പുതുയുഗ യാത്രയുടെ മുന്നോടിയായി സംഘടിപ്പിച്ച യുഡിഎഫ് ചാത്തന്നൂർ നിയോജക മണ്ഡലം കൺവൻഷൻ എൻ.കെ.പ്രേമചന്ദ്രൻ എംപി ഉദ്ഘാടനം ചെയ്യുന്നു.
ചാത്തന്നൂർ: കേരളത്തിൽ വർഗീയത ആളി കത്തിച്ച് ജനങ്ങളെ ഭിന്നിപ്പിച്ച് അധികാരം പിടിക്കാനാണ് സിപിഎം ശ്രമിക്കുന്നതെന്ന് എൻ.കെ.പ്രേമചന്ദ്രൻ എം പി. 600 കോടിയുടെ ഇ എസ് ഐ മെഡിക്കൽ കോളജ് കൊല്ലത്തിന് നഷ്ടപ്പെടുത്തിയ പിണറായി സർക്കാർ തൊഴിലാളി വിരുദ്ധ നിലപാട് ആണ് സ്വീകരിച്ചതെന്നും എൻ.കെ.പ്രേമചന്ദ്രൻ പറഞ്ഞു. മാർച്ച് രണ്ടിന് ചാത്തന്നൂരിൽ എത്തുന്ന പ്രതിപക്ഷ നേതാവ് വി. ഡി. സതീശൻ നയിക്കുന്ന പുതുയുഗ യാത്രയുടെ മുന്നോടിയായി സംഘടിപ്പിച്ച യു ഡി എഫ് ചാത്തന്നൂർ നിയോജക മണ്ഡലം കൺവൻഷൻ ഉദ്ഘാടനം ചെയ്യുകയായിരുന്നു എംപി.
ഭൂരിപക്ഷ വർഗീയതയെയും നൂനപക്ഷ വർഗീയതയെയും യുഡിഎഫ് ശക്തമായി എതിർക്കും. വിശ്വാസികളല്ലാത്തവർ ക്ഷേത്രങ്ങളുടെ ഭരണം കയ്യാളുമ്പോൾ അവരുടെ കണ്ണ് ക്ഷേത്രങ്ങളുടെ സ്വത്തിൽ മാത്രമാണെന്നും അതാണ് ശബരിമലയിൽ കണ്ടതെന്നും അദ്ദേഹം തുടർന്ന് പറഞ്ഞു. തകർന്ന കേരളത്തിലെ സമ്പദ് വ്യവസ്ഥയെ കൈ പിടിച്ചുയർത്താൻ പുതിയ പദ്ധതിയുമായിട്ടാണ് യു ഡി എഫ് തെരഞ്ഞെടുപ്പിനെ നേരിടാനൊരുങ്ങുന്നതെന്നും പ്രേമചന്ദ്രൻ പറഞ്ഞു.
യുഡിഎഫ് നിയോജക മണ്ഡലം ചെയർമാൻ പരവൂർ സജീബ് അധ്യക്ഷത വഹിച്ച യോഗത്തിൽ മുസ്ലീം ലീഗ് ജില്ലാ പ്രസിഡന്റ് നൗഷാദ് യൂനുസ്, യു ഡി എഫ് ജില്ലാ കൺവീനർ ജി.രാജേന്ദ്രപ്രസാദ് , വി.എച്ച് .സത്ജിത്ത്, നെടുംങ്ങോലം രഘു, എസ്.ശ്രീലാൽ ,എൻ.ഉണ്ണികൃഷ്ണൻ, സുഭാഷ് പുളിക്കൽ ,ശാലു.വി.ദാസ് , ലതാ മോഹൻദാസ്, പരവൂർ രമണൻ ,പ്രദീഷ് കുമാർ,എ. ഷുഹൈബ്,ചാത്തന്നൂർ മുരളി,ബിജു പാരിപള്ളി, സിസിലി സ്റ്റീഫൻ,രാജു ചാവടി, ടി.എം ഇക്ബാൽ,ചാത്തന്നൂർ റഹിം,വരിഞ്ഞം സുരേഷ് ബാബു എന്നിവർ പ്രസംഗിച്ചു.
Tags : Local News Nattuvishesham Kollam