വടക്കഞ്ചേരി: തൃശൂർ വടക്കേസ്റ്റാൻഡിനു സമീപം ബൈക്കുകൾ കൂട്ടിയിടിച്ച് കിഴക്കഞ്ചേരി സ്വദേശി മരിച്ചു. ചെറുകുന്നം പരേതനായ നാകുണ്ണിയുടെ മകൻ സുനിൽകുമാർ (കണ്ണപ്പൻ 50) ആണ് മരിച്ചത്.
വെള്ളിയാഴ്ച ഉച്ചകഴിഞ്ഞ് രണ്ടോടെയായിരുന്നു അപകടം. സുനിൽകുമാർ സഞ്ചരിച്ചിരുന്ന ബൈക്കിൽ മറ്റൊരു ബൈക്ക് ഇടിക്കുകയായിരുന്നു.
സാരമായി പരിക്കേറ്റ സുനിൽകുമാറിനെ തൃശൂർ മെഡിക്കൽ കോളജ് ആശുപത്രിയിൽ എത്തിച്ചെങ്കിലും ചികിത്സയിലിരിക്കെ മരിച്ചു. കല്യാൺ ജ്വല്ലേഴ്സിൽ ഇലക്ട്രീഷ്യനാണ്. അമ്മ: കമലം.
ഭാര്യ: കവിത (യൂണിവേഴ്സൽ സ്റ്റീൽസ്, വടക്കഞ്ചേരി). മക്കൾ: ആതിര, ആദിത്യൻ. സഹോദരങ്ങൾ: സുഭാഷ് ബാബു (സിഎസ് സി സെന്റർ, കണിയമംഗലം), സ്മിത.