കോന്നി ബ്ലോക്ക് കമ്മിറ്റിയുടെ നേതൃത്വത്തിൽ നടത്തിയ പ്രതിഷേധ പ്രകടനവും ജനകീയ വിചാരണയും കെപിസിസി ജനറൽ സെക്രട്ടറി കറ്റാനം ഷാജി ഉദ്ഘാടനം ചെയ്യുന്നു.
കോന്നി: ശബരിമല സ്വർണക്കൊള്ളയിൽ മുഖ്യമന്ത്രിയുടെ പങ്ക് വ്യക്തമാകുന്ന സാഹചര്യത്തിൽ എസ്ഐറ്റിയുമായി സിപിഎം ഗൂഢാലോചന നടക്കുന്നതായി സംശയിക്കേണ്ടിരിക്കുന്നുവെന്ന് കെപിസിസി ജനറൽ സെക്രട്ടറി കറ്റാനം ഷാജി. ഇന്ത്യൻ നാഷണൽ കോൺഗ്രസ് കോന്നി ബ്ലോക്ക് കമ്മിറ്റിയുടെ നേതൃത്വത്തിൽ നടത്തിയ പ്രതിഷേധ പ്രകടനവും ജനകീയ വിചാരണയും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.
അതിന്റെ ഭാഗമായാണ് കൂടെ നിന്ന് ഫോട്ടോ എടുത്തതിന്റെ പേരിൽ അടൂർ പ്രകാശ് എംപിയെ ഉൾപ്പെടെ അന്വേഷണത്തിന്റെ പരിധിയിൽ കൊണ്ടുവരാൻ ആസൂത്രിത നീക്കം നടത്തുന്നതെന്നും കറ്റാനം ഷാജി കൂട്ടിച്ചേർത്തു.
ബ്ലോക്ക് കമ്മിറ്റി പ്രസിഡന്റ് പ്രവീൺ പ്ലാവിളയിൽ അധ്യക്ഷത വഹിച്ചു. റോബിൻ പീറ്റർ, എസ്.സന്തോഷ് കുമാർ, ചിറ്റൂർ ശങ്കർ, എലിസബത്ത് അബു, എസ്.വി. പ്രസന്നകുമാർ, റെജി പൂവത്തൂർ, മാത്യു ചെറിയാൻ, എം.വി. ഫിലിപ്പ്, ഏബ്രഹാം വാഴയിൽ, റോജി എഏബ്രഹാം, ജി.ശ്രീകുമാർ, ശ്യാം എസ്. കോന്നി, മോഹനൻ മുല്ലപ്പറമ്പിൽ,
ബിനി ലാൽ, രേഷ്മ, സജിത, രാജീവ് മള്ളൂർ, സൗദ റഹിം, പ്രിയ എസ്. തമ്പി, സജീവ് കലഞ്ഞൂർ, കെ.ആർ. പ്രമോദ്, ആശ സജി തോമസ് കാലായിൽ, ജി.ജോൺ, റോബിൻ മോൻസി, ദിലീപ് അതിരുങ്കൽ, ജയപ്രകാശ് കോന്നി, ബിനു മരുതിമൂട്, ചിത്ര രാമചന്ദ്രൻ, ജസ്റ്റിൻ തരകൻ എന്നിവർ പ്രസംഗിച്ചു.