മാന്നാർ: ഇടിമിന്നലിൽ എണ്ണയ്ക്കാട് വ്യാപക നാശനഷ്ടം. വൃക്ഷങ്ങളും വൈദ്യുത മീറ്ററും വൈദ്യുത ഉപകരണങ്ങളും കത്തി നശിച്ചു. എണ്ണക്കാട് ഉണ്ണികൃഷ്ണൻ നായരുടെ വീടിനു പിന്നിൽനിന്ന തെങ്ങിനു മിന്നലേറ്റു.
30 അടി നീളത്തിൽ തെങ്ങ് കത്തുകയും പൊട്ടിക്കീറുകയും ചെയ്തു. വൈദ്യുതി മീറ്റർ, മൂന്ന് ഫാൻ, ടിവി, ട്യൂബ്ലൈറ്റുകൾ, മറ്റുപകരണങ്ങൾഇവയ്ക്കും കേടുപാടുകൾ സംഭവിച്ചു. ഉണ്ണികൃഷ്ണൻ നായരുടെ ഭാര്യ സീമാകുമാരി ഈ സമയത്ത് വീടിനു പുറത്തു നിൽക്കുകയായിരുന്നു. ഓടി വീട്ടിൽ കയറിയതിനാൽ അപകടത്തിൽ പെട്ടില്ല. സർവീസ് വയറും തീകത്തി നശിച്ചു. അരലക്ഷം രൂപയുടെ നഷ്ടം കണക്കാക്കുന്നു.
Tags : local nattuvishesham lightning