ഒ​റ്റ​പ്പാ​ലം: പാ​ല​ക്കാ​ട്- കു​ള​പ്പു​ള്ളി പാ​ത​യി​ൽ അ​പ​ക​ട​കേ​ന്ദ്ര​ങ്ങ​ളി​ൽ സു​ര​ക്ഷ​യൊ​രു​ക്കു​ന്ന​തി​നാ​യി പ​ഠ​നം​ന​ട​ത്തി​യെ​ങ്കി​ലും തു​ട​ർ​ന​ട​പ​ടി​ക​ൾ ഒ​ന്നു​മു​ണ്ടാ​യി​ല്ല.
അ​പ​ക​ട​നി​ര​ക്ക് കു​ടൂ​ത​ലു​ള്ള ഒ​റ്റ​പ്പാ​ലം, ഷൊ​ർ​ണൂ​ർ പോ​ലീ​സ് സ്റ്റേ​ഷ​നു​ക​ളു​ടെ പ​രി​ധി​യി​ലാ​ണ് സു​ര​ക്ഷ​യൊ​രു​ക്കാ​ൻ മോ​ട്ടോ​ർ​വാ​ഹ​ന​വ​കു​പ്പും പോ​ലീ​സും പൊ​തു​മ​രാ​മ​ത്ത് നി​ര​ത്ത് വി​ഭാ​ഗ​വും ചേ​ർ​ന്ന് റോ​ഡി​ൽ പ​രി​ശോ​ധ​ന ന​ട​ത്തി​യി​രു​ന്ന​ത്.

പ​ത്തി​രി​പ്പാ​ല പാ​ല​പ്പു​റം, ചി​ന​ക്ക​ത്തൂ​ർകാ​വ്, ക​യ​റം​പാ​റ, പ​ത്തൊ​മ്പ​താം മൈ​ൽ, ഈ​സ്റ്റ് ഒ​റ്റ​പ്പാ​ലം, മാ​യ​ന്നൂ​ർ​പാ​ലം ജം​ഗ്ഷ​ൻ, ഒ​റ്റ​പ്പാ​ലം പ​ട്ട​ണം, ക​ണ്ണി​യം​പു​റം, മ​നി​ശ്ശീ​രി, പാ​തി​പ്പാ​റ, വാ​ണി​യം​കു​ളം, കൂ​ന​ത്ത​റ, കു​ള​പ്പു​ള്ളി തു​ട​ങ്ങി​യ സ്ഥ​ല​ങ്ങ​ളി​ലാ​ണ് പ​രി​ശോ​ധ​ന ന​ട​ത്തി​യ​ത്.

ഈ ​സ്ഥ​ല​ങ്ങ​ളി​ലെ​ല്ലാം അ​പ​ക​ടം പ​തി​വാ​ണ്. പ​രി​ശോ​ധ​നാ​റി​പ്പോ​ർ​ട്ട് റോ​ഡ് സു​ര​ക്ഷാ അ​ഥോ​റി​റ്റി​ക്ക് സ​മ​ർ​പ്പി​ക്കു​ക​യും ചെ​യ്തി​രു​ന്നു. ചി​ല സു​ര​ക്ഷാ നി​ർ​ദേ​ശ​ങ്ങ​ൾ സു​ര​ക്ഷാ അ​ഥോ​റി​റ്റി മു​ഖാ​ന്ത​ര​വും ചി​ല​ത് അ​ത​ത് ത​ദ്ദേ​ശസ്ഥാ​പ​ന​ങ്ങ​ൾ മു​ഖാ​ന്ത​ര​വും ന​ട​പ്പാ​ക്കാ​നാ​യി​രു​ന്നു പ​ദ്ധ​തി.

ക​യ​റം​പാ​റ​യി​ലെ വ​ള​വി​ലു​ൾ​പ്പെ​ടെ വേ​ഗം നി​യ​ന്ത്രി​ക്കാ​ൻ സം​വി​ധാ​ന​മി​ല്ലെന്നും, അ​പ​ക​ട​മേ​ഖ​ല​ക​ളി​ലൊ​ന്നും, മു​ന്ന​റി​യി​പ്പ് ബോ​ർ​ഡു​ക​ൾ ഇ​ല്ലെ​ന്ന​ത​ട​ക്ക​മു​ള്ള കാ​ര്യ​ങ്ങ​ൾ ബ​ന്ധ​പ്പെ​ട്ട​വ​ർ ക​ണ്ടെ​ത്തി​യി​രു​ന്നു.​ കൂ​ടാ​തെ പാ​ത​യി​ൽ തെ​രു​വു​വി​ള​ക്കു​ക​ളി​ല്ലാ​ത്ത​തും പ്ര​ശ്‌​ന​മു​ണ്ടാ​ക്കു​ന്ന​താ​യി അ​ധി​കൃ​ത​ർ ക​ണ്ടെ​ത്തി​യി​രു​ന്നു.

Tags : nattuvisheasham local