അമ്പലപ്പുഴ: ബന്ധുവീട്ടിൽ പോയി മടങ്ങിയ പുന്നപ്ര സ്വദേശി വെള്ളത്തിൽ വീണ് മരിച്ചു. പുന്നപ്ര വടക്കു പഞ്ചായത്ത് എട്ടാം വാർഡ് വട്ടക്കാട്ട് വീട്ടിൽ അശോകൻ - ഉഷ ദമ്പതികളുടെ മകൻ അശ്വിൻ കുമാർ (33) ആണ് മരിച്ചത്.
പിതാവിന്റെ സഹോദരിയുടെ വീടായ കുട്ടമംഗലത്ത് ക്ഷേത്രത്തിലെ ഉത്സവത്തിനു പോയി തിരികെ ഇന്നലെ രാവിലെ പുന്നപ്രയ്ക്കു മടങ്ങാനായി മീനപ്പള്ളി പാടശേഖര വരമ്പിലൂടെ നടന്നുവരുമ്പോൾ ചാലിൽ വീഴുകയായിരുന്നു.
തൊഴിലുറപ്പു തൊഴിലാളികൾ ഉച്ചയ്ക്ക് രണ്ടിനാണ് യുവാവ് ചാലിൽ വീണുകിടക്കുന്നതു കണ്ടത്. പുളിങ്കുന്ന് പോലീസെത്തി ഇൻക്വസ്റ്റ് തയാറാക്കിയ മൃതദേഹം ആലപ്പുഴ മെഡിക്കൽ കോളജ് ആശുപത്രി മോർച്ചറിയിലേക്കു മാറ്റി. സിവിൽ സൂപ്പർവൈസറായിരുന്നു. ഭാര്യ: ഹരിത (മുംബൈ)
Tags : nattu vishesham young man died