​ഒപിയിൽ തിക്കും തിരക്കും, പി​ജി വി​ദ്യാ​ര്‍​ഥിക​ളു​ടെ പ​ഠ​ന​ം മു​ട​ങ്ങി​

പേ​രൂ​ര്‍​ക്ക​ട: സം​സ്ഥാ​ന വ്യാ​പ​ക​മാ​യി ഡോ​ക്ട​ര്‍​മാ​രു​ടെ സ​മ​രം നീ​ളു​ന്ന​തി​നാ​ല്‍ മെഡിക്കൽ കോളജിലും രോ​ഗി​ക​ളും വ​ല​യു​ന്നു. അ​ടി​യ​ന്ത​ര പ്രാ​ധാ​ന്യ​മി​ല്ലാ​ത്ത ശ​സ്ത്ര​ക്രി​യ​ക​ള്‍ ഡോ​ക്ട​ര്‍​മാ​ര്‍ ബ​ഹി​ഷ്‌​ക​രി​ച്ചു​കൊ​ണ്ടാ​ണ് ഇ​പ്പോ​ള്‍ സ​മ​രം ന​ട​ത്തി​വ​രു​ന്ന​ത്. ഇ​ത് രോ​ഗി​ക​ളെ ബാ​ധി​ക്കു​ന്നു​ണ്ട്. പിജി വി​ദ്യാ​ര്‍​ത്ഥി​ക​ളും ഹൗ​സ് സ​ര്‍​ജ​ന്മാ​രു​മാ​ണ് ദി​വ​സ​ങ്ങ​ളാ​യി ഒപി​യി​ല്‍ രോ​ഗി​ക​ളെ പ​രി​ശോ​ധി​ച്ചു വ​രു​ന്ന​ത്.

ഡോ​ക്ട​ര്‍​മാ​രു​ടെ സ​മ​രം മൂ​ലം പി​ജി വി​ദ്യാ​ര്‍​ഥിക​ളു​ടെ പ​ഠ​ന​വും മു​ട​ങ്ങി​യി​രി​ക്കു​ക​യാ​ണ്. ഒപി​യി​ല്‍ എ​ത്തു​ന്ന രോ​ഗി​ക​ള്‍ ചി​കി​ത്സ കി​ട്ടാ​തെ വ​രു​ന്ന​തി​നാ​ല്‍ വാ​ക്കേ​റ്റ​ത്തി​നു വ​രെ ത​യ്യാ​റാ​കു​ന്നു​ണ്ട്. വ​യോ​ധി​ക​ര്‍ ഉ​ള്‍​പ്പെ​ടെ​യു​ള്ള​വ​ര്‍ ബ​ന്ധു​ക്ക​ളു​മൊ​ത്ത് ആ​ശു​പ​ത്രി​യി​ല്‍ എ​ത്തി കാ​ത്തി​രു​ന്ന് തി​രി​കെ​പ്പോ​കു​ന്ന അ​വ​സ്ഥ ഇ​ന്ന​ലെ​യും ഉ​ണ്ടാ​യി. പ​ല​രും ഡോ​ക്ട​ര്‍​മാ​ര്‍ ഉ​ണ്ടാ​കു​മെ​ന്നും പ​രി​ശോ​ധി​ക്കു​മെ​ന്നു​മു​ള്ള പ്ര​തീ​ക്ഷ​യി​ലാ​ണ് എ​ത്തി​ച്ചേ​രു​ന്ന​ത്.

ദൂ​രെ​സ്ഥ​ല​ങ്ങ​ളി​ല്‍ നി​ന്ന് എ​ത്തി​ ചി​കി​ത്സ​തേ​ടി പോ​കാം എ​ന്ന ധാ​ര​ണ​യി​ല്‍ മെ​ഡി​ക്ക​ല്‍​കോ​ള​ജി​ല്‍ ത​മ്പ​ടി​ച്ച് രണ്ടു​ദി​വ​സ​മാ​യി കാത്തുനി​ൽക്കുന്നവ​രും ഇ​ക്കൂ​ട്ട​ത്തി​ലു​ണ്ട്. കാ​ഷ്വാ​ലി​റ്റി, ലേ​ബ​ര്‍ റൂം, ​ഐസി​യു എ​ന്നി​വ​യെ സ​മ​ര​ത്തി​ല്‍ നി​ന്ന് ഒ​ഴി​വാ​ക്കി​യി​ട്ടു​ണ്ടെ​ങ്കി​ലും കൂ​ടു​ത​ല്‍ ആ​ളു​ക​ള്‍ എ​ത്തി​ച്ചേ​രു​ന്ന ഒപി​യി​ലു​ള്ള തി​ര​ക്കും വാ​ക്കേ​റ്റ​ങ്ങ​ളും നി​യ​ന്ത്രി​ക്കാ​ന്‍ സാ​ധി​ക്കു​ന്നി​ല്ല.

