കരുവാരകുണ്ട്: തുവൂർ- ഐലാശേരി കമാനം ടിപ്പുസുൽത്താൻ റോഡിലെ അപകട ഭീഷണിയായ ഹന്പ് പൊളിച്ചുമാറ്റി. അശാസ്ത്രീയമായി ഹന്പ് നിർമിച്ചതിനാൽ വാഹനാപകടങ്ങൾക്കിടയാക്കുന്നത് കണക്കിലെടുത്താണ് നടപടി. വാഹനയാത്രക്കാർക്ക് അപകടഭീഷണിയായ ഹന്പിനെക്കുറിച്ച് ദീപിക വാർത്ത നൽകിയിരുന്നു.
ഇതിന് തൊട്ടുപിന്നാലെയാണ് പൊളിച്ചുനീക്കാൻ നടപടിയായത്. യാതൊരുവിധ മുൻകരുതലുകളോ മാനദണ്ഡങ്ങളോ പാലിക്കാതെ ഉയരം കൂട്ടി നിർമിച്ച ഹന്പ് അപകടങ്ങൾക്കും യാത്രാ ബുദ്ധിമുട്ടിനും കാരണമാകുന്നതായും സൂചനാബോർഡുകൾ സ്ഥാപിക്കാത്തതും യാത്രക്കാരും പ്രദേശവാസികളും പരാതിയായി ഉന്നയിച്ചിരുന്നു.
Tags : nattu vishesham Dangerous hump