കോ​ഴ​ഞ്ചേ​രി: വേ​ന​ല്‍​ക്കാ​ല​ത്ത് പ​മ്പാ​ന​ദി​യി​ല്‍ വെ​ള്ളം കു​റ​വെ​ങ്കി​ലും ക​ട​വു​ക​ള്‍ പ​ല​തും അ​പ​ക​ട​ക്കെ​ണി​ക​ളാ​ണ്. ഇ​തു മ​ന​സി​ലാ​ക്കാ​തെ ന​ദി​യി​ലേ​ക്ക് ഇ​റ​ങ്ങു​ന്ന​വ​രാ​ണ് അ​പ​ക​ട​ത്തി​ല്‍​പ്പെ​ടു​ന്ന​ത്. മ​ണ​ല്‍​ത്തി​ട്ട​ക​ളാ​യി തോ​ന്നി​ക്കു​ന്ന പ​ല സ്ഥ​ല​ങ്ങ​ളി​ലും ആ​ഴ​മേ​റി​യ ചു​ഴി​ക​ളാ​ണ്. ഇ​തി​ലേ​ക്ക് അ​ക​പ്പെ​ടു​ന്ന​വ​രെ ര​ക്ഷി​ക്കു​ക സാ​ധ്യ​മ​ല്ല.

വേ​ന​ല്‍​ക്കാ​ല​ത്ത് ന​ദി​യി​ല്‍ വി​ദൂ​ര​ങ്ങ​ളി​ല്‍ നി​ന്നു​പോ​ലും ആ​ളു​ക​ള്‍ കു​ളി​ക്കാ​നാ​യി എ​ത്താ​റു​ണ്ടെ​ന്നും അ​പ​ക​ടം മ​ന​സി​ലാ​ക്കാ​തെ​യാ​ണ് പ​ല​രും ഇ​റ​ങ്ങു​ന്ന​തെ​ന്നും നാ​ട്ടു​കാ​ര്‍ പ​റ​ഞ്ഞു. സ്‌​കൂ​ൾ, കോ​ള​ജ് വി​ദ്യാ​ര്‍​ഥി​ക​ളും ഇ​തി​ല്‍ ഉ​ള്‍​പ്പെ​ടു​ന്നു​ണ്ട്. സ്‌​കൂ​ളു​ക​ളി​ല്‍ അ​ധ്യ​യ​ന​വ​ര്‍​ഷാ​വ​സാ​ന കാ​ല​യ​ള​വാ​യ​തി​നാ​ല്‍ ഉ​ച്ച​ക​ഴി​ഞ്ഞു​ള്ള സ​മ​യ​ത്ത് കു​ട്ടി​ക​ള്‍ പ​ല​പ്പോ​ഴും ഉ​ല്ലാ​സ​വേ​ദി​ക​ളാ​യി തെ​ര​ഞ്ഞെ​ടു​ക്കു​ന്ന​ത് ന​ദീ തീ​ര​ങ്ങ​ളാ​ണ്. തീ​ര​ങ്ങ​ളി​ലേ​ക്ക് എ​ത്തു​ന്ന​വ​ര്‍ കു​ളി​ക്കാ​നാ​യി ന​ദി​യി​ലേ​ക്ക് ഇ​റ​ങ്ങു​മ്പോ​ഴാ​ണ് അ​പ​ക​ട​ങ്ങ​ളു​ണ്ടാ​കു​ന്ന​ത്. നീ​ന്ത​ല്‍ വ​ശ​മു​ള്ള​വ​ര്‍​ക്കു പോ​ലും പ​ല​പ്പോ​ഴും അ​പ​ക​ട​ങ്ങ​ള്‍ സം​ഭ​വി​ക്കാ​റു​ണ്ട്.

