പത്തനംതിട്ട: ജില്ലയ്ക്കു പുറത്തു നിന്നുള്ള സ്ഥാനാർഥികൾ വേണ്ടെന്ന് ജില്ലാ കോൺഗ്രസ് കമ്മിറ്റി എക്സിക്യൂട്ടീവ് യോഗത്തിൽ ആവശ്യം. അഞ്ച് സീറ്റുകളിലും ജില്ലയിൽ നിന്നുള്ള ആളുകൾ മത്സരിച്ചാൽ മതിയെന്നുമുളള ആവശ്യത്തെ ഭൂരിപക്ഷം നേതാക്കളും പിന്തുണച്ചു.
കേരള കോൺഗ്രസ് ജോസഫിൽ നിന്ന് തിരുവല്ല സീറ്റ് കോൺഗ്രസ് ഏറ്റെടുക്കണമെന്ന ആവശ്യവും ശക്തമായി ഉയർന്നു. ആറന്മുളയിലടക്കം പുറമേ നിന്നുള്ളവരെ സ്ഥാനാർഥികളായി പരിഗണിക്കുന്ന സാഹചര്യത്തിലാണ് എക്സിക്യൂട്ടീവ് യോഗത്തിൽ ഒരുവിഭാഗം പ്രാദേശികവാദം ഉയർത്തിയത്.
എന്നാൽ ഇത്തരത്തിൽ ഒരു തീരുമാനവും ഡിസിസി യോഗത്തിൽ ഉണ്ടായിട്ടില്ലെന്നും ചർച്ചയ്ക്കിടെ പല ആവശ്യങ്ങളുയരാമെന്നും ഡിസിസി പ്രസിഡന്റ് പ്രഫ. സതീഷ് കൊച്ചുപറന്പിൽ പറഞ്ഞു.