷ്യമായി വാഹനം ഓടിച്ചതിനാണ് ഇയാൾക്കെതിരെ കേസെടുത്തത്

അപകടത്തിൽ കളക്ടർ ഉൾപ്പെടെ മൂന്ന് പേർ ചികിത്സയിലാണ്. കോ​ന്നി​യി​ൽ വ​ച്ച് മ​റ്റൊ​രു കാ​റു​മാ​യി കൂ​ട്ടി​യി​ടി​ച്ച് ക​ള​ക്ട​റു​ടെ വാ​ഹ​നം ത​ല​കീ​ഴാ​യി മ​റി​യു​ക​യാ​യി​രു​ന്നു.

കളക്ടർക്കു പുറമേ ഗ​ൺ​മാ​ൻ മ​നോ​ജ്, ഡ്രൈ​വ​ർ കു​ഞ്ഞു​മോ​ൻ എ​ന്നി​വ​ർക്കാണ് പരിക്കേറ്റത്.

കല്‍പ്പറ്റ: മേപ്പാടി തൊള്ളായിരം കണ്ടിയിൽ ജീപ്പ് അപകടത്തിൽ ഡ്രൈവർ മരിച്ചു. വിനോദസഞ്ചാര കേന്ദ്രത്തിൽ നിർത്തിയിട്ടിരുന്ന ജീപ്പ് പിന്നോട്ട് നിരങ്ങി ഇറങ്ങിയാണ് അപകടമുണ്ടായത്.

മേപ്പാടി സ്വദേശിയായ ഡ്രൈവര്‍ കുട്ടൻ ആണ് മരിച്ചത്. ഡ്രൈവർമാരായ നാലുപേർ ജീപ്പിൽ വിശ്രമിക്കുമ്പോൾ ആണ് അപകടമുണ്ടായത്. മറ്റു മൂന്നു പേരും പരിക്കുകളോടെ രക്ഷപ്പെട്ടു.

പരിക്കേറ്റ മൂന്നുപേരെയും ഉടൻ തന്നെ മേപ്പാടിയിലെ സ്വകാര്യ ആശുപത്രിയിലെത്തിക്കുകയായിരുന്നു. എന്നാൽ ഗുരുതരമായി പരിക്കേറ്റ കുട്ടനെ രക്ഷിക്കാനായില്ല.

തിരുവനന്തപുരം : വർക്കലയിൽ കുന്ന് ഇടിക്കുന്നതിനിടെ മണ്ണിടിഞ്ഞു വീണ് ജെ സി ബി ഡ്രൈവർ മരിച്ചു. കൊല്ലം നെടുങ്ങാവ് സ്വദേശി അനീഷാണ് മരിച്ചത്. ഇന്ന് ഉച്ചയ്ക്ക് 12.30 ഓടെ ചെറു ന്നിയൂർ വെള്ളിയാഴ്ച കാവ് ക്ഷേത്രത്തിനു സമീപമായി രുന്നു അപകടം.

കുന്ന് ഇടിച്ചു മാറ്റുന്നതിനിടെ ജെസിബിയുടെ മുകളിലേക്കു മണ്ണിടിഞ്ഞു വീഴുകയായിരുന്നു. മണ്ണിനടിയിൽ അകപ്പെട്ടുപോയ അനീഷിനെ ഫയർ ഫോഴ്സ് സംഘം എത്തി പുറത്തെടുത്തു ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.

തി​രു​വ​ന​ന്ത​പു​രം: നാ​ഗ​ർ​കോ​വി​ലി​ൽ പൊ​ങ്ക​ൽ ആ​ഘോ​ഷ​ത്തി​നി​ടെ​യു​ണ്ടാ​യ ത​ർ​ക്ക​ത്തെ​ത്തു​ട​ർ​ന്ന് ടെ​മ്പോ ഡ്രൈ​വ​ർ വെ​ട്ടേ​റ്റു മ​രി​ച്ചു. സ​ര​ലൂ​രി​ലാ​ണ് ത​ർ​ക്ക​മു​ണ്ടാ​യ​ത്. സ​ര​ലൂ​ർ സ്വ​ദേ​ശി​യാ​യ ര​മേ​ഷ് (45) ആ​ണ് കൊ​ല്ല​പ്പെ​ട്ട​ത്. ആ​ക്ര​മ​ണ​ത്തി​ൽ പ​രി​ക്കേ​റ്റ ര​മേ​ഷി​ന്‍റെ സു​ഹൃ​ത്ത് മ​ണി​ക​ണ്ഠ​നെ അ​തീ​വ ഗു​രു​ത​രാ​വ​സ്ഥ​യി​ൽ ആ​ശാ​രി​പ്പ​ള്ളം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​വേ​ശി​പ്പി​ച്ചു.

പ്ര​ദേ​ശ​ത്ത് ന​ട​ന്ന ക​ലാ​പ​രി​പാ​ടി​ക​ൾ​ക്കി​ടെ​യാ​ണ് ത​ർ​ക്ക​മു​ണ്ടാ​യ​ത്. പ​രി​പാ​ടി​ക്കി​ടെ ര​മേ​ഷും സം​ഘ​വും ബ​ഹ​ള​മു​ണ്ടാ​ക്കി​യ​തി​നെ കോ​ട്ടാ​ർ സ്വ​ദേ​ശി​യാ​യ മ​റ്റൊ​രു ടെ​മ്പോ ഡ്രൈ​വ​ർ മു​കേ​ഷ് ക​ണ്ണ​ൻ ചോ​ദ്യം ചെ​യ്തു. ഇ​ത് ഇ​രു​വി​ഭാ​ഗ​ങ്ങ​ൾ ത​മ്മി​ലു​ള്ള വാ​ക്കു​ത​ർ​ക്ക​മാ​ണ് കൈ​യേ​റ്റ​ത്തി​ലെ​ത്തി​യ​ത്.

സം​ഭ​വ​ത്തി​ന് പി​ന്നാ​ലെ മു​കേ​ഷ് ക​ണ്ണ​ൻ വീ​ട്ടി​ലേ​ക്ക് മ​ട​ങ്ങി​യെ​ങ്കി​ലും ര​മേ​ഷും മ​ണി​ക​ണ്ഠ​നും മു​കേ​ഷി​ന്റെ വീ​ട്ടി​ലെ​ത്തി ഇ​യാ​ളെ അ​ക്ര​മി​ക്കാ​ൻ ശ്ര​മി​ച്ചു. ഇ​തി​ൽ പ്ര​കോ​പി​ത​നാ​യ മു​കേ​ഷ് ക​ണ്ണ​ൻ വീ​ട്ടി​ലു​ണ്ടാ​യി​രു​ന്ന വെ​ട്ടു​ക​ത്തി​യെ​ടു​ത്ത് ര​മേ​ഷി​നെ ക്രൂ​ര​മാ​യി വെ​ട്ടു​ക​യാ​യി​രു​ന്നെ​ന്നാ​ണ് പോ​ലീ​സ് പ​റ​യു​ന്ന​ത്.

ത​ട​യാ​ൻ ശ്ര​മി​ച്ച മ​ണി​ക​ണ്ഠ​നും വെ​ട്ടേ​റ്റു. ര​മേ​ഷ് സം​ഭ​വ​സ്ഥ​ല​ത്തു​ത​ന്നെ മ​രി​ച്ചു. കോ​ട്ടാ​ർ പൊ​ലീ​സ് സ്ഥ​ല​ത്തെ​ത്തി മൃ​ത​ദേ​ഹം പോ​സ്റ്റു​മോ​ർ​ട്ട​ത്തി​നാ​യി മാ​റ്റി. ര​മേ​ഷി​ന്‍റെ സ​ഹോ​ദ​ര​ൻ സു​രേ​ഷ് ന​ൽ​കി​യ പ​രാ​തി​യു​ടെ അ​ടി​സ്ഥാ​ന​ത്തി​ൽ മു​കേ​ഷ് ക​ണ്ണ​നെ അ​റ​സ്റ്റ് ചെ​യ്തു.

കൊ​ല്ല​പ്പെ​ട്ട ര​മേ​ഷി​ന്‍റെ ഭാ​ര്യ രോ​ഗ​ബാ​ധി​ത​യാ​യി ക​ഴി​ഞ്ഞ മാ​സ​മാ​ണ് മ​രി​ച്ച​ത്. പ​ത്താം ക്ലാ​സി​ലും എ​ട്ടാം ക്ലാ​സി​ലും പ​ഠി​ക്കു​ന്ന ര​ണ്ട് ആ​ൺ​മ​ക്ക​ളു​ണ്ട്.

