പിലിക്കോട് കാർഷിക ഗവേഷണ കേന്ദ്രത്തിൽ നടക്കുന്ന ജൈവവൈവിധ്യ ശില്പശാലയിൽ ഗവേഷണ കേന്ദ്രം മേധാവി ഡോ. ടി. വനജ വിഷയാവതരണം നടത്തുന്നു.
പിലിക്കോട്: ഉത്തരമേഖല കാർഷിക ഗവേഷണ കേന്ദ്രത്തിൽ നടക്കുന്ന ഫാം കാർണിവലിന്റെ ഭാഗമായി സംസ്ഥാന ജൈവവൈവിധ്യ ബോർഡിന്റെ സഹകരണത്തോടെ ജൈവവൈവിധ്യ സംരക്ഷണ ശില്പശാല നടത്തി.
സംസ്ഥാന ജൈവവൈവിധ്യ ബോർഡ് മെംബർ സെക്രട്ടറി ഡോ. വി. ബാലകൃഷ്ണൻ ഓൺലൈനായി ഉദ്ഘാടനം ചെയ്തു. കാർഷിക ഗവേഷണ കേന്ദ്രം മേധാവി ഡോ. ടി. വനജ അധ്യക്ഷത വഹിച്ചു.
അസോസിയേറ്റ് പ്രഫ. പി.കെ. രതീഷ്, അസിസ്റ്റന്റ് പ്രഫ. ഡോ. കെ.വി. സുമേഷ്, ഡോ. വി. നിഷലക്ഷ്മി, എം. വിനയൻ എന്നിവർ പ്രസംഗിച്ചു. ജൈവവൈവിധ്യ ഗവേഷകൻ വി.സി. ബാലകൃഷ്ണൻ, ജൈവ വൈവിധ്യ ബോർഡ് ജില്ല കോ-ഓർഡിനേറ്റർ വി.എം. അഖില, ഡോ. ടി. വനജ എന്നിവർ ക്ലാസെടുത്തു.
കണ്ണൂർ-കാസർഗോഡ് ജില്ലകളിൽ നിന്നെത്തിയ കർഷകരും വിദ്യാർഥികളും വിവിധ ബിഎംസികളിലെ അംഗങ്ങളും പങ്കെടുത്തു.