കോയമ്പത്തൂർ: കോർപ്പറേഷൻ ഓഫീസ് വളപ്പിലുള്ള വിക്ടോറിയ ഹാളിൽ മേയർ രംഗനായകിയുടെ അധ്യക്ഷതയിൽ കൗൺസിലിന്റെ പ്രത്യേക യോഗം നടന്നു. യോഗത്തിനുമുമ്പ് വെള്ളാളൂർ മാലിന്യക്കൂമ്പാരം പ്രധാന വിഷയമായി ഉന്നയിച്ച് എഐഎഡിഎംകെ കൗൺസിലർമാരായ രമേശ്, ഷർമിള, പ്രഭാകരൻ എന്നിവർ വായ തുണികൊണ്ടു മൂടിക്കെട്ടി പ്രതിഷേധിച്ചു.
ഇതിനുശേഷം മാധ്യമപ്രവർത്തകരോടു സംസാരിച്ച പ്രഭാകരൻ വെള്ളാളൂർ മാലിന്യക്കൂമ്പാരപ്രശ്നം സർക്കാർ ഉടൻ പരിഹരിക്കണമെന്നും അല്ലാത്തപക്ഷം എഐഎഡിഎംകെ പ്രതിഷേധ പ്രകടനം നടത്തുമെന്നും പറഞ്ഞു. ചില സ്ഥലങ്ങൾ ചൂണ്ടിക്കാണിക്കുകയും കോയമ്പത്തൂരിൽ നിർമിച്ച റോഡുകൾ നല്ല നിലവാരമുള്ളതല്ലെന്ന് ആരോപിക്കുകയും ചെയ്തു. ഇതു വിക്ടോറിയ ഹാളിനുപുറത്ത് ഏറെനേരം ബഹളത്തിനിടയാക്കി.
Tags : nattu vishesham AIADMK protested