തൃശൂർ: വണ്ടാനം മെഡിക്കൽ കോളജിലെ ചികിത്സാപ്പിഴവിൽ പ്രതിഷേധിച്ച് തൃശൂർ ഡിഎംഒ ഓഫീസിനു മുന്നിലേക്കുനടന്ന യൂത്ത് കോണ്ഗ്രസ് മാർച്ചിൽ നേരിയ സംഘർഷം. പ്രവർത്തകരെ പോലീസ് അറസ്റ്റുചെയ്തു നീക്കി.
വണ്ടാനത്തെ സംഭവത്തിൽ സർക്കാരിന്റെയും ആരോഗ്യവകുപ്പിന്റെയും ഗുരുതരവീഴ്ചയിൽ പ്രതിഷേധിച്ചും മന്ത്രി വീണാ ജോർജ് രാജിവയ്ക്കണമെന്ന് ആവശ്യപ്പെട്ടുമാണ് യൂത്ത് കോണ്ഗ്രസ് ജില്ലാ കമ്മിറ്റി മാർച്ച് നടത്തിയത്. മാർച്ച് പോലീസ് തടഞ്ഞതോടെ ഡിഎംഒ ഓഫീസ് ഗേറ്റിൽ റീത്ത് വയ്ക്കാൻ പ്രവർത്തകർ ശ്രമിച്ചു. പോലീസ് അതു തടയാൻ ശ്രമിച്ചതാണു സംഘർഷത്തിൽ കലാശിച്ചത്.
തുടർന്നുനടന്ന ധർണയിൽ യൂത്ത് കോണ്ഗ്രസ് ജില്ലാ പ്രസിഡന്റ് ഹരീഷ് മോഹൻ അധ്യക്ഷത വഹിച്ചു. സംസ്ഥാന ജനറൽ സെക്രട്ടറി മിഥുൻ മോഹൻ, സംസ്ഥാനസെക്രട്ടറി അഡ്വ. സുഷിൽ ഗോപാൽ, ജില്ലാ വൈസ് പ്രസിഡന്റുമാരായ വിഷ്ണു ചന്ദ്രൻ, കെ.പി. സൂരജ് തുടങ്ങിയവർ നേതൃത്വം നൽകി.
Tags : nattu vishesham Clashes Youth Congress