എ​രു​മേ​ലി: ശ​ബ​രി​മ​ല തീ​ർ​ഥാ​ട​ക​രു​മാ​യെ​ത്തി​യ ബ​സ് ഡ്രൈ​വ​റെ മ​രി​ച്ച നി​ല​യി​ൽ ക​ണ്ടെ​ത്തി. എ​രു​മേ​ലി ഗ്രൗ​ണ്ടി​ൽ പാ​ർ​ക്ക് ചെ​യ്തി​രു​ന്ന ബ​സി​ന് അ​ടി​യി​ലാ​ണ് ത​മി​ഴ്നാ​ട് സ്വ​ദേ​ശി​യാ​യ ഡ്രൈ​വ​റെ മ​രി​ച്ച നി​ല​യി​ൽ‌ ക​ണ്ടെ​ത്തി​യ​ത്.

ത​മി​ഴ്നാ​ട് പു​തു​ക്കോ​ട്ട സ്വ​ദേ​ശി പ്ര​ശാ​ന്ത് (28) ആ​ണ് മ​രി​ച്ച​ത്. ബു​ധ​നാ​ഴ്ച ഉ​ച്ച​ക​ഴി​ഞ്ഞ് 3.15 ഓ​ടെ എ​രു​മേ​ലി പോ​ലീ​സ് സ്റ്റേ​ഷ​ന് സ​മീ​പം റോ​ഡ​രി​കി​ലു​ള്ള ചെ​റി​യ പാ​ർ​ക്കിം​ഗ് ഗ്രൗ​ണ്ടി​ലാ​ണ് സം​ഭ​വം. സം​ഭ​വ​ത്തി​ൽ ദു​രൂ​ഹ​ത ഇ​ല്ലെ​ന്ന് പോ​ലീ​സ് അ​റി​യി​ച്ചു.

ആ​സ്ത്മ രോ​ഗം വ​ഷ​ളാ​യ​തി​നെ തു​ട​ർ​ന്ന് കു​ഴ​ഞ്ഞു വീ​ണ് മ​രി​ച്ച​തെ​ന്നാ​ണ് പ്രാ​ഥ​മി​ക നി​ഗ​മ​നം. പ്ര​ശാ​ന്തി​നെ മൂ​ക്കി​ൽ നി​ന്നും വാ​യി​ൽ നി​ന്നും ര​ക്തം വാ​ർ​ന്ന് അ​ബോ​ധാ​വ​സ്ഥ​യി​ൽ ക​ണ്ടെ​ത്തി​യ തീ​ർ​ഥാ​ട​ക​ർ ഉ​ട​ൻ പോ​ലീ​സി​ൽ വി​വ​രം അ​റി​യി​ച്ചു.

പോ​ലീ​സ് സ്ഥ​ല​ത്തെ​ത്തി ഇ​യാ​ളെ ഉ​ട​ൻ ത​ന്നെ എ​രു​മേ​ലി സ​ർ​ക്കാ​ർ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല. പ്ര​ശാ​ന്ത് ആ​സ്ത്മ രോ​ഗി​യാ​ണെ​ന്നും ഇ​ൻ​ഹെ​യി​ല​ർ ഉ​പ​യോ​ഗി​ച്ചി​രു​ന്ന​താ​യും കു​ടും​ബം പോ​ലീ​സി​നോ​ട് പ​റ​ഞ്ഞു.

മൃ​ത​ദേ​ഹം കോ​ട്ട​യം മെ​ഡി​ക്ക​ൽ കോ​ള​ജി​ൽ എ​ത്തി​ച്ച് ഫോ​റ​ൻ​സി​ക് സ​ർ​ജ​ന്‍റെ മേ​ൽ​നോ​ട്ട​ത്തി​ൽ പോ​സ്റ്റ്മോ​ർ​ട്ടം ന​ട​ത്തു​മെ​ന്ന് പോ​ലീ​സ് അ​റി​യി​ച്ചു

തൃ​ശൂ​ര്‍: കെ​എ​സ്ആ​ര്‍​ടി​സി ബ​സ് ദേ​ശീ​യ​പാ​ത​യോ​ര​ത്ത് നി​ര്‍​ത്തി ഇ​റ​ങ്ങി​പ്പോ​യ ഡ്രൈ​വ​റെ തൂ​ങ്ങി മ​രി​ച്ച നി​ല​യി​ല്‍ ക​ണ്ടെ​ത്തി.

പാ​ല​ക്കാ​ട് നെ​ന്മാ​റ ചാ​ത്ത​മം​ഗ​ലം സ്വ​ദേ​ശി ന​മ്പൂ​തി​രി​പ്പ​റ​മ്പ് വീ​ട്ടി​ല്‍ ബാ​ബു​വാ​ണ് മ​രി​ച്ച​ത്. പു​തു​ക്കാ​ട് മ​ണ​ലി പാ​ല​ത്തി​നു താ​ഴെ ഞാ​യ​റാ​ഴ്ച രാ​വി​ലെ​യാ​ണ് മൃ​ത​ദേ​ഹം ക​ണ്ടെ​ത്തി​യ​ത്.

ശ​നി​യാ​ഴ്ച വൈ​കി​ട്ടാ​ണ് ടോ​ള്‍ പ്ലാ​സ​യ്ക്കു സ​മീ​പം ബ​സ് നി​ര്‍​ത്തി​യി​ട്ട് ബാ​ബു ഇ​റ​ങ്ങി​പ്പോ​യ​ത്. പി​ന്നീ​ട് യാ​ത്ര​ക്കാ​രെ മ​റ്റൊ​രു ബ​സി​ല്‍ ക​യ​റ്റി​വി​ടു​ക​യാ​യി​രു​ന്നു. ബ​സ് പി​ന്നീ​ട് പു​തു​ക്കാ​ട് ഡി​പ്പോ​യി​ലേ​യ്ക്ക് മാ​റ്റി.

ബാ​ബു​വി​നെ കാ​ണാ​നി​ല്ലെ​ന്ന പ​രാ​തി​യെ തു​ട​ര്‍​ന്ന് പു​തു​ക്കാ​ട് പോ​ലീ​സും ബ​ന്ധു​ക്ക​ളും ചേ​ര്‍​ന്ന് അ​ന്വേ​ഷി​ക്കു​ന്ന​തി​നി​ടെ മ​ണ​ലി പാ​ല​ത്തി​നു​സ​മീ​പ​മു​ള്ള ഭാ​ഗ​ത്ത് ബാ​ബു​വി​ന്‍റെ മൊ​ബൈ​ല്‍ ഫോ​ണ്‍ ല​ഭി​ച്ചി​രു​ന്നു. പു​തു​ക്കാ​ട് പോ​ലീ​സ് അ​ന്വേ​ഷ​ണം ആ​രം​ഭി​ച്ചു.

പമ്പ: ശബരിമല പാതയിൽ കെഎസ്ആർടിസി ബസുകൾ കൂട്ടിയിടിച്ച് അപകടം. നിലയ്ക്കൽ - പമ്പ റോഡിൽ അട്ടത്തോടിന് സമീപമാണ് ബസുകൾ അപകടത്തിൽപെട്ടത്. ശബരിമല തീർഥാടകരാണ് കൂട്ടിയിടിച്ച രണ്ട് ബസിലും ഉണ്ടായിരുന്നത്.

നിലയ്ക്കൽ - പമ്പ റൂട്ടിൽ ചെയിൻ സർവീസ് നടത്തുന്ന ബസുകൾ തമ്മിൽ കൂട്ടിയിടിക്കുകയായിരുന്നു. പരിക്കേറ്റ ഡ്രൈവറെ ആശുപത്രിയിൽ പ്രവേശിപ്പിച്ചു.

നിരവധി യാത്രക്കാർ ഉണ്ടായിരുന്നെങ്കിലും ആർക്കും പരിക്കേറ്റിട്ടില്ല. തീർഥാടകരെ മറ്റു വാഹനങ്ങളിൽ നിലയ്ക്കലേക്കും പമ്പയിലേക്കും എത്തിച്ചു. അപകടത്തെ തുടർന്ന് നിലയ്ക്കൽ - പമ്പ റോഡിൽ ഏറെ നേരം ഗതാഗതം തടസപ്പെട്ടിരുന്നു.

ക​ണ്ണൂ​ർ: മു​ണ്ടേ​രി​യി​ൽ പി​ന്നോ​ട്ടു നീ​ങ്ങി​യ ഓ​ട്ടോ​റി​ക്ഷ പി​ടി​ച്ചു നി​ർ​ത്താ​ൻ ശ്ര​മി​ക്കു​ന്ന​തി​ടെ ത​ല​യി​ടി​ച്ച് വീ​ണ ഓ​ട്ടോ ഡ്രൈ​വ​ർ മ​രി​ച്ചു. മു​ണ്ടേ​രി സ്വ​ദേ​ശി എ.​പി. സു​ലൈ​മാ​ൻ (62) ആ​ണ് മ​രി​ച്ച​ത്.

