പൂളപ്പാറ- വേളങ്കോട് റോഡിൽ ചാലിപ്പടിയിൽ പൈപ്പ് പൊട്ടി കുടിവെള്ളം പാഴാകുന്നു.
കോടഞ്ചേരി: പൂളപ്പാറ- വേളങ്കോട് റോഡിൽ ചാലിപ്പടിയിൽ കേരള വാട്ടർ അഥോറിറ്റിയുടെ പൈപ്പ് പൊട്ടി കുടിവെള്ളം പാഴാകുന്നു. ആറുമാസത്തിലധികമായി കുടിവെള്ളം പാഴാവുകയാണ്. വർഷങ്ങൾക്കു മുമ്പ് സ്ഥാപിച്ച ഇരുമ്പ് പൈപ്പാണ് തുരുമ്പ് പിടിച്ച് പൊട്ടി നശിച്ച നിലയിലായത്. കോടഞ്ചേരി പഞ്ചായത്തിലെ വിവിധ ഭാഗങ്ങളിലേക്ക് കുടിവെള്ളം വിതരണം ചെയ്യുന്ന പൈപ്പാണ് പൊട്ടിയത്.
ദിവസവും ആയിരക്കണക്കിന് ലിറ്റർ വെള്ളമാണ് പാഴാകുന്നത്. ഉയർന്ന പ്രദേശങ്ങളിൽ താമസിക്കുന്ന പല കുടുംബങ്ങൾക്കും വേനൽ കടുത്തതോടെ കുടിവെള്ളം ലഭിക്കാത്ത സ്ഥിതിയാണ്.
പഴയ ഇരുമ്പ് പൈപ്പ് മാറ്റി പുതിയ പൈപ്പ് സ്ഥാപിക്കണമെന്നാണ് പ്രദേശവാസികൾ ആവശ്യപ്പെടുന്നത്.
Tags : Local News Nattuvishesham Kozhikode