കോഴിക്കോട്: പോലീസില് ക്രിമിനല് ഗുണ്ടാ സംഘത്തെ വളര്ത്താന് മുഖ്യമന്ത്രി പിണറായി വിജയന് ശ്രമിക്കുകയാണെന്നും ഷാഫി പറമ്പില് എം.പിയെ ലാത്തി കൊണ്ട് മൂക്ക് അടിച്ചു തകര്ത്ത സി.ഐ. അഭിലാഷ് ഡേവിഡിനെ സര്ക്കാര് സംരക്ഷിക്കുകയാണെന്നും മഹിള കോണ്ഗ്രസ് സംസ്ഥാന പ്രസിഡന്റ് ജെബി മേത്തര് എംപി വാര്ത്താസമ്മേളനത്തില് പറഞ്ഞു.
മഹിള കോണ്ഗ്രസിന്റെ ഞങ്ങള് തയ്യാര് പരിപാടി ഉദ്ഘാടനം ചെയ്തു സംസാരിക്കുകയായിരുന്നു അവര്. അഭിലാഷ് ഡേവിഡിനെതിരെ പരാതി ഉന്നയിച്ചിട്ടും ഇതുവരെ നടപടിയെടുത്തിട്ടില്ല. പൊതു പ്രവര്ത്തകരെയും ജനപ്രതിനിധികളെയും അടിച്ചൊതുക്കാനുള്ള ലൈസന്സ് പോലീസിന് പിണറായി നല്കിയിരിക്കുകയാണ്. ക്രിമിനല് ഗുണ്ടാ സംഘങ്ങളുമായി നിരന്തരം ബന്ധമുള്ള അഭിലാഷിനെ രണ്ടു വര്ഷം മുമ്പ് സേനയില് നിന്ന് പിരിച്ചു വിടാന് ഉത്തരവായെങ്കിലും മുഖ്യമന്ത്രിയുടെ ഓഫീസ് ഇടപെട്ട് തടയുകയായിരുന്നു. മുഖ്യമന്ത്രിക്ക് ക്രിമിനലുകളുമായുള്ള ബന്ധമാണ് ഇത് തെളിയിക്കുന്നതെന്നും അവര് പറഞ്ഞു.
ജില്ലാ പ്രസിഡന്റ് ഗൗരി പുതിയോത്ത് അധ്യക്ഷത വഹിച്ചു. ഡിസിസി പ്രസിഡന്റ് കെ പ്രവീണ് കുമാര്, കെപിസിസി ജനറല് സെക്രട്ടറി വിദ്യ ബാലകൃഷ്ണന്, രാധ ഹരിദാസ്, സന്ധ്യ കരണ്ടോട്, ബേബി പയ്യാനക്കല്, ബിന്ദു കൃഷ്ണ, ബാബു ഒഞ്ചിയം, എന്. ഷറില് ബാബു, തങ്കമണി, ചിന്നമ്മ എന്നിവര് പ്രസംഗിച്ചു.