ഓ​ട്ടോ നി​ർ​ത്തി ഗേ​റ്റ് തു​റ​ക്കു​ന്ന​തി​നാ​യി പു​റ​ത്തി​റ​ങ്ങി​യ സ​മ​യം ഓ​ട്ടോ ത​നി​യെ നി​ര​ങ്ങി നീ​ങ്ങു​ന്ന​ത് ക​ണ്ട് പി​ടി​ച്ചു നി​ർ​ത്താ​ൻ ശ്ര​മി​ക്ക​വെ​യാ​ണ് അ​പ​ക​ടം ഉ​ണ്ടാ​യ​ത്. കാ​ലി​ട​റി ത​ല​യി​ടി​ച്ച് വീ​ഴു​ക​യാ​യി​രു​ന്നു.

ചാ​ല​യി​ലെ സ്വ​കാ​ര്യ ആ​ശു​പ​ത്രി​യി​ൽ എ​ത്തി​ച്ചെ​ങ്കി​ലും ജീ​വ​ൻ ര​ക്ഷി​ക്കാ​നാ​യി​ല്ല. മൃ​ത​ദേ​ഹം പോ​സ്റ്റ്മോ​ർ​ട്ട​ത്തി​ന് ശേ​ഷം കു​ടും​ബ​ത്തി​ന് വി​ട്ടു​ന​ൽ​കി.

ന്യൂ​ഡ​ൽ​ഹി: ഡ​ൽ​ഹി​യി​ൽ ബൈ​ക്ക്-​ടാ​ക്സി ഡ്രൈ​വ​റു​ടെ ബാ​ങ്ക് അ​ക്കൗ​ണ്ടി​ൽ ഇ​ഡി ക‌​ണ്ടെ​ത്തി​യ​ത് 331.36 കോ​ടി രൂ​പ​യു​ടെ ഇ​ട​പാ​ടു​ക​ൾ. ഡ​ൽ​ഹി​യി​ൽ റാ​പ്പി​ഡോ വാ​ഹ​ന​മോ​ടു​ന്ന യു​വാ​വി​ന്‍റെ പേ​രി​ലു​ള്ള അ​ക്കൗ​ണ്ടി​ലാ​ണ് 331 കോ​ടി രൂ​പ ക​ണ്ടെ​ത്തി​യ​ത്. ഇ​യാ​ളു​ടെ പേ​രി​ൽ എ​ടു​ത്ത വ്യാ​ജ അ​ക്കൗ​ണ്ടാ​ണ് ഇ​ത് എ​ന്നാ​ണ് ക​ണ്ടെ​ത്ത​ൽ.

അ​ന​ധി​കൃ​ത​മാ​യി എ​ത്തി​യ പ​ണം വ്യാ​ജ അ​ക്കൗ​ണ്ടു​ക​ളി​ലേ​ക്ക് മാ​റ്റി​യെ​ന്നാ​ണ് എ​ൻ​ഫോ​ഴ്സ​മെ​ന്‍റ് ഡ​യ​റ​ക്ട​റേ​റ്റ് പ​റ​യു​ന്ന​ത്. ഉ​ദ​യ്പൂ​രി​ൽ അ​ടു​ത്തി​ടെ ന​ട​ന്ന ആ​ഡം​ബ​ര വി​വാ​ഹ​ത്തി​ന് ഈ ​അ​ക്കൗ​ണ്ട് വ​ഴി പ​ണം ചി​ല​വാ​ക്കി​യെ​ന്നും ഇ​ഡി വ്യ​ക്ത​മാ​ക്കി.

ഗു​ജ​റാ​ത്തി​ലെ ഒ​രു യു​വ രാ​ഷ്ട്രീ​യ​ക്കാ​ര​നി​ലേ​ക്ക് അ​ന്വേ​ഷ​ണം നീ​ളു​ന്നു​ന്നു​വെ​ന്നാ​ണ് വി​വ​രം. ഓ​ൺ​ലൈ​ൻ വാ​തു​വെ​പ്പ് ശൃം​ഖ​ല​യു​മാ​യി ബ​ന്ധ​പ്പെ​ട്ട സം​ശ​യാ​സ്പ​ദ​മാ​യ പ​ണ​മി​ട​പാ​ടു​ക​ൾ ട്രാ​ക്ക് ചെ​യ്യു​ന്ന​തി​നി​ട​യി​ലാ​ണ് റാ​പ്പി​ഡോ ഡ്രൈ​വ​റു​ടെ ബാ​ങ്ക് അ​ക്കൗ​ണ്ടി​ലേ​ക്കെ​ത്തി​യ കോ​ടി​ക​ൾ ഇ​ഡി​യു​ടെ ശ്ര​ദ്ധ​യി​ൽ​പ്പെ​ടു​ന്ന​ത്. തു​ട​ർ​ന്ന് ഡ്രൈ​വ​റെ ക​സ്റ്റ​ഡി​യി​ലെ​ടു​ത്തു.

എ​ന്നാ​ൽ ചോ​ദ്യം ചെ​യ്യ​ലി​ൽ ത​നി​ക്ക് അ​ക്കൗ​ണ്ടി​നെ​ക്കു​റി​ച്ചോ നി​ക്ഷേ​പി​ച്ച പ​ണ​ത്തെ​ക്കു​റി​ച്ചോ അ​റി​യി​ല്ലെ​ന്നാ​ണ് ഇ​യാ​ളു​ടെ മൊ​ഴി. ഇ​ത് മ്യൂ​ൾ അ​ക്കൗ​ണ്ട് ത​ട്ടി​പ്പാ​ണെ​ന്ന നി​ഗ​മ​ന​ത്തി​ലാ​ണ് അ​ന്വേ​ഷ​ണ സം​ഘം. ക​ള്ള​പ്പ​ണം വെ​ളു​പ്പി​ക്കാ​നു​ള്ള ശ്ര​മ​മാ​ണെ​ന്ന് ഇ​ഡി സം​ശ​യി​ക്കു​ന്നു​ണ്ട്.

കോഴിക്കോട്: മദ്യലഹരിയിലായ ഡ്രൈവര്‍ കോഴിക്കോട്ടുനിന്നു ബംഗളൂരുവിലേക്ക് ബസ് ഓടിച്ച സംഭവവുമായി ബന്ധപ്പെട്ട് ചെന്നൈ ആസ്ഥാനമായ ഭാരതി എന്ന പ്രമുഖ കമ്പനിയുടെ ഒരു ബസിന്‍റെ ഫിറ്റ്‌നസ് റദ്ദാക്കി കോഴിക്കോട് എന്‍ഫോഴ്‌സ്‌മെന്‍റ് ആര്‍ടിഒ സ്‌ക്വാഡ്.

ഇക്കഴിഞ്ഞ ഞായറാഴ്ച ഭാരതി ട്രാവല്‍സിലെ ഡ്രൈവര്‍ യാത്രക്കാരെ ഭീതിയുടെ മുള്‍മുനയില്‍ നിറുത്തിയതിന്‍റെ വീഡിയോ ദൃശ്യങ്ങള്‍ സാമൂഹ്യമാധ്യമങ്ങളില്‍ വൈറലായതിനെ തുടര്‍ന്നാണ് മോട്ടോര്‍ വാഹന വകുപ്പ് നടപടി സ്വീകരിച്ചത്.

ഭാരതി കമ്പനി പ്രതിനിധികള്‍ കോഴിക്കോട് എന്‍ഫോഴ്‌സ്‌മെന്‍റ് ആര്‍ടിഒയ്ക്കു മുന്നില്‍ ഹാജരായി. സെന്തില്‍ എന്ന ആളാണ് ഞായറാഴ്ച ബസ് ഓടിച്ചതെന്നും അയാള്‍ താത്കാലിക ഡ്രൈവറാണെന്നും സ്ഥിരം ജീവനക്കാരനല്ലെന്നുമാണ് കമ്പനി പ്രതിനിധികള്‍ അറിയിച്ചത്. ഇയാള്‍ ഒളിവിലാണെന്നും അദ്ദേഹത്തിനെതിരേ തമിഴ്‌നാട്ടില്‍ പോലീസില്‍ പരാതി നല്‍കിയിട്ടുണ്ടെന്നും കമ്പനി പ്രതിനിധികള്‍ അറിയിച്ചു.

