അടൂർ: ക്രിസ്തുവിന്റെ സ്നേഹത്തിൽ വേരൂന്നി വളരുക എന്നുള്ളതാണ് സുവിശേഷത്തിന്റെ ആത്യന്തിക ലക്ഷ്യമെന്ന് ഡോ. സഖറിയാസ്മാർ അപ്രേം മെത്രാപ്പോലീത്ത .
അടൂർ ഓർത്തഡോക്സ് കൺവൻഷൻ സമാപനവും നവാഭിഷിക്തരായ കോർ എപ്പിസ്കോപ്പമാർക്ക് നൽകിയ അനുമോദന സമ്മേളനവും ഉദ്ഘാടനം ചെയ്തു പ്രസംഗിക്കുകയായിരുന്നു മെത്രാപ്പോലീത്ത.
ഫാ.ജോസഫ് സാമുവേൽ തറയിൽ കോർ എപ്പിസ്കോപ്പ, ഫാ.രാജൻ മാത്യു കോർ എപ്പിസ്കോപ്പ, ഫാ.ജേക്കബ് കോശി കോർ എപ്പിസ്കോപ്പ എന്നിവരെ മെത്രാപ്പോലീത്ത പൊന്നാട അണിയിച്ച് ആദരിച്ചു.ഫാ.എബ്രഹാം ഇഞ്ചക്കലോടിൽ കോർ എപ്പിസ്കോപ്പഅധ്യക്ഷത വഹിച്ചു.ജനറൽ കൺവീനർ ഫാ.ഷിജു ബേബി,ജനറൽ സെക്രട്ടറി സച്ചിൻ സാം പാണുവേലിൽ എന്നിവർപ്രസംഗിച്ചു.
Tags : nattu vishesham Orthodox Convention