വേ​ന​ല്‍​ക്കാ​ല​ത്താ​ണ് ജി​ല്ല​യി​ലെ ന​ദി​ക​ളി​ല്‍ മു​ങ്ങി​മ​ര​ണ​ങ്ങ​ള്‍ ഏ​റെ​യും റി​പ്പോ​ര്‍​ട്ട് ചെ​യ്യ​പ്പെ​ടു​ന്ന​തെ​ന്നും ശ്ര​ദ്ധേ​യം.

ക​ണ്‍​വ​ന്‍​ഷ​ന്‍ കാ​ല​യ​ള​വി​ല്‍ ജാ​ഗ്ര​ത

മാ​രാ​മ​ൺ, ചെ​റു​കോ​ല‍​പ്പു​ഴ ക​ണ്‍​വ​ന്‍​ഷ​നു​ക​ള്‍ അ​ടു​ത്ത​യാ​ഴ്ച ആ​രം​ഭി​ക്കു​മെ​ന്ന​തി​നാ​ല്‍ പ​മ്പ​യു​ടെ തീ​ര​ങ്ങ​ളി​ല്‍ ഇ​നി​യു​ള്ള ദി​വ​സ​ങ്ങ​ളി​ല്‍ കൂ​ടു​ത​ല്‍ ജാ​ഗ്ര​ത പു​ല​ര്‍​ത്തേ​ണ്ടി​വ​രും. മൂ​ന്നു​വ​ര്‍​ഷം മു​മ്പ് മാ​രാ​മ​ണ്‍ ക​ണ്‍​വ​ന്‍​ഷ​ന്‍ ന​ഗ​റി​നു തൊ​ട്ട​ടു​ത്ത് ര​ണ്ട് യു​വാ​ക്ക​ള്‍ ന​ദി​യി​ല്‍ മു​ങ്ങി​മ​രി​ച്ച സം​ഭ​വ​മു​ണ്ടാ​യി. മാ​രാ​മ​ണ്‍ ക​ണ്‍​വ​ന്‍​ഷ​ന്‍ ന​ഗ​റി​നോ​ടു ചേ​ര്‍​ന്ന ന​ദി ഭാ​ഗ​ങ്ങ​ളി​ലെ​ല്ലാം ആ​ഴ​ത്തി​ലു​ള്ള ക​യ​ങ്ങ​ളാ​ണ്. ഇ​ത്ത​രം സ്ഥ​ല​ങ്ങ​ള്‍ മ​ന​സി​ലാ​ക്കാ​തെ കു​ളി​ക്കാ​നി​റ​ങ്ങി​യാ​ല്‍ അ​പ​ക​ട​ത്തി​നു സാ​ധ്യ​ത​യു​ണ്ട്.
സു​ര​ക്ഷാ വേ​ലി തീ​ര്‍​ത്ത് മു​ന്ന​റി​യി​പ്പ് ബോ​ര്‍​ഡു​ക​ള്‍ സ്ഥാ​പി​ച്ചി​ട്ടു​ണ്ടെ​ങ്കി​ലും പ​ല​രും ഇ​തു വ​ക​വ​യ്ക്കാ​തെ ന​ദി​യി​ലേ​ക്ക് ഇ​റ​ങ്ങാ​റു​ണ്ടെ​ന്നു പ​റ​യു​ന്നു. ചെ​റു​കോ​ല്‍​പ്പു​ഴ ക​ണ്‍​വ​ന്‍​ഷ​ന്‍ ന​ഗ​റി​നോ​ടു ചേ​ര്‍​ന്നു പ​മ്പ​യു​ടെ പ​ല ഭാ​ഗ​ങ്ങ​ളി​ലും അ​പ​ക​ട​ക്കെ​ണി​ക​ളു​ണ്ട്.