സംഭവം വിവാദമായ സാഹചര്യത്തില്‍, ഭാരതി കമ്പനി കഴിഞ്ഞദിവസം കേരളത്തിലേക്ക് സര്‍വീസ് നടത്തിയ ഒരു ബസ് എംവിഡി കസ്റ്റഡിയിലെടുത്തിരുന്നു. ഈ ബസിന്‍റെ ഫിറ്റ്‌നസ് റദ്ദാക്കിയതായി എന്‍ഫോഴ്‌സ്‌മെന്‍റ് ആര്‍ടിഒ സ്‌ക്വാഡിലെ മോട്ടോര്‍ വെഹിക്കിള്‍ ഇന്‍സ്‌പെക്ടര്‍ എന്‍. രാഗേഷ് പറഞ്ഞു.

ബസിന്‍റെ ടയറുകള്‍ തേയ്മാനം സംഭവിച്ചവയായിരുന്നു. എമര്‍ജന്‍സി എക്‌സിറ്റിലെ ഗ്‌ളാസ് പൊട്ടിയിട്ടുണ്ട്. മറ്റു ചട്ടലംഘനങ്ങളും കണ്ടെത്തിയ സാഹചര്യത്തിലാണ് ഫിറ്റ്‌നസ് റദ്ദാക്കിയതെന്ന് ഉദ്യോഗസ്ഥര്‍ പറഞ്ഞു. ഈ ബസിന് കേരളത്തില്‍ റോഡ് ടാക്‌സ് അടച്ചിട്ടില്ലെന്നും കണ്ടെത്തിയിട്ടുണ്ട്.

പിഴയും ടാക്‌സും അടക്കം ഏകദേശം രണ്ടുലക്ഷം രൂപയോളം അടച്ചാല്‍ മാത്രമേ ബസ് മോട്ടോര്‍ വാഹന വകുപ്പ് വിട്ടുകൊടുക്കുകയുള്ളു. സെന്തില്‍ എന്ന ഡ്രൈവറുടെ ഡ്രൈവിംഗ് ലൈസന്‍സിന്‍റെ വിവരങ്ങള്‍ ശേഖരിക്കാനും എംവിഡി ശ്രമം നടത്തുന്നുണ്ട്. വിവരങ്ങള്‍ ലഭ്യമാകുന്ന ഉടന്‍ ബന്ധപ്പെട്ട സ്ഥലത്തെ ആര്‍ടിഒയ്ക്ക്, സെന്തിലിന്‍റെ ലൈസന്‍സ് റദ്ദാക്കണമെന്ന് ആവശ്യപ്പെട്ട് നോട്ടീസ് നല്‍കുമെന്നും ഉദ്യോഗസ്ഥര്‍ പറഞ്ഞു.

ദക്ഷിണേന്ത്യയിലെ പ്രമുഖ നഗരങ്ങളിലേക്കായി മുന്നൂറോളം ബസ് സര്‍വീസുകള്‍ നടത്തുന്ന കമ്പനിയാണ് ഭാരതി. സെന്തിലിന്‍റെ നടപടി കമ്പനിയെ ബാധിച്ചുവെന്നും നടപടി വേണമെന്നും ആവശ്യപ്പെട്ടാണ് പോലീസില്‍ പരാതി നല്‍കിയിരിക്കുന്നതെന്ന് കമ്പനി മാനേജര്‍ മോട്ടോര്‍ വാഹന വകുപ്പ് ഉദ്യോഗസ്ഥരോടു പറഞ്ഞു. പോലീസ് എഫ്‌ഐആര്‍ രജിസ്റ്റര്‍ ചെയ്താല്‍ അതിന്‍റെ കോപ്പി ലഭ്യമാക്കി തുടര്‍ നിയമനടപടി സ്വീകരിക്കുന്നതും ആലോചിക്കുന്നുണ്ടെന്ന് മോട്ടോര്‍ വെഹിക്കിള്‍ ഇന്‍സ്‌പെക്ടര്‍ പറഞ്ഞു.

കോഴിക്കോട്ടുനിന്നു ബസ് പുറപ്പെട്ട് അധികം വൈകുന്നതിനു മുമ്പേ യാത്രക്കാര്‍ക്ക് അപാകത അനുഭവപ്പെട്ടിരുന്നു. ഇതിനെക്കുറിച്ച് ചോദിച്ചപ്പോള്‍ എല്ലാവരെയും ബസ് ഇടിപ്പിച്ച് കൊല്ലുമെന്നായിരുന്നു ഡ്രൈവറുടെ ഭീഷണി.സഹായി അമിതമായി മദ്യപിച്ച് ഡ്രൈവറുടെ കാബിനില്‍ ബോധരഹിതനായി കിടക്കുന്നുണ്ടായിരുന്നു.

മൈസൂരു ടോള്‍ പ്ലാസയ്ക്കു സമീപം വണ്ടി നിര്‍ത്തിയപ്പോള്‍ കൂടുതല്‍ യാത്രക്കാര്‍ പ്രതിഷേധവുമായി രംഗത്തെത്തി. ഇതിനിടെ ഡ്രൈവര്‍ ബസില്‍നിന്ന് ഇറങ്ങി ഓടിരക്ഷപെടുകയായിരുന്നു. പിന്നീട് മറ്റൊരു ഡ്രൈവര്‍ എത്തിയാണ് ബസിന്‍റെ യാത്ര തുടര്‍ന്നത്.

പ​ത്ത​നം​തി​ട്ട: ക​രി​മാ​ൻ​തോ​ട്ടി​ൽ ഓ​ട്ടോ​റി​ക്ഷ മ​റി​ഞ്ഞ് ര​ണ്ട് കു​ട്ടി​ക​ൾ മ​രി​ച്ച സം​ഭ​വ​ത്തി​ൽ ഡ്രൈ​വ​ർ​ക്കെ​തി​രെ കേ​സെ​ടു​ത്ത് പോ​ലീ​സ്.

ഓ​ട്ടോ ഡ്രൈ​വ​ർ രാ​ജേ​ഷി​നെ​തി​രെ​യാ​ണ് കേ​സെ​ടു​ത്ത​ത്. അ​പ​ക​ട​ത്തി​ൽ ഗു​രു​ത​ര പ​രി​ക്കേ​റ്റ് ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ക​യാ​ണ് രാ​ജേ​ഷ്. മ​നു​ഷ്യ​ജീ​വ​ന് ആ​പ​ത്ത് ഉ​ണ്ടാ​ക്കു​ന്ന ത​ര​ത്തി​ൽ ഓ​ട്ടോ​റി​ക്ഷ ഡ്രൈ​വ​ർ വാ​ഹ​നം ഓ​ടി​ച്ചെ​ന്ന് എ​ഫ്ഐ​ആ​ർ.

അ​തേ​സ​മ​യം, അ​പ​ക​ട​ത്തി​ൽ എ​ട്ട് വ​യ​സു​കാ​രി​യാ​യ ആ​ദ്യ​ല​ക്ഷ്മി​യും നാ​ലു വ​യ​സു​കാ​ര​ൻ യ​ദു കൃ​ഷ്ണ​യും മ​രി​ച്ചു. മ​ണി​ക്കൂ​റു​ക​ൾ നീ​ണ്ട തി​ര​ച്ചി​ലി​നൊ​ടു​വി​ലാ​ണ് യ​ദു കൃ​ഷ്ണ​യു​ടെ മൃ​ത​ദേ​ഹം ക​ണ്ടെ​ത്തി​യ​ത്.

വൈ​കി​ട്ട് നാ​ല​ര​യോ​ടെ ക​രി​മാ​ൻ​തോ​ട് ശ്രീ​നാ​രാ​യ​ണ സ്കൂ​ളി​ലെ കു​ട്ടി​ക​ളു​മാ​യി പോ​യ ഓ​ട്ടോ ആ​ണ് അ​പ​ക​ട​ത്തി​ൽ​പ്പെ​ട്ട​ത്. പാ​മ്പി​നെ ക​ണ്ട് വെ​ട്ടി​ച്ച​തി​നെ തു​ട​ർ​ന്ന് ഓ​ട്ടോ​റി​ക്ഷ തോ​ട്ടി​ലേ​ക്ക് മ​റി​യു​ക​യാ​യി​രു​ന്നു. അ​പ​ക​ട സ​മ​യ​ത്ത് ഓ​ട്ടോ​റി​ക്ഷ​യി​ൽ ഏ​ഴ് കു​ട്ടി​ക​ളാ​ണ് ഉ​ണ്ടാ​യി​രു​ന്ന​ത്.

