പുൽപ്പള്ളിയിൽ നടന്ന ലക്ഷ്യ നേതൃത്വ പരിശീലന ക്യാന്പ് കെ.എൽ. പൗലോസ് ഉദ്ഘാടനം ചെയ്യുന്നു.
പുൽപ്പള്ളി: സമസ്ത മേഖലകളും തകർത്ത് ധൂർത്തും അഴിമതിയും ഗുണ്ടാവിളയാട്ടവുംമൂലം ഗുരുതരമായ സാഹചര്യങ്ങളാണ് എൽഡിഎഫ് സൃഷ്ടിച്ചിരിക്കുന്നതെന്ന് കെ.എൽ. പൗലോസ്. ഭീകരമായ വിലക്കയറ്റം, ശബരിമല സ്വർണ കൊള്ള, ക്രമസമാധാന തകർച്ച എന്നിവയെല്ലാം ചേർന്ന് കേരളത്തെ ചെകുത്താന്റെ നാടാക്കി മാറ്റിയിരിക്കയാണ്. മാർക്കിസ്റ്റ് പാർട്ടിയെ സ്വന്തം അമ്മയെ പോലെ സ്നേഹിച്ചിരുന്നവർ പോലും ആ പാർട്ടി അന്യംനിന്നു പോകാതിരിക്കാൻ പിണറായി സർക്കാരിനെ മാറ്റാൻ ആഗ്രഹിക്കുകയാണെന്ന് കെപിസിസി ജനറൽ സെക്രട്ടറി കെ.എൽ. പൗലോസ് പറഞ്ഞു.
ലക്ഷ്യ 2026 നേതൃത്വ പരിശീലന ക്യാമ്പ് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. മണ്ഡലം പ്രസിഡന്റ് പി.ഡി. ജോണി അധ്യക്ഷത വഹിച്ചു. ഐ.സി. ബാലകൃഷ്ണൻ എംഎൽഎ മുഖ്യപ്രഭാഷണം നടത്തി. കെപിസിസി അംഗം കെ.ഇ. വിനയൻ വിഷയാവതരണം നടത്തി. ഡി.പി. രാജശേഖരൻ, ടി.എസ്. ദിലീപ് കുമാർ, എൻ.യു. ഉലഹന്നാൻ, ബീന ജോസ്, വർഗീസ് മുരിയൻകാവിൽ, ഉമ്മർ കുണ്ടാട്ടിൽ, റെജി പുളിങ്കുന്നേൽ, ടി.പി. ശശിധരൻ, കെ.ജി. ബാബു, സി.പി. കുര്യാക്കോസ് എന്നിവർ പ്രസംഗിച്ചു.
Tags : Local News Nattuvishesham Wayanad