പ​മ്പാ​ന​ദി​യി​ല്‍ വി​ദ്യാ​ര്‍​ഥി മു​ങ്ങി​മ​രി​ച്ചു

കോ​ഴ​ഞ്ചേ​രി: പ​മ്പാ ന​ദി​യി​ല്‍ പ്ല​സ്ടു വി​ദ്യാ​ര്‍​ഥി മു​ങ്ങി മ​രി​ച്ചു. കോ​ഴ​ഞ്ചേ​രി സെ​ന്‍റ് തോ​മ​സ് ഹ​യ​ര്‍ സെ​ക്ക​ന്‍​ഡ​റി സ്‌​കൂ​ളി​ലെ വി​ദ്യാ​ര്‍​ഥി പ​ത്ത​നം​തി​ട്ട മേ​ലേ വെ​ട്ടി​പ്പു​റം കു​മ്പാ​ങ്ങ് ത​ട​ത്തി​ല്‍ സൂ​ര്യ​യു​ടെ മ​ക​ന്‍ നി​ര​ഞ്ജ​ന്‍ (18) ആ​ണ് മ​രി​ച്ച​ത്.

ഇ​ന്ന​ലെ ഉ​ച്ച​ക​ഴി​ഞ്ഞ് 2.30 ഓ​ടെ​യാ​ണ് സം​ഭ​വം. സ​ഹ​പാ​ഠി​ക​ളാ​യ ആ​റ് വി​ദ്യാ​ര്‍​ഥി​ക​ള്‍ കോ​ഴ​ഞ്ചേ​രി കീ​ഴു​ക​ര​യ്ക്ക് സ​മീ​പ​മു​ള്ള പ​മ്പ് ഹൗ​സി​നു സ​മീ​പം പ​മ്പാ​ന​ദി​യി​ല്‍ കു​ളി​ക്കാ​നി​റ​ങ്ങി​യ​താ​യി​രു​ന്നു. നി​ര​ഞ്ജ​ന്‍ ഒ​ഴു​ക്കി​ല്‍​പെ​ട്ട​പ്പോ​ള്‍ കൂ​ടെ​യു​ണ്ടാ​യി​രു​ന്ന ര​ണ്ട് സ​ഹ​പാ​ഠി​ക​ള്‍ ര​ക്ഷി​ക്കാ​ന്‍ ശ്ര​മി​ച്ചെ​ങ്കി​ലും കൈ ​വി​ട്ട് മു​ങ്ങി താ​ഴു​ക​യാ​യി​രു​ന്നു. നാ​ട്ടു​കാ​രും പ​ത്ത​നം​തി​ട്ട​യി​ല്‍ നി​ന്നെ​ത്തി​യ അ​ഗ്നി​ര​ക്ഷാ സേ​ന സ്‌​കൂ​ബ ടീം ​അം​ഗ​ങ്ങ​ളും ന​ട​ത്തി​യ തെ​ര​ച്ചി​ലി​നൊ​ടു​വി​ല്‍ മൃ​ത​ദേ​ഹം ക​ണ്ടെ​ടു​ത്ത​ത്. മൃ​ത​ദേ​ഹം ജി​ല്ലാ ആ​ശു​പ​ത്രി മോ​ര്‍​ച്ച​റി​യി​ലേ​ക്ക് മാ​റ്റി.

ആ​റ​ന്മു​ള എ​സ്എ​ച്ച്ഒ​യു​ടെ നേ​തൃ​ത്വ​ത്തി​ല്‍ പോ​ലീ​സ് സം​ഘ​വും കോ​ഴ​ഞ്ചേ​രി പ​ഞ്ചാ​യ​ത്ത് മെം​ബ​ര്‍ ബി​ജോ പി. ​മാ​ത്യു​വി​ന്റെ നേ​തൃ​ത്വ​ത്തി​ല്‍ നാ​ട്ടു​കാ​രും തൊ​ഴി​ലാ​ളി​ക​ളും തെ​ര​ച്ചി​ല്‍ പ്ര​വ​ര്‍​ത്ത​ന​ങ്ങ​ളി​ല്‍ അ​ഗ്നി​ര​ക്ഷാ സേ​ന​യ്‌​ക്കൊ​പ്പം പ​ങ്കു ചേ​ര്‍​ന്നു.

Tags : nattu vishesham lack of water river