ഒ​രു കു​ട്ടി​യു​ടെ കൈ​യ്ക്ക് പൊ​ട്ട​ലു​ണ്ട്. കു​ട്ടി​യെ കോ​ട്ട​യം മെ​ഡി​ക്ക​ൽ കോ​ള​ജി​ലേ​ക്ക് മാ​റ്റി. മ​റ്റൊ​രു കു​ട്ടി​യു​ടെ വാ​രി​യെ​ല്ല് പൊ​ട്ടി ശ്വാ​സ​കോ​ശ​ത്തി​ലേ​ക്ക് ക​യ​റി. ഈ ​കു​ട്ടി​യെ സ്വ​കാ​ര്യ ആ​ശു​പ​ത്രി​യി​ലേ​ക്ക് മാ​റ്റി. ഒ​രു കു​ട്ടി​യെ പ്രാ​ഥ​മി​ക ചി​കി​ത്സ ന​ൽ​കി വീ​ട്ടി​ലേ​ക്ക് മ​ട​ക്കി​യെ​ന്ന് കോ​ന്നി എം​എ​ൽ​എ പ​റ​ഞ്ഞു. ആ​ദി​ല​ക്ഷ്മി​യു​ടെ മൃ​ത​ദേ​ഹം മോ​ർ​ച്ച​റി​യി​ലേ​ക്ക് മാ​റ്റി. വി​ദേ​ശ​ത്തു ഉ​ള്ള പി​താ​വ് വ​ന്ന​തി​ന് ശേ​ഷം സം​സ്കാ​രം.

തി​രു​വ​ന​ന്ത​പു​രം: അ​പ​ക​ട​ത്തി​ൽ പ​രി​ക്കേ​റ്റ​യാ​ളെ ആ​ശു​പ​ത്രി​യി​ലേ​ക്ക് കൊ​ണ്ടു​പോ​കും വ​ഴി ഓ​ട്ടോ​റി​ക്ഷാ ഡ്രൈ​വ​ര്‍ കു​ഴ​ഞ്ഞ് വീ​ണ് മ​രി​ച്ചു.

പാ​പ്പ​നം​കോ​ട് എ​സ്റ്റേ​റ്റ് പൂ​ഴി​ക്കു​ന്ന് കാ​ര്‍​ത്തി​ക ഭ​വ​നി​ല്‍ സ്വ​ദേ​ശി സ​ജി​ത്ത്കു​മാ​ര്‍ (55) ആ​ണ് മ​രി​ച്ച​ത്. ചൊ​വ്വാ​ഴ്ച രാ​വി​ലെ കോ​ലി​യ​ക്കോ​ട് ഭാ​ഗ​ത്ത് വ​ച്ച് സ്‌​കൂ​ട്ട​റു​ക​ള്‍ കൂ​ട്ടി​യി​ടി​ച്ച് ഒ​രു സ്ത്രീ​യ്ക്ക് ഗു​രു​ത​ര​മാ​യി പ​രി​ക്കേ​റ്റി​രു​ന്നു.

സം​ഭ​വ സ്ഥ​ല​ത്തു​ണ്ടാ​യി​രു​ന്ന സ​ജി​ത്ത് കു​മാ​ര്‍ ഉ​ട​ന്‍ അ​പ​ക​ടം ന​ട​ന്ന സ്ഥ​ല​ത്തേ​ക്ക് ഓ​ടി എ​ത്തി ര​ക്ഷാ​പ്ര​വ​ർ​ത്ത​നം ന​ട​ത്തി. പ​രി​ക്കേ​റ്റ സ്ത്രീ​യെ ത​ന്‍റെ ഓ​ട്ടോ​യി​ല്‍ ക​യ​റ്റി സ​ജി​ത്ത്കു​മാ​ർ ആ​ശു​പ​ത്രി​യി​ലേ​ക്ക് പു​റ​പ്പെ​ട്ടു.

യാ​ത്ര​ക്കി​ടെ കി​ള്ളി​പ്പാ​ല​ത്തി​ന് സ​മീ​പ​ത്ത് വ​ച്ച് സ​ജി​ത്ത്കു​മാ​റി​ന് ത​ല​ചു​റ്റ​ൽ അ​നു​ഭ​വ​പ്പെ​ട്ടു. ഓ​ട്ടോ​യി​ൽ ഉ​ണ്ടാ​യി​രു​ന്ന പ​രി​ക്കേ​റ്റ സ്ത്രീ​യോ​ട് ദേ​ഹാ​സ്വാ​സ്ഥ്യം അ​നു​ഭ​വ​പ്പെ​ടു​ന്നു​വെ​ന്ന് പ​റ​ഞ്ഞ സ​ജി​ത്ത് ഓ​ട്ടോ റോ​ഡ​രി​കി​ലേ​ക്ക് ഒ​തു​ക്കി. പി​ന്നാ​ലെ കു​ഴ​ഞ്ഞു​വീ​ണു.

സ​ജി​ത്ത് കു​മാ​റി​നെ ആം​ബു​ല​ന്‍​സി​ല്‍ ജ​ന​റ​ല്‍ ആ​ശു​പ​ത്രി​യി​ലെ​ത്തി​ച്ചെ​ങ്കി​ലും ജീ​വ​ൻ​ര​ക്ഷി​ക്കാ​നാ​യി​ല്ല. അ​പ​ക​ട​ത്തി​ൽ പ​രി​ക്കേ​റ്റ​യാ​ൾ ആ​ശു​പ​ത്രി​യി​ൽ ചി​കി​ത്സ​യി​ൽ ക​ഴി​യു​ക​യാ​ണ്.

 മൂ​ന്നാ​ർ: ഇ​ടു​ക്കി മൂ​ന്നാ​റി​ൽ വീ​ണ്ടും ഓ​ൺ​ലൈ​ൻ ടാ​ക്സി ത​ട​ഞ്ഞ​താ​യി പ​രാ​തി. വി​ദേ​ശ വ​നി​ത​ക​ളു​മാ​യി പോ​യ ടാ​ക്സി​യാ​ണ് ത​ട​ഞ്ഞ​ത്.

മൂ​ന്നാ​റി​ലെ ടാ​ക്സി ഡ്രൈ​വ​ർ​മാ​രാ​ണ് ഇ​സ്രാ​യേ​ലി വി​ദേ​ശി​ക​ളു​മാ​യി കൊ​ച്ചി​യി​ലേ​ക്ക് പോ​യ വാ​ഹ​നം ത​ട​ഞ്ഞ​ത്. സം​ഭ​വം ഓ​ൺ​ലൈ​ൻ ടാ​ക്സി ഡ്രൈ​വ​ർ ആ​ന്‍റ​ണി പെ​രു​മ്പ​ള്ളി മൂ​ന്നാ​ർ പോ​ലീ​സി​നെ അറിയിച്ചു. ഇതോടെ പോലീസ് സ്ഥലത്തെത്തി.

ഏ​ക​ദേ​ശം അ​ര​മ​ണി​ക്കൂ​റോ​ളം വാ​ഹ​നം ത​ട​ഞ്ഞു നി​ർ​ത്തു​ക​യും വി​ദേ​ശ വ​നി​ത​ക​ളെ വാ​ഹ​ന​ത്തി​ൽ ക​യ​റ്റാ​ൻ ക​ഴി​യി​ല്ലെ​ന്നും ഓ​ൺ​ലൈ​ൻ ടാ​ക്സി സ​ർ​വീ​സ് ന​ട​ത്താ​ൻ ക​ഴി​യി​ല്ലെ​ന്നും ചൂ​ണ്ടി​ക്കാ​ട്ടി​യാ​ണ് വാ​ഹ​നം ത​ട​ഞ്ഞ​ത്.

പി​ന്നീ​ട് പോ​ലീ​സ് ഇ​ട​പെ​ട്ടാ​ണ് ഓ​ൺ​ലൈ​ൻ ടാ​ക്സി​യി​ൽ വി​ദേ​ശ വ​നി​ത​ക​ൾ​ക്ക് യാ​ത്ര തു​ട​രാ​ൻ അ​വ​സ​രം ഒ​രു​ക്കി​യ​ത്.

ബ്ര​സ​ൽ​സ്: യൂ​റോ​പ്പി​ൽ ഡ്രൈ​വിം​ഗ് മെ​ഡി​ക്ക​ൽ പ​രി​ശോ​ധ​ന​ക​ൾ നി​ർ​ബ​ന്ധ​മാ​ക്കു​ന്ന​തി​നും ആ​ജീ​വ​നാ​ന്ത ലൈ​സ​ൻ​സു​ക​ൾ അ​വ​സാ​നി​പ്പി​ക്കു​ന്ന​തി​നു​മു​ള്ള പു​തി​യ നി​യ​മം പാ​സാ​യി. പു​തി​യ ഇ​യു നി​യ​മ​ത്തി​ൽ ലൈ​സ​ൻ​സു​ക​ൾ ഇ​നി ആ​ജീ​വ​നാ​ന്ത സാ​ധു​ത​യു​ള്ള​ത​ല്ല.

