തദ്ദേശ തെരഞ്ഞെടുപ്പിൽ ഉപയോഗിക്കുന്ന വോട്ടിംഗ് മെഷീനുകളുടെ കമ്മീഷനിംഗ് നടപടികൾ കൽപ്പറ്റ എസ്കഐംജെ സ്കൂളിൽ ജില്ലാ കളക്ടർ ഡി.ആർ. മേഘശ്രീ വിലയിരുത്തുന്നു.
കൽപ്പറ്റ: തദ്ദേശ തെരഞ്ഞെടുപ്പിന് മുന്നോടിയായി ജില്ലയിലെ ഇലക്ട്രോണിക് വോട്ടിംഗ് മെഷീനുകളുടെ കമ്മീഷനിംഗ് പ്രവർത്തനങ്ങൾ ജില്ലാ തെരഞ്ഞെടുപ്പ് ഓഫീസറുമായ ജില്ലാ കളക്ടർ ഡി.ആർ. മേഘശ്രീ വിലയിരുത്തി. കൽപ്പറ്റ എസ്കഐംജെ സ്കൂളിലും ബത്തേരി സെന്റ് മേരീസ് കോളജിലും മാനന്തവാടി സെന്റ് പാട്രിക്സ് സ്കൂളിലുമുള്ള വിതരണ കേന്ദ്രങ്ങൾ കളക്ടർ സന്ദർശിച്ചു. കമ്മീഷനിംഗ് ഇന്നലെ പൂർത്തിയായി.
മാനന്തവാടി ബ്ലോക്ക് പഞ്ചായത്തിൽ മാനന്തവാടി സെന്റ് പാട്രിക്സ് ഹയർ സെക്കൻഡറി സ്കൂളിലും ബത്തേരി ബ്ലോക്ക് പഞ്ചായത്തിൽ സെന്റ് മേരീസ് കോളജിലും കൽപ്പറ്റ ബ്ലോക്ക് പഞ്ചായത്തിൽ എസ്കഐംജെ ഹൈസ്കൂളിലും പനമരം ബ്ലോക്ക് പഞ്ചായത്തിൽ പനമരം ഗവ.ഹയർസെക്കൻഡറി സ്കൂളിലുമാണ് കമ്മീഷനിംഗ് നടന്നത്.
കൽപ്പറ്റ നഗരസഭയിലെ വോട്ടിംഗ് യന്ത്രങ്ങൾ എസ്ഡിഎം എൽപി സ്കൂളിലും മാനന്തവാടി നഗരസഭയിൽ സെന്റ് പാട്രിക് ഹയർ സെക്കൻഡറി സ്കൂളിലും ബത്തേരി നഗരസഭയിൽ അസംപ്ഷൻ ഹൈസ്കൂളിലും കമ്മീഷൻ ചെയ്തു. ജില്ലാ തെരഞ്ഞെടുപ്പ് ഒബ്സർവർ, റിട്ടേണിംഗ് ഓഫീസർമാർ, അസിസ്റ്റന്റ് റിട്ടേണിംഗ് ഓഫീസർമാർ, സെക്ടറൽ ഓഫീസർമാർ, മാസ്റ്റർ ട്രെയിനർമാർ എന്നിവർ നേതൃത്വം നൽകി. ഇവിഎംകമ്മീഷനിംഗ് നടപടികൾ നേരിൽക്കണ്ട് വിലയിരുത്താൻ അംഗീകൃത രാഷ്ട്രീയപ്പാർട്ടി പ്രതിനിധികൾക്ക് അവസരം ഒരുക്കിയിയിരുന്നു.
Tags : Local News Wayanad