തിരുവല്ല: നിയോജകമണ്ഡലത്തിലെ വിവിധ പദ്ധതികൾക്ക് എംഎൽഎ ഫണ്ടിൽനിന്ന് 1.61 കോടി രൂപയുടെ ഭരണാനുമതിയായതായി മാത്യു ടി. തോമസ് എംഎൽഎ അറിയിച്ചു. ഉന്നതനിലാരത്തിൽ പുനർനിർമിച്ച സ്വാമിപാലം – മേപ്രാൽ റോഡിൽ ഈ പ്രവൃത്തിയിൽ ഉൾപ്പെടാതിരുന്ന മേപ്രാൽ മുതൽ കടവ് വരെയുളള ഭാഗം കലുങ്ക് നിർമിച്ച് ബിഎം ബിസി ടാറിംഗ് നടത്തുന്നതിന് 45 ലക്ഷം,
കടപ്ര വീയപുരം റോഡിലെ പാട്ടമ്പലത്തിന് സമീപം വെള്ളക്കെട്ടുണ്ടാകുന്നത് തടയുന്നതിനായി ഡ്രെയിനേജ് നിർമാണത്തിന് 12 ലക്ഷം, പെരിങ്ങര വേങ്ങൽ തോടിന് കുറുകെ മുട്ടത്തുപടിയിൽ കലുങ്ക് നിർമാണത്തിന് 59 ലക്ഷം, മല്ലപ്പള്ളി പഞ്ചായത്തിലെ മണ്ണുപ്പുറത്ത് നാരകത്താനി റോഡ് നിർമാണത്തിന് 45 ലക്ഷം രൂപ എന്നീ പ്രവൃത്തികൾക്കാണ് ഭരണാനുമതി ലഭിച്ചത്.