എരുമേലി: റോഡിന്റെ വശങ്ങൾ കോൺക്രീറ്റ് ചെയ്യുന്നതിനുള്ള നിർമാണങ്ങൾ കനകപ്പലം മുതൽ മുക്കട വരെ എരുമേലി - റാന്നി റോഡിൽ തുടങ്ങി. എരുമേലി ടൗൺ റോഡിൽ പോലീസ് സ്റ്റേഷൻ കെഎസ്ഇബി ജംഗ്ഷനിൽ വെള്ളക്കെട്ട് പരിഹാര നിർമാണങ്ങളും ആരംഭിച്ചു. ഇവിടെ റോഡിന്റെ വശത്തുള്ള ഓടകളിലെ സ്ലാബുകൾ ഇളക്കിമാറ്റിയാണ് ഓടകളിൽ അടിഞ്ഞുകൂടിയ മണ്ണ് നീക്കി നവീകരണം നടത്തുന്നതെന്ന് മരാമത്ത് അധികൃതർ അറിയിച്ചു.
പോലീസ് സ്റ്റേഷൻപടി മുതൽ ഫോറസ്റ്റ് റേഞ്ച് ഓഫീസ് വരെയാണ് ഓടയിൽ വെള്ളം ഒഴുകിപ്പോകുന്നതിനുള്ള നിർമാണങ്ങൾ നടത്തുന്നത്. പോലീസ് സ്റ്റേഷൻപടിയിലെ കലുങ്ക് വഴി റോഡിന് എതിർവശത്ത് വലിയ തോട്ടിലാണ് ഓട എത്തുന്നത്. മഴക്കാലത്ത് വെള്ളം ഒഴുകിപ്പോകാതെ ഓടയിൽ കെട്ടിക്കിടന്നാണ് റോഡിൽ വെള്ളക്കെട്ടായി മാറിയിരുന്നത്.
എരുമേലി-റാന്നി റോഡിൽ കനകപ്പലം മുതൽ മുക്കട വരെയുള്ള എരുമേലി പൊതുരാമത്ത് സെക്ഷൻ പരിധിയിൽ റോഡിന്റെ വശങ്ങൾ വനത്തിനോട് ചേർന്നാണ്.
വിജനമായ വനപാതയായ ഇവിടെ മഴക്കാലത്ത് കാടുകൾ നിറഞ്ഞ നിലയിലാണ് റോഡിന്റെ വശങ്ങൾ. ഇവിടം തെളിച്ച് കോൺക്രീറ്റ് ചെയ്യുന്ന ജോലികളാണ് ആരംഭിച്ചത്.
Tags : nattu visheshsam Erumely-Ranni Road Construction work