വിജയിച്ച സിഡിഎസ് അംഗങ്ങൾ കൃഷി ഓഫീസിന് മുന്നിലെത്തി പ്രതിഷേധിക്കുന്നു.
വണ്ടൂർ: വണ്ടൂർ പഞ്ചായത്ത് കുടുംബശ്രീ സിഡിഎസ് തെരഞ്ഞെടുപ്പ് വരണാധികാരിയായ വണ്ടൂർ കൃഷി ഓഫീസർ അട്ടിമറിക്കാൻ ശ്രമം നടത്തിയെന്ന് യുഡിഎഫ് അംഗങ്ങളുടെ പരാതി. ഇതേത്തുടർന്ന് തെരഞ്ഞെടുപ്പിന് ശേഷം വിജയിച്ച മുഴുവൻ സിഡിഎസ് അംഗങ്ങളും കൃഷി ഓഫീസിനു മുന്നിലെത്തി പടക്കം പൊട്ടിച്ച് പ്രതിഷേധിച്ചു.
ഇന്നലെ വൈകുന്നേരം നാലുമണിയോടെയാണ് വിജയിച്ച മുഴുവൻ അംഗങ്ങളും പ്രകടനമായി കൃഷി ഓഫീസിന് മുന്നിലെത്തിയത്. വരണാധികാരിയായ കൃഷി ഓഫീസർ എൽഡിഎഫിന് അനുകൂലമായി നിലപാടെടുത്തു എന്നതാണ് ഇവരുടെ പരാതി. ഇതിൽ പ്രതിഷേധിച്ചാണ് അംഗങ്ങൾ പ്രകടനമായി കൃഷി ഓഫീസിനു മുന്നിലെത്തിയത്. തുടർന്നാണ് പടക്കം പൊട്ടിച്ച് പ്രതിഷേധിച്ചത്.
വരണാധികാരി തെരഞ്ഞെടുപ്പ് അട്ടിമറിക്കാൻ ശ്രമിച്ചതായി കോണ്ഗ്രസ് മണ്ഡലം പ്രസിഡന്റ് പി.ടി. ജബീബ് സുക്കീർ ആരോപിച്ചു. ഇന്ന് രാവിലെ പത്തിനാണ് സത്യപ്രതിജ്ഞാ ചടങ്ങ്.
Tags : Local News Nattuvishesham Malappuram