യൂ​റോ​പ്യ​ൻ യൂ​ണി​യ​ൻ ന​ൽ​കു​ന്ന ഡ്രൈ​വിം​ഗ് ലൈ​സ​ൻ​സു​ക​ൾ വെ​റും 15 വ​ർ​ഷ​ത്തേ​ക്ക് സാ​ധു​ത​യു​ള്ള​താ​ക്കു​ന്ന ഒ​രു പു​തി​യ നി​യ​മം യൂ​റോ​പ്യ​ൻ പാ​ർ​ല​മെ​ന്‍റ് അം​ഗീ​ക​രി​ച്ചു. പു​തു​ക്കു​ന്ന​തി​ന് മു​മ്പ് ഡ്രൈ​വ​ർ​മാ​ർ മെ​ഡി​ക്ക​ൽ പ​രി​ശോ​ധ​ന​യ്ക്ക് വി​ധേ​യ​രാ​ക​ണ​മെ​ന്ന് നി​ർ​ബ​ന്ധ​മാ​ക്കു​ന്നു.

ഡ്രൈ​വ​ർ​മാ​ർ​ക്ക് നി​ർ​ബ​ന്ധി​ത മെ​ഡി​ക്ക​ൽ പ​രി​ശോ​ധ​ന ന​ട​ത്ത​ണ​മെ​ന്ന​തി​ൽ വ​ർ​ഷ​ങ്ങ​ളാ​യി ഇ​യു​വി​ൽ ച​ർ​ച്ച ന​ട​ക്കു​ന്നു​ണ്ട്. പ്രാ​യ​മാ​യ ഡ്രൈ​വ​ർ​മാ​ർ ഇ​പ്പോ​ഴും സു​ര​ക്ഷി​ത​മാ​യി വാ​ഹ​ന​മോ​ടി​ക്കാ​ൻ യോ​ഗ്യ​രാ​ണെ​ന്ന് ഉ​റ​പ്പാ​ക്കാ​ൻ ഇ​ത് സ​ഹാ​യി​ക്കു​മെ​ന്ന് അ​ഭി​ഭാ​ഷ​ക​ർ പ​റ​യു​ന്നു.

ഒ​ക്‌ടോ​ബ​ർ 21ന് ​യൂ​റോ​പ്യ​ൻ പാ​ർ​ല​മെ​ന്‍റി​ലെ എം​പി​മാ​ർ റോ​ഡ് സു​ര​ക്ഷ മെ​ച്ച​പ്പെ​ടു​ത്തു​ന്ന​തി​നും അ​പ​ക​ട​ങ്ങ​ളു​ടെ എ​ണ്ണം കു​റ​യ്ക്കു​ന്ന​തി​നും ല​ക്ഷ്യ​മി​ട്ടു​ള്ള പു​തി​യ നി​യ​ന്ത്ര​ണ​ങ്ങ​ളു​ടെ ഒ​രു പാ​ക്കേ​ജ് അം​ഗീ​ക​രി​ക്കു​ന്ന​തി​ന് വോ​ട്ട് ചെ​യ്തു.

നി​ല​വി​ൽ, എ​ല്ലാ വ​ർ​ഷ​വും ഏ​ക​ദേ​ശം 20,000 പേ​ർ​ക്ക് യൂ​റോ​പ്യ​ൻ യൂ​ണി​യ​ൻ റോ​ഡു​ക​ളി​ൽ ജീ​വ​ൻ ന​ഷ്ട​പ്പെ​ടു​ന്നു. 2050 ആ​കു​മ്പോ​ഴേ​ക്കും റോ​ഡ് അ​പ​ക​ടം മൂ​ല​മു​ള്ള മ​ര​ണ​ങ്ങ​ൾ പൂ​ജ്യ​മാ​ക്കാ​ൻ യൂ​റോ​പ്യ​ൻ യൂ​ണി​യ​ൻ ശ്ര​മി​ക്കു​ന്നു.

ലൈ​സ​ൻ​സ് ന​ഷ്‌ടപ്പെ​ടു​ന്ന ഡ്രൈ​വ​ർ​മാ​ർ​ക്ക് യൂ​റോ​പ്യ​ൻ യൂ​ണി​യ​ൻ വ്യാ​പ​ക​മാ​യ വി​ല​ക്കു​ക​ൾ ഏ​ർ​പ്പെ​ടു​ത്തു​ന്ന​തും ഇ​തി​ൽ ഉ​ൾ​പ്പെ​ടു​ന്നു. എ​ന്നാ​ൽ രാ​ജ്യ​ങ്ങ​ൾ ആ​ജീ​വ​നാ​ന്ത ലൈ​സ​ൻ​സു​ക​ൾ ന​ൽ​കു​ന്ന രീ​തി​യും അ​വ​സാ​നി​പ്പി​ക്കും.

പ​ക​രം ഒ​രു യൂ​റോ​പ്യ​ൻ യൂ​ണി​യ​ൻ രാ​ജ്യ​ത്ത് ന​ൽ​കു​ന്ന ഡ്രൈ​വിം​ഗ് ലൈ​സ​ൻ​സ് 15 വ​ർ​ഷ​ത്തേ​ക്ക് സാ​ധു​ത​യു​ള്ള​താ​യി​രി​ക്കും, തു​ട​ർ​ന്ന് ഡ്രൈ​വ​ർ​മാ​ർ അ​ത് പു​തു​ക്കേ​ണ്ട​തു​ണ്ട്.

എ​ന്നി​രു​ന്നാ​ലും, ലൈ​സ​ൻ​സ് പു​തു​ക്കു​ന്ന​തി​ന് രാ​ജ്യ​ങ്ങ​ൾ ഒ​രു മെ​ഡി​ക്ക​ൽ പ​രി​ശോ​ധ​ന കൂ​ടി ചേ​ർ​ക്ക​ണ​മെ​ന്ന് യൂ​റോ​പ്യ​ൻ യൂ​ണി​യ​ൻ നി​ർ​ദേ​ശി​ക്കു​മ്പോ​ൾ, പു​തു​ക്കു​ന്ന​തി​നു​ള്ള കൃ​ത്യ​മാ​യ പ്ര​ക്രി​യ​യെ​ക്കു​റി​ച്ചു​ള്ള അ​ന്തി​മ തീ​രു​മാ​നം ഓ​രോ രാ​ജ്യ​ത്തി​നും അ​വ​കാ​ശ​പ്പെ​ട്ട​താ​ണ്.

ഉ​ദാ​ഹ​ര​ണ​ത്തി​ന്, മെ​ഡി​ക്ക​ൽ പ​രീ​ക്ഷ​യ്ക്ക് പ​ക​രം സ്വ​യം വി​ല​യി​രു​ത്ത​ൽ ഫോ​മു​ക​ളോ ദേ​ശീ​യ ത​ല​ത്തി​ൽ രൂ​പ​ക​ൽ​പ​ന ചെ​യ്ത മ​റ്റ് വി​ല​യി​രു​ത്ത​ൽ സം​വി​ധാ​ന​ങ്ങ​ളോ ഉ​പ​യോ​ഗി​ക്കാ​ൻ അ​വ​ർ​ക്ക് തെര​ഞ്ഞെ​ടു​ക്കാം.

65 വ​യ​സി​നു മു​ക​ളി​ലു​ള്ള ഡ്രൈ​വ​ർ​മാ​ർ​ക്ക് കൂ​ടു​ത​ൽ ത​വ​ണ മെ​ഡി​ക്ക​ൽ പ​രി​ശോ​ധ​ന​ക​ളും റി​ഫ്ര​ഷ​ർ കോ​ഴ്സു​ക​ളും ന​ട​ത്തു​ന്ന​തി​ന് സാ​ധു​ത കാ​ല​യ​ള​വ് കു​റ​യ്ക്കാ​നും ക​ഴി​യും. വീ​ണ്ടും, ഇ​ത് ഓ​രോ രാ​ജ്യ​ത്തി​നും ഇ​ഷ്ട​മു​ള്ള​താ​യി​രി​ക്കും.

ഓ​രോ ഇ​യു അം​ഗ​രാ​ജ്യ​ത്തി​നും ഇ​പ്പോ​ൾ അ​വ​ർ ഉ​പ​യോ​ഗി​ക്കാ​ൻ ആ​ഗ്ര​ഹി​ക്കു​ന്ന പ്ര​ക്രി​യ തീ​രു​മാ​നി​ക്കാ​നും സി​സ്റ്റം അ​വ​ത​രി​പ്പി​ക്കാ​നും മൂ​ന്ന് വ​ർ​ഷ​മു​ണ്ട്. ചി​ല ഇ​യു രാ​ജ്യ​ങ്ങ​ൾ ഇ​തി​ന​കം ത​ന്നെ പ്രാ​യ​മാ​യ ഡ്രൈ​വ​ർ​മാ​ർ​ക്ക് മെ​ഡി​ക്ക​ൽ പ​രി​ശോ​ധ​ന​ക​ൾ ആ​വ​ശ്യ​പ്പെ​ടു​ന്നു.

