പ​ത്ത​നം​തി​ട്ട: ആ​റ​ന്മു​ള​യി​ലെ നി​ർ​ദി​ഷ്ട ഇ​ല​ക്‌ട്രോണി​ക്സ് പാ​ർ​ക്ക് പ​ദ്ധ​തി​യി​ൽനി​ന്നു സ​ർ​ക്കാ​ർ പി​ൻ​വാ​ങ്ങി​യ​ത് വി​വാ​ദം ഭ​യ​ന്ന്. കേ​ന്ദ്രസ​ർ​ക്കാ​രി​ന്‍റെ പി​ന്തു​ണ​യോ​ടെ ആ​സൂ​ത്ര​ണം ചെ​യ്ത പ​ദ്ധ​തി നേ​ര​ത്തേ വി​മാ​ന​ത്താ​വ​ള​ത്തി​നാ​യി നി​ർ​ദേ​ശി​ക്ക​പ്പെ​ട്ട ഭൂ​മി​യി​ലാ​യി​രു​ന്നു. വി​മാ​ന​ത്താ​വ​ളം നി​ർ​മാ​ണ​ത്തി​നാ​യി രൂ​പീ​കൃ​ത​മാ​യ ക​ന്പ​നി​യു​ടെ ഉ​ട​മ​ക​ൾത​ന്നെ​യാ​ണ് ഇ​ല​ക്‌ട്രോണി​ക്സ് പാ​ർ​ക്ക് പ​ദ്ധ​തി​ക്കു പി​ന്നി​ലെ​ന്നും ക​ണ്ട​തോ​ടെ​യാ​ണ് സ​ർ​ക്ക​ർ പി​ൻ​മാ​റ്റം.

വി​പു​ല​മാ​യ ഇ​ല​ക്‌ട്രോണി​ക്സ് വ്യ​വ​സാ​യ​ത്തി​നാ​യി നി​ർ​ദി​ഷ്ട സ്ഥ​ലം ഉ​പ​യോ​ഗ​പ്പെ​ടു​ത്തു​ന്ന​തി​ലേ​ക്കു​ള്ള പ​ദ്ധ​തി ബി​ജെ​പി സം​സ്ഥാ​ന അ​ധ്യ​ക്ഷ​ൻ രാ​ജീ​വ് ച​ന്ദ്ര​ശേ​ഖ​ർ കേ​ന്ദ്ര​മ​ന്ത്രി​യാ​യി​രു​ന്ന ഘ​ട്ട​ത്തി​ലാ​ണ് സ​ർ​ക്കാ​രി​ന്‍റെ പ​രി​ഗ​ണ​ന​യ്ക്ക് ആ​ദ്യം എ​ത്തി​യ​ത്. കേ​ന്ദ്ര​സ​ർ​ക്കാ​ർ പ​ദ്ധ​തി​യെ പി​ന്തു​ണ​യ്ക്കു​മെ​ന്നാ​യ​തോ​ടെ​യാ​ണ് സം​സ്ഥാ​ന സ​ർ​ക്കാ​രി​ലേ​ക്ക് അ​നു​മ​തി​ക്കു​ള്ള അ​പേ​ക്ഷ ന​ൽ​കി​യ​ത്. പ​ദ്ധ​തി സം​ബ​ന്ധി​ച്ച് പ​രി​ശോ​ധി​ച്ചു റി​പ്പോ​ർ​ട്ട് ന​ൽ​കാ​ൻ പ​ത്ത​നം​തി​ട്ട ജി​ല്ലാ ക​ള​ക്ട​റെ സ​ർ​ക്കാ​ർ ചു​മ​ത​ല​പ്പെ​ടു​ത്തു​ക​യും ചെ​യ്തു. എ​ന്നാ​ൽ ക​ള​ക്ട​റു​ടെ റി​പ്പോ​ർ​ട്ട് പ​ദ്ധ​തി​ക്ക് അ​നു​കൂ​ല​മാ​യി​രു​ന്നി​ല്ല.

