രക്തം ദാനം ചെയ്തത് 121 തവണ
തിരുവമ്പാടി: രക്തം ആവശ്യമുള്ള രോഗികള്ക്ക് ജീവന്റെ ജീവനാണ് തിരുവമ്പാടിയിലെ വ്യാപാരിയായ കന്നുകുഴി ജയ്സണ്. ഒരു ഫോണ് കോളില് ജയ്സണ് വിളിച്ചുവട്ടിലെത്തും. രക്തദാനം ജീവദാനം എന്ന ആപ്തവാക്യം ജീവിതത്തില് പ്രാവര്ത്തികമാക്കിയ ജയ്സണ് അടിയന്തര ശസ്ത്രക്രിയകള്ക്കും അപകടത്തില്പ്പെട്ടവര്ക്കും ഗര്ഭിണികള്ക്കും ഗുരുതര രോഗികള്ക്കും രക്തം നല്കി അനേകം കുടുംബങ്ങള്ക്ക് ആശ്വാസമായി മാറിയിട്ടുണ്ട്.
കത്തോലിക്കാ കോണ്ഗ്രസ് സജീവ പ്രവര്ത്തകനായ ജയ്സണ് തന്റെ 55-ാം ജന്മദിനത്തില് കോഴിക്കോട് ഗവ. മെഡിക്കല് കോളജിലെത്തി 121-ാം തവണ രക്തംദാനം ചെയ്ത് ശ്രദ്ധനേടി.
വ്യാപാരജീവിതത്തിന്റെ തിരക്കുകള്ക്കിടയിലും സമൂഹത്തോടുള്ള ഉത്തരവാദിത്വം നിറവേറ്റുന്നതിനു പിന്നില് അടിയുറച്ച ദൈവവിശ്വാസവും മനുഷ്യസ്നേഹവുമാണെന്ന് ജയ്സണ് പറയുന്നു.
ആരോഗ്യവാന്മാര് നിശ്ചിത ഇടവേളകളില് രക്തദാനം ചെയ്യാന് തയ്യാറാകണമെന്നാണ് ജയ്സന് പറയാനുള്ളത്. ഭാര്യ ജിന്സി, മക്കളായ ആമോസ്, ഏബ്രഹാം എന്നിവരാണ് രക്തദാനത്തിന് ജയ്സന്റെ പ്രചോദനം.
Tags : Local News Nattuvishesham Kozhikode