നീലേശ്വരം: പടന്നക്കാട് നെഹ്റു ആർട്സ് ആൻഡ് സയൻസ് കോളജ് ബോട്ടണി വിഭാഗത്തിന്റെ ആഭിമുഖ്യത്തിൽ ജൈവ വൈവിധ്യ സംരക്ഷണവും കാർബൺ ന്യൂട്രാലിറ്റിയും എന്ന വിഷയത്തിൽ ദിദ്വിന ശില്പശാല സംഘടിപ്പിച്ചു. കോളജ് അഡ്മിനിസ്ട്രേറ്റീവ് ഓഫീസർ ഡോ. കെ.വി. മുരളി ഉദ്ഘാടനം പെയ്തു. പ്രിൻസിപ്പൽ ഡോ. ടി. ദിനേശ് അധ്യക്ഷത വഹിച്ചു.
ഹരിത കേരള മിഷൻ ജില്ലാ കോ-ഓർഡിനേറ്റർ കെ. ബാലകൃഷ്ണൻ, ഡോ. അഗ്രീഷ്യസ്, ശരണ്യ പ്രദീപ്, ഡോ. സുബ്രഹ്മണ്യ പ്രസാദ് എന്നിവർ പ്രസംഗിച്ചു. സസ്യ ജൈവവൈവിധ്യം, ജന്തുവൈവിധ്യം എന്നിവയുമായി ബന്ധപ്പെട്ട് കാലിക്കറ്റ് സർവകലാശാലയിലെ ഡോ. എ.കെ. പ്രദീപ്, ഡോ. സന്ദീപ് ദാസ് എന്നിവരും കാർബൺ ന്യൂട്രാലിറ്റി എന്ന വിഷയത്തിൽ കണ്ണൂർ സർവകലാശാല പരിസ്ഥിതിശാസ്ത്ര വിഭാഗം മേധാവി ഡോ. കെ. മനോജും ക്ലാസെടുത്തു. ശില്പശാലയുടെ ഭാഗമായി പ്രകൃതിപഠന യാത്രയും നടത്തി. കരിന്തളം ഗവ. കോളജ്, കാഞ്ഞങ്ങാട് ദുർഗ ഹയർ സെക്കൻഡറി സ്കൂൾ എന്നിവിടങ്ങളിൽ നിന്നുള്ള വിദ്യാർഥികളും ശില്പശാലയിൽ പങ്കെടുത്തു.