മഞ്ചേരി: നിയമസഭാ തെരഞ്ഞെടുപ്പോടെ കമ്മ്യൂണിസ്റ്റ് പാർട്ടി ഇല്ലാതാകുമെന്ന് മുസ്ലിം യൂത്ത് ലീഗ് ദേശീയ ജനറൽ സെക്രട്ടറി ടി.പി.അഷ്റഫലി.
സ്റ്റേറ്റ് എംപ്ലോയീസ് യൂണിയൻ (എസ്ഇയു) സംസ്ഥാന പ്രസിഡന്റ് മുഹമ്മദ് നയിക്കുന്ന അവകാശ സംരക്ഷണയാത്രയ്ക്ക് മഞ്ചേരിയിൽ നൽകിയ സ്വീകരണം ഉദ്ഘാടനം ചെയ്യുകയായിരുന്നു അദ്ദേഹം.
എസ്ഇയു ജില്ലാ ട്രഷറർ സി. അബ്ദുൾ ഷരീഫ് അധ്യക്ഷത വഹിച്ചു. പങ്കാളിത്തപെൻഷൻ പദ്ധതി പിൻവലിക്കുക, ശന്പള പരിഷ്കരണം നടപ്പാക്കുക, ക്ഷാമബത്ത കുടിശിക അനുവദിക്കുക തുടങ്ങിയ ആവശ്യങ്ങൾ ഉന്നയിച്ചാണ് യാത്ര നടത്തുന്നത്.
യൂത്ത് ലീഗ് മഞ്ചേരി മണ്ഡലം പ്രസിഡന്റ് സജറുദ്ദീൻ മൊയ്തു, അർബൻ ബാങ്ക് എംപ്ലോയീസ് ഓർഗനൈസേഷൻ സംസ്ഥാന ജനറൽ സെക്രട്ടറി സക്കീർ വല്ലാഞ്ചിറ, എസ്ഇയു സംസ്ഥാന ഭാരവാഹികളായ കെ. അബ്ദുൾ ബഷീർ, സി. ലക്ഷ്മണൻ, ഹമീദ് കുന്നുമ്മൽ, വി.പി. സമീർ, സലീം കാസർഗോഡ്, സെക്രട്ടേറിയറ്റ് അംഗങ്ങളായ അലി കരുവാരകുണ്ട്, സലീം ആലിക്കൽ തുടങ്ങിയവർ പ്രസംഗിച്ചു.
Tags : nattru vishesham Communist Party Legislative Assembly