കുടക്കച്ചിറ: പാലാ-ഉഴവൂര്-മോനിപ്പള്ളി റൂട്ടില് രാത്രിയാത്രക്കാര്ക്ക് ഏറെ ഗുണകരമായിരുന്ന കെഎസ്ആര്ടിസി സർവീസ് പുനരാരംഭിക്കണമെന്ന് ആവശ്യമുയരുന്നു.
പാലായില്നിന്നു രാത്രി 9.30 ആരംഭിച്ച് മോനിപ്പള്ളിയിലവസാനിച്ച് തിരികെ രാവിലെ പിറവംചെന്ന് അവിടെനിന്നു പാലായ്ക്കായിരുന്നു സര്വീസ്. കോവിഡ് കാലത്ത് സര്വീസ് അവസാനിപ്പിക്കുകയായിരുന്നു. ഈ റൂട്ടിൽ പാലായിൽ നിന്നുള്ള അവസാന ബസായിരുന്നു. ഇപ്പോൾ വൈകുന്നേരം ഏഴിനു ശേഷം ഈ റൂട്ടിൽ ബസ് സർവീസില്ല. പാലാ, കൂത്താട്ടുകുളം, പിറവം കെഎസ്ആർടിസി ഡിപ്പോകളിലെ നിരവധി ബസുകൾ പാലായിലേക്ക് സർവീസ് നടത്തുന്നുണ്ടെങ്കിലും പാലാ-വലവൂർ-കുടക്കിച്ചിറ-ഉഴവൂർ റൂട്ടിനെ അവഗണിക്കുകയാണ്.
മോനിപ്പള്ളി ബസ് പുനരാരംഭിക്കുന്നതോടൊപ്പം ഈ റൂട്ടിൽ കൂടുതൽ കെഎസ്ആർടിസി ബസുകൾ അനുവദിക്കണമെന്ന ആവശ്യമുയർന്നിട്ടുണ്ട്. റൂട്ടിലെ രാത്രി യാത്രാദുരിതം അവസാനിപ്പിക്കാന് നടപടി സ്വീകരിക്കണമെന്ന് കുടക്കച്ചിറ അഡോണ് ചാരിറ്റബിള് സൊസൈറ്റി ആവശ്യപ്പെട്ടു.
Tags : Bus service nattuvishesham local news