26 മു​ത​ല്‍ എ​ല്ലാ പ​രീ​ക്ഷാ ജോ​ലി​ക​ളി​ല്‍ നി​ന്നും വി​ട്ടു​നി​ല്‍​ക്കാ​ന്‍ ഡോ​ക്ട​ര്‍​മാ​ര്‍ തീ​രു​മാ​നി​ച്ചി​രി​ക്കു​ക​യാ​ണ്. വി​വി​ധ താ​ലൂ​ക്കു​ക​ളി​ല്‍ നി​ന്നും ദൂ​രെ​ ജി​ല്ല​ക​ളി​ല്‍ നി​ന്നു​പോ​ലും തി​രു​വ​ന​ന്ത​പു​രം മെ​ഡി​ക്ക​ല്‍​കോ​ള​ജി​ലേ​ക്ക് രോ​ഗി​ക​ള്‍ എ​ത്തു​ന്നു​ണ്ട്. ഇ​വ​രെ എ​ങ്ങ​നെ ഉ​ള്‍​ക്കൊ​ള്ളു​മെ​ന്ന കാ​ര്യം​പോ​ലും സ​ര്‍​ക്കാ​ര്‍ ആ​ലോ​ചി​ച്ചി​ട്ടി​ല്ല.

സ​മ​രം ന​ട​ത്തു​ന്ന ഡോ​ക്ട​ര്‍​മാ​ര്‍​ക്ക് ഡ​യ​സ്‌​നോ​ണ്‍ ബാ​ധ​ക​മാ​ക്കാ​ന്‍ സ​ര്‍​ക്കാ​ര്‍ തീ​രു​മാ​ന​മെ​ടു​ത്തി​രു​ന്നു. കു​റ​ച്ചു​പേ​രെ​ങ്കി​ലും സ​മ​ര​ത്തി​ല്‍ നി​ന്നു പി​ന്മാ​റു​മെ​ന്ന ധാ​ര​ണ​യി​ലാ​യി​രു​ന്നു ഇ​ത്. എ​ന്നാ​ല്‍ ദി​നം​പ്ര​തി മെ​ഡി​ക്ക​ല്‍​കോ​ള​ജി​ലെ ചി​കി​ത്സാ പ്ര​തി​സ​ന്ധി തു​ട​രു​ന്ന കാ​ഴ്ച​യാ​ണ് ക​ണ്ടു​വ​രു​ന്ന​ത്.

നെ​ടു​മ​ങ്ങാ​ട് ജി​ല്ലാ ആ​ശു​പ​ത്രി : ഒപി സേ​വ​ന​ങ്ങ​ൾ തു​ട​ർ​ന്നും ബ​ഹി​ഷ്ക​രി​ക്കും

നെ​ടു​മ​ങ്ങാ​ട്: നെ​ടു​മ​ങ്ങാ​ട് ജി​ല്ലാ ആ​ശു​പ​ത്രി​യി​ൽ ഡോ​ക്ട​ർ​മാ​രു​ടെ പ​ണി​മു​ട​ക്ക് ര​ണ്ടാം ദി​വ​സ​ത്തി​ലേ​ക്ക് ക​ട​ന്നു നെ​ടു​മ​ങ്ങാ​ട് ജി​ല്ലാ ആ​ശു​പ​ത്രി ഒപി കൗ​ണ്ട​റു​ക​ൾ പ്ര​വ​ർ​ത്ത​ന​ര​ഹി​ത​മാ​ണ്. ആ​ശു​പ​ത്രി​യി​ൽ എ​ത്തി​യ രോ​ഗി​ക​ൾ വ​ല​ഞ്ഞു.​ നെ​ടു​മ​ങ്ങാ​ട് ജി​ല്ലാ ആ​ശു​പ​ത്രി​യി​ൽ ന​ട​ന്ന അ​നി​ഷ്ട സം​ഭ​വ​ങ്ങ​ളി​ൽ പ്ര​തി​ഷേ​ധി​ച്ച് കെ​ജി​എം​ഒ​എ തി​രു​വ​ന​ന്ത​പു​രം ജി​ല്ലാ ഘ​ട​ക​ത്തി​ന്‍റെ ജി​ല്ലാ ക​മ്മി​റ്റി യോ​ഗം ചേ​ർ​ന്ന് നി​ല​വി​ലെ സ​മ​ര പ​രി​പാ​ടി​ക​ൾ ശ​ക്ത​മാ​ക്കു​ന്ന​തി​നു​ള്ള തീ​രു​മാ​ന​ങ്ങ​ൾ കൈ​ക്കൊ​ണ്ട​താ​യി സം​ഘ​ട​ന അ​റി​യി​ച്ചു.

യോ​ഗ​ത്തി​ൽ എ​ടു​ത്ത തീ​രു​മാ​ന​ങ്ങ​ൾ പ്ര​കാ​രം നെ​ടു​മ​ങ്ങാ​ട് ജി​ല്ലാ ആ​ശു​പ​ത്രി​യി​ലെ ഒപി സേ​വ​ന​ങ്ങ​ൾ തു​ട​ർ​ന്നും ബ​ഹി​ഷ്ക​രി​ക്കും. അ​ടി​യ​ന്ത​ര സേ​വ​ന​ങ്ങ​ൾ മാ​ത്രം തു​ട​രു​മെ​ന്ന് സം​ഘ​ട​ന വ്യ​ക്ത​മാ​ക്കി.

Tags : Local News Nattuvishesham Thiruvananthapuram