ആ​റ​ന്മു​ള​യി​ലെ നി​ർ​ദി​ഷ്ട ഭൂ​മി​യെ സം​ബ​ന്ധി​ച്ച ത​ർ​ക്കം ഉ​ൾ​പ്പെ​ടെ നി​ല​നി​ൽ​ക്കു​ന്ന സാ​ഹ​ച​ര്യ​വും പ​രി​സ്ഥി​തി പ്ര​ശ്ന​ങ്ങ​ളും ഉ​യ​രു​മെ​ന്ന് ക​ള​ക്ട​ർ റി​പ്പോ​ർ​ട്ടി​ൽ സൂ​ച​ന ന​ൽ​കി​യി​രു​ന്നു. വി​മാ​ന​ത്താ​വ​ളം നി​ർമി​ക്കാ​ൻ പ​ദ്ധ​തി ത​യാ​റാ​ക്കി​യ കെ​ജി​എ​സ് ഗ്രൂ​പ്പുത​ന്നെ​യാ​ണ് ഇ​ല​ക്‌ട്രോ​ണി​ക്സ് പാ​ർ​ക്ക് പ​ദ്ധ​തി​ക്കു പി​ന്നി​ലെ​ന്നു വ​ന്നാ​ൽ വി​വാ​ദം ഉ​യ​രാ​നു​ള്ള സാ​ധ്യ​ത​യും സ​ർ​ക്കാ​ർ മു​ന്നി​ൽ​ക​ണ്ടു.

പ​ദ്ധ​തി​യെ സം​ബ​ന്ധി​ച്ച പ്രാ​ഥ​മി​കാ​ലോ​ച​ന ഉ​ണ്ടാ​യ​പ്പോ​ൾത്തന്നെ ചി​ല പ്ര​തി​ഷേ​ധ​ങ്ങ​ൾ ഉ​യ​രു​ക​യും ചെ​യ്തു. നി​യ​മ​സ​ഭാ തെ​ര​ഞ്ഞെ​ടു​പ്പുകൂ​ടി അ​ടു​ത്തു​വ​രു​ന്ന സാ​ഹ​ച​ര്യ​ത്തി​ൽ വി​വാ​ദ​ങ്ങ​ൾ​ക്കു താ​ത്പ​ര്യ​മി​ല്ലാ​തെ സ​ർ​ക്കാ​രും ഒ​ഴി​ഞ്ഞു​മാ​റു​ക​യാ​യി​രു​ന്നു​വെ​ന്നാ​ണ് സൂ​ച​ന. സി​പി​ഐ നേ​ര​ത്തേത​ന്നെ പ​ദ്ധ​തി​യോ​ട് എ​തി​ർ​പ്പ് പ്ര​ക​ടി​പ്പി​ച്ചി​രു​ന്നു. റ​വ​ന്യു​വ​കു​പ്പ് അ​നു​മ​തി​യും ഇ​തോ​ടെ ബു​ദ്ധി​മു​ട്ടാ​യി.

അ​പേ​ക്ഷ ന​ൽ​കി​യ​ത് ടോ​ഫ​ൽ കമ്പനി

ഇ​ല​ക്‌ട്രോണി​ക്സ് പാ​ർ​ക്ക് തു​ട​ങ്ങു​ന്ന​തി​ലേ​ക്ക് ര​ണ്ടു​വ​ർ​ഷം മു​ന്പാ​ണ് സ​ർ​ക്കാ​രി​ന് അ​പേ​ക്ഷ ല​ഭി​ച്ച​ത്. ടോ​ഫ​ൽ എ​ന്ന പേ​രി​ലു​ള്ള ക​ന്പ​നി​യാ​ണ് അ​പേ​ക്ഷ ന​ൽ​കി​യ​ത്. വ്യോ​മ​യാ​ന രം​ഗ​ത്തുനി​ന്നു കെ​ജി​എ​സ് ഗ്രൂ​പ്പ് പി​ൻ​മാ​റി​യ​താ​യും നി​ല​വി​ൽ ഇ​ല​ക്‌ട്രോണി​ക്സ് വ്യ​വ​സാ​യ മേ​ഖ​ല​യി​ലാ​ണെ​ന്നും വ്യ​ക്ത​മാ​ക്കു​ക​യും ചെ​യ്തി​രു​ന്നു.

