അമ്പലപ്പുഴ: അമ്പലപ്പുഴയിൽ ലഹരിവിരുദ്ധ സ്ക്വാഡിനെ ആക്രമിച്ച കേസിൽ രണ്ടു പേർ പിടിയിൽ. വളഞ്ഞവഴി പിവി ജംഗ്ഷനു സമീപം കഴിഞ്ഞദിവസം വൈകുന്നേരം എൻഡിപിഎസ് വിവരശേഖരണത്തിനെത്തിയ ജില്ലാ ലഹരിവിരുദ്ധ സ്ക്വാഡ് അംഗങ്ങളെയാണ് ഒരു കുട്ടം ആൾക്കാർ ഉപദ്രവിച്ചത്.
അമ്പലപ്പുഴ പോലീസ് സ്ഥലത്തെത്തി പോലീസുകാരെ രക്ഷിച്ച് അവിടെ വാടകയ്ക്ക് താമസിക്കുന്ന പല്ലന പാനൂർ സ്വദേശി അൻസിൽ എന്ന യുവാവിനെ രണ്ടു ഗ്രാം എംഡിഎംഎയും നിരവധി സിറിഞ്ചുമായി പിടികൂടുകയും ചെയ്തു. ഇയാൾ നേരത്തെ തൃക്കുന്നപ്പുഴ, ഹരിപ്പാട് പോലീസ് സ്റ്റേഷനുകളിൽ ഒട്ടേറെ കേസുകളിൽ പ്രതിയാണ്. വിവരങ്ങൾ ആരാഞ്ഞ ലഹരി വിരുദ്ധ സ്ക്വഡ് അംഗങ്ങളെ സ്ഥലത്തെത്തിയ ഷിയാസ്, അൻസിഫ് എന്നിവർ ചേർന്ന് ചീത്തവിളിക്കുകയും ആക്രമിക്കുകയും ചെയ്തു.
ഇവരിൽ അമ്പലപ്പുഴ കക്കാഴം പുത്തൻപറമ്പ് വീട്ടിൽ അൻസി രാജ (37), അമ്പലപ്പുഴ കക്കാഴം പുതുവൽ വീട്ടിൽ അസ്ഹർ (32) എന്നിവരെ ഇന്നലെ വെളുപ്പിന് പോലീസ് പിടികുടി.
Tags : nattu vishesham Arrested in Ambalappuzha for attacking anti-drunk squad