അ​തേ​സ​മ​യം, യു​കെ പോ​ലു​ള്ള യൂ​റോ​പ്പി​ലെ മ​റ്റ് രാ​ജ്യ​ങ്ങ​ൾ പ്രാ​യ​മാ​യ ഡ്രൈ​വ​ർ​മാ​ർ ലൈ​സ​ൻ​സ് പു​തു​ക്ക​ണ​മെ​ന്ന് ആ​വ​ശ്യ​പ്പെ​ടു​ന്നു, പ​ക്ഷേ മെ​ഡി​ക്ക​ൽ പ​രി​ശോ​ധ​ന ഏ​ർ​പ്പെ​ടു​ത്തു​ന്നി​ല്ല.

നെ​ത​ർ​ല​ൻ​ഡ്‌​സ്, ഡെ​ൻ​മാ​ർ​ക്ക്, സ്പെ​യി​ൻ, ഇ​റ്റ​ലി, ഫി​ൻ​ലാ​ൻ​ഡ്, ഗ്രീ​സ്, ചെ​ക്ക് റി​പ്പ​ബ്ലി​ക് എ​ന്നി​വ​യെ​ല്ലാം ലൈ​സ​ൻ​സ് നി​ല​നി​ർ​ത്തു​ന്ന​തി​ന് പ്രാ​യ​മാ​യ ഡ്രൈ​വ​ർ​മാ​ർ വൈ​ദ്യ​പ​രി​ശോ​ധ​ന ന​ട​ത്ത​ണ​മെ​ന്ന് ആ​വ​ശ്യ​പ്പെ​ടു​ന്നു.

പ​രി​ശോ​ധ​ന പ്രാ​യം 50 മു​ത​ൽ 70 വ​രെ വ്യ​ത്യാ​സ​പ്പെ​ടു​ന്നു. അ​തേ​സ​മ​യം, ബെ​ൽ​ജി​യം എ​ല്ലാ പ്രാ​യ​ത്തി​ലു​മു​ള്ള ഡ്രൈ​വ​ർ​മാ​ർ​ക്കും പ​തി​വ് പ​രി​ശോ​ധ​ന​ക​ൾ ആ​വ​ശ്യ​മാ​ണ്. ഇ​ത് 2028 മു​ത​ൽ ന​ട​പ്പി​ലാ​ക്കും.

ഇ​യു​വി​ലു​ട​നീ​ളം, കാ​റു​ക​ളു​ടെ​യും മോ​ട്ട​ർ സൈ​ക്കി​ളു​ക​ളു​ടെ​യും ഡ്രൈ​വിം​ഗ് ലൈ​സ​ൻ​സു​ക​ൾ​ക്ക് 15 വ​ർ​ഷ​ത്തേ​ക്ക് സാ​ധു​ത​യു​ണ്ടാ​കും. അ​തേ​സ​മ​യം ട്ര​ക്ക്, ബ​സ് ലൈ​സ​ൻ​സു​ക​ൾ​ക്ക് അ​ഞ്ച് വ​ർ​ഷ​ത്തേ​ക്ക് സാ​ധു​ത​യു​ണ്ടാ​കും.

കൂ​ടാ​തെ, ഗു​രു​ത​ര​മാ​യ ഗ​താ​ഗ​ത ലം​ഘ​ന​ങ്ങ​ൾ ഇ​യു​വി​ലു​ട​നീ​ളം ഡ്രൈ​വിം​ഗ് നി​രോ​ധ​ന​ത്തി​ലേ​ക്ക് ന​യി​ക്കും. ഏ​റ്റ​വും പു​തി​യ​ത് 2030ഓ​ടെ ഡി​ജി​റ്റ​ൽ ഡ്രൈ​വിം​ഗ് ലൈ​സ​ൻ​സ് ആ​സൂ​ത്ര​ണം ചെ​യ്തി​ട്ടു​ണ്ട്.

1999നും 2001​നും ഇ​ട​യി​ൽ ന​ൽ​കി​യ ഡ്രൈ​വിം​ഗ് ലൈ​സ​ൻ​സു​ക​ൾ​ക്ക് നി​ല​വി​ൽ ഒ​രു കൈ​മാ​റ്റ കാ​ല​യ​ള​വ് ഉ​ണ്ട്. ഇ​വ 2026 ജ​നു​വ​രി 19ന​കം കൈ​മാ​റ്റം ചെ​യ്യ​ണം.

യൂ​റോ​പ്യ​ൻ യൂ​ണി​യ​നി​ലു​ട​നീ​ളം മാ​റ്റ​ങ്ങ​ൾ സാ​ധു​ത: ക്ലാ​സ് എ, ​ബി ഡ്രൈ​വിം​ഗ് ലൈ​സ​ൻ​സു​ക​ൾ (മോ​ട്ട​ർ സൈ​ക്കി​ളു​ക​ളും കാ​റു​ക​ളും) 15 വ​ർ​ഷ​ത്തേ​ക്ക് സാ​ധു​ത​യു​ള്ള​താ​യി​രി​ക്കും. അ​തേ​സ​മ​യം, ട്ര​ക്ക്, ബ​സ് ലൈ​സ​ൻ​സു​ക​ൾ (ക്ലാ​സു​ക​ൾ സി, ​ഡി) അ​ഞ്ച് വ​ർ​ഷ​ത്തേ​ക്ക് സാ​ധു​ത​യു​ള്ള​താ​യി​രി​ക്കും.

ഡ്രൈ​വിം​ഗ് നി​രോ​ധ​ന​ങ്ങ​ൾ

മ​ദ്യ​പി​ച്ച് വാ​ഹ​ന​മോ​ടി​ക്കു​ക, അ​മി​ത വേ​ഗ​ത പോ​ലു​ള്ള ഗു​രു​ത​ര​മാ​യ ലം​ഘ​ന​ങ്ങ​ൾ യൂ​റോ​പ്യ​ൻ യൂ​ണി​യ​നി​ലു​ട​നീ​ളം നി​രോ​ധി​ക്കും.

ഡി​ജി​റ്റ​ൽ ഡ്രൈ​വിംഗ് ലൈ​സ​ൻ​സ് ‌2030ഓ​ടെ യൂ​റോ​പ്യ​ൻ യൂ​ണി​യ​നി​ലു​ട​നീ​ളം ഒ​രു ഏ​കീ​കൃ​ത ഡി​ജി​റ്റ​ൽ ഡ്രൈ​വിം​ഗ് ലൈ​സ​ൻ​സ് അ​വ​ത​രി​പ്പി​ക്കും.

ജ​ർ​മ​നി​യി​ലെ ലൈ​സ​ൻ​സ് നി​യ​മ​ങ്ങ​ളി​ലും മാ​റ്റം

ജ​ർ​മ​നി​യി​ലെ പു​തി​യ ഡ്രൈ​വിം​ഗ് ലൈ​സ​ൻ​സ് ച​ട്ട​ങ്ങ​ളി​ൽ ക്ലാ​സ് ബി ​ലൈ​സ​ൻ​സ് ഉ​പ​യോ​ഗി​ച്ച് 4.25 ട​ൺ വ​രെ ഭാ​ര​മു​ള്ള മോ​ട്ട​ർ​ഹോ​മു​ക​ൾ ഓ​ടി​ക്കു​ന്ന​തി​നു​ള്ള സാ​ധ്യ​ത ഉ​ൾ​പ്പെ​ടു​ന്നു. മു​മ്പ്, പ​രി​ധി 3.5 ട​ൺ ആ​യി​രു​ന്നു.