ത​ണ്ണീ​ർ​ത്ത​ട​ങ്ങ​ളും നെ​ൽ​വ​യ​ലു​ക​ളും അ​ട​ങ്ങി​യ പ്ര​ദേ​ശ​ത്ത് വ്യ​വ​സാ​യം തു​ട​ങ്ങാ​ൻ സ​ർ​ക്കാ​രി​ന്‍റെ വ്യ​വ​സാ​യ ന​യ​ത്തി​ൽത്ത​ന്നെ ഇ​ള​വു​ക​ൾ ആ​വ​ശ്യ​മാ​ണ്. ഒ​രേ​ക്ക​ർ സ്ഥ​ല​ത്ത് 10 കോ​ടി രൂ​പ നി​ക്ഷേ​പ​വും നിരവധിപ്പേ​ർ​ക്കു തൊ​ഴി​ലും ന​ൽ​കു​ന്ന പ​ദ്ധ​തി​യാ​ണെ​ങ്കി​ൽ സ​ർ​ക്കാ​രി​നു പ​രി​ശോ​ധി​ച്ച​ശേ​ഷം വ​യ​ലും ത​ണ്ണീ​ർ​ത്ത​ട​വും നി​ക​ത്തു​ന്ന​തി​ൽ ഇ​ള​വു ന​ൽ​കാ​മെ​ന്നാ​ണ് വ്യ​വ​സ്ഥ.

122.52 ഹെ​ക്ട​ർ ഭൂ​മി​യി​ലാ​ണ് പ​ദ്ധ​തി തു​ട​ങ്ങാ​ൻ ല​ക്ഷ്യ​മി​ട്ടി​രു​ന്ന​ത്. അ​പേ​ക്ഷ​യി​ൽ പ​റ​ഞ്ഞി​രി​ക്കു​ന്ന ഭൂ​മി​യി​ൽ 80 ശ​ത​മാ​ന​വും വ​യ​ലാ​ണെ​ന്നാ​ണ് ക​ണ്ടെ​ത്ത​ൽ. ഇ​തി​ൽ 21.6 ഹെ​ക്ട​ർ മാ​ത്ര​മാ​ണ് ക​ര​ഭൂ​മി. നേ​ര​ത്തേ വി​മാ​ന​ത്താ​വ​ള​ത്തി​നുവേ​ണ്ടി നി​ക​ത്തി​യെ​ടു​ത്ത ഭൂ​മി ഉ​ൾ​പ്പെ​ടെ​യാ​ണി​ത്.

ബാ​ക്കി സ്ഥ​ലം വ​യ​ലാ​യ​തി​നാ​ൽ വെ​ള്ള​ക്കെ​ട്ട് ഉ​ണ്ടാ​കാ​നു​ള്ള സാ​ധ്യ​ത​യു​ണ്ടെ​ന്നും ക​ള​ക്ട​ർ റി​പ്പോ​ർ​ട്ട് ന​ല്കി​യി​രു​ന്നു. വെ​ള്ള​ക്കെ​ട്ട് ഒ​ഴി​വാ​ക്കു​ന്ന പ​ദ്ധ​തി​ക​ൾ മാ​ത്രം ആ​സൂ​ത്ര​ണം ചെ​യ്യാ​വു​ന്ന പ്ര​ദേ​ശ​മാ​ണി​തെ​ന്നും റി​പ്പോ​ർ​ട്ടി​ൽ പ​റ​യു​ന്നു.

Tags : Local News Nattuvishesham Pathanamthitta