ജ​ർ​മ​നി - നി​ർ​ദ്ദി​ഷ്ട മാ​റ്റ​ങ്ങ​ൾ മോ​ട്ട​ർ​ഹോ​മു​ക​ൾ: 2028 മു​ത​ൽ, ക്ലാ​സ് ബി ​ഡ്രൈ​വിം​ഗ് ലൈ​സ​ൻ​സ് ഉ​പ​യോ​ഗി​ച്ച് അ​നു​വ​ദ​നീ​യ​മാ​യ പ​ര​മാ​വ​ധി ഭാ​രം 4.25 ട​ൺ ഭാ​ര​മു​ള്ള മോ​ട്ട​ർ​ഹോ​മു​ക​ൾ ഓ​ടി​ക്കാ​ൻ സാ​ധി​ക്കും. മു​ൻ​പ്, പ​രി​ധി 3.5 ട​ൺ ആ​യി​രു​ന്നു. ∙

ട്ര​ക്കു​ക​ൾ/​ബ​സു​ക​ൾ​ക്കു​ള്ള പ്രാ​യ​പ​രി​ധി: ട്ര​ക്ക് ഡ്രൈ​വി​ങ് ലൈ​സ​ൻ​സി​നു​ള്ള ഏ​റ്റ​വും കു​റ​ഞ്ഞ പ്രാ​യം 21 ൽ ​നി​ന്ന് 18 വ​ർ​ഷ​മാ​യി കു​റ​യ്ക്കും. ബ​സ് ഡ്രൈ​വിം​ഗ് ലൈ​സ​ൻ​സി​ന്, പ്രാ​യ​പ​രി​ധി 24 ൽ ​നി​ന്ന് 21 വ​ർ​ഷ​മാ​യി കു​റ​യ്ക്കും.

ബെം​ഗ​ളു​രു: ന​ടു​റോ​ഡി​ൽ യാ​ത്ര​ക്കാ​രി​യെ അ​പ​മാ​നി​ച്ച ബൈ​ക്ക് ടാ​ക്സി ഡ്രൈ​വ​ർ​ക്കെ​തി​രെ വി​ൽ​സ​ൺ ഗാ‍‍​ർ​ഡ​ൻ പോ​ലീ​സ് കേ​സെ​ടു​ത്തു. ബെം​ഗ​ളൂ​രു ച​ർ​ച്ച് സ്ട്രീ​റ്റി​ൽ നി​ന്ന് പി​ജി​യി​ലേ​ക്ക് ബൈ​ക്ക് ടാ​ക്സി​യി​ൽ യാ​ത്ര ചെ​യ്ത യു​വ​തി​ക്കാ​ണ് ദു​ര​നു​ഭ​വ​മു​ണ്ടാ​യ​ത്.

ന​വം​ബ​ർ ആ​റി​ന് ന​ട​ന്ന സം​ഭ​വം യു​വ​തി സാ​മൂ​ഹി​ക മാ​ധ്യ​മ അ​ക്കൗ​ണ്ട് വ​ഴി വി​വ​രി​ച്ച​തോ​ട പോ​ലീ​സ് കേ​സെ​ടു​ക്കു​ക​യാ​യി​രു​ന്നു. ഉ​ചി​ത​മാ​യ ന​ട​പ​ടി ഉ​ണ്ടാ​കു​മെ​ന്ന് ബൈ​ക്ക് ടാ​ക്സി ആ​പ്പാ​യ റാ​പി​ഡോ വ്യ​ക്ത​മാ​ക്കി. സ​വാ​രി​ക്കെ​ത്തി​യ ഡ്രൈ​വ​ർ യാ​ത്ര​യ്ക്കി​ടെ യു​വ​തി​യു​ടെ കാ​ലി​ൽ സ്പ​ർ​ശി​ക്കു​ക​യാ​യി​രു​ന്നു. യു​വ​തി വി​ല​ക്കി​യെ​ങ്കി​ലും ഡ്രൈ​വ​ർ പി​ന്മാ​റി​യി​ല്ല.

സ്ഥ​ല​പ​രി​ച​യം കു​റ​വാ​യ​തി​നാ​ൽ യു​വ​തി ഡ്രൈ​വ​റോ​ട് വ​ണ്ടി നി​ർ​ത്താ​ൻ ആ​വ​ശ്യ​പ്പെ​ട്ടി​ല്ല. ഇ​റ​ങ്ങേ​ണ്ട സ്ഥ​ല​ത്തെ​ത്തി​യ യു​വ​തി ക​ര​ഞ്ഞ​തോ​ടെ വ​ഴി​യാ​ത്ര​ക്കാ​ര​ൻ ഇ​ട​പെ​ട്ട​തോ​ടെ ഇ​യാ​ൾ മാ​പ്പു ചോ​ദി​ക്കു​ക​യും തെ​റ്റ് ആ​വ​ർ​ത്തി​ക്കി​ല്ലെ​ന്ന് പ​റ​ഞ്ഞു. എ​ന്നാ​ൽ യാ​ത്ര തി​രി​ച്ച​തി​ന് പി​ന്നാ​ലെ യു​വ​തി​ക്ക് നേ​രെ തി​രി‍​ഞ്ഞ് അ​ശ്ലീ​ല ആം​ഗ്യം കാ​ണി​ക്കു​ക​യും ചെ​യ്തു.

സം​ഭ​വം വീ​ഡി​യോ സ​ഹി​തം യു​വ​തി ഇ​ൻ​സ്റ്റ​ഗ്രാ​മി​ൽ പോ​സ്റ്റ് ചെ​യ്ത​തോ​ടെ കേ​സെ​ടു​ത്ത ബെം​ഗ​ളൂ​രു പോ​ലീ​സ്, ബൈ​ക്ക് ടാ​ക്സി ഡ്രൈ​വ​ർ ലോ​കേ​ഷാ​ണെ​ന്ന് തി​രി​ച്ച​റി​ഞ്ഞി​ട്ടു​ണ്ട്.

ചി​ങ്ങ​വ​നം: ക​ടു​വാ​ക്കു​ള​ത്ത് റി​ട്ടേ​ണ്‍ ചാ​ര്‍ജി​ന്‍റെ പേ​രി​ല്‍ ര​ണ്ട് ഓ​ട്ടോ ഡ്രൈ​വ​ര്‍മാ​ര്‍ക്കു മ​ര്‍ദ​ന​മേ​റ്റ സം​ഭ​വ​ത്തി​ല്‍ പ്ര​തി​ഷേ​ധി​ച്ച് ഓ​ട്ടോ ഡ്രൈ​വ​ര്‍മാ​ര്‍ പ​ണി​മു​ട​ക്കി. ഞാ​യ​റാ​ഴ്ച രാ​ത്രി ഒ​ന്പ​തി​ന് ക​ടു​വാ​ക്കു​ളം, ചൂ​ള​ക്ക​വ​ല​യി​ലാ​ണ് ആ​ക്ര​മ​ണം ന​ട​ന്ന​ത്.

ഓ​ട്ടം ക​ഴി​ഞ്ഞു തി​രി​കെ ക​ടു​വാ​ക്കു​ള​ത്തേ​ക്ക് വ​രി​ക​യാ​യി​രു​ന്ന ഓ​ട്ടോ​യ്ക്കു കൈ​കാ​ണി​ച്ചു ക​യ​റി​യ അ​ച്ഛ​നും മ​ക​നും ചൂ​ള​ക്ക​വ​ല​യി​ല്‍ ഇ​റ​ങ്ങി​യ ശേ​ഷം 20 രൂ​പ ന​ല്‍കു​ക​യും ബാ​ക്കി 10 രൂ​പ വേ​ണ​മെ​ന്നാ​വ​ശ്യ​പ്പെ​ട്ട് ആ​ക്ര​മ​ണം അ​ഴി​ച്ചു​വി​ടു​ക​യാ​യി​രു​ന്നു​വെ​ന്നും പ​റ​യു​ന്നു.

അ​തു​വ​ഴി വ​ന്ന മ​റ്റൊ​രു ഓ​ട്ടോ​ഡ്രൈ​വ​ര്‍ പ്ര​ശ്‌​ന​ത്തി​ല്‍ ഇ​ട​പെ​ട്ടെ​ങ്കി​ലും ഇ​രു​വ​ര്‍ക്കും മ​ര്‍ദ​ന​മേ​ല്‍ക്കു​ക​യാ​യി​രു​ന്നു​വെ​ന്ന് ഓ​ട്ടോ ഡ്രൈ​വ​ര്‍മാ​ര്‍ പ​റ​യു​ന്നു. പ​രി​ക്കേ​റ്റ ഓ​ട്ടോ​ഡ്രൈ​വ​ർ​മാ​ർ ജി​ല്ലാ ആ​ശു​പ​ത്രി​യി​ല്‍ ചി​കി​ത്സ തേ​ടി. സം​ഭ​വ​ത്തി​ല്‍ ഈ​സ്റ്റ് പോ​ലീ​സ് കേ​സെ​ടു​ത്തു.

ഓ​ട്ടോ ഡ്രൈ​വ​ര്‍മാ​ര്‍ക്കെ​തി​രാ​യ ആ​ക്ര​മ​ണ​ത്തി​ല്‍ പ്ര​തി​ഷേ​ധി​ച്ച് ഇ​ന്ന​ലെ ഉ​ച്ച​വ​രെ​യാ​യി​രു​ന്നു ഓ​ട്ടോ​റി​ക്ഷാ പ​ണി​മു​ട​ക്ക്.