ചാലക്കുടി: നഗരസഭാ പ്രദേശത്ത് കുടിവെള്ള വിതരണം നിലച്ച് നാലുദിവസമായിട്ടും പുന:സ്ഥാപിക്കാനായില്ല. നഗരസഭ പരിധിയിൽ നടപ്പാക്കുന്ന അമൃത് പദ്ധതിയുടെ പൈപ്പ് ലൈൻ സ്ഥാപിക്കുന്നതിന്റെ പ്രവൃത്തികൾ ചെയ്യുന്നതിനായി മാർക്കറ്റ് റോഡിൽ പണികൾ നടത്തുന്നതിനായി ശനി, ഞായർ തിങ്കൾ വരെ ദിവസങ്ങളിൽ ചാലക്കുടി ടൗൺ പ്രദേശങ്ങളിൽ കുടിവെള്ള വിതരണം പൂർണമായി തടസപ്പെടുമെന്ന് അറിയിച്ചിരുന്നു.
എന്നാൽ ഇന്നലെയും കുടിവെള്ളവിതരണം മുടങ്ങിയതോടെ നാട്ടുകാർ വലഞ്ഞു. നഗരസഭ വാഹനത്തിൽ കുടിവെള്ളം എത്തിച്ചതായിരുന്നു അശ്വാസം. നഗരത്തിലെ ഭൂരിഭാഗം വീടുകളും വാട്ടർ അഥോറിറ്റിയുടെ കുടിവെള്ളത്തെയാണ് ആശ്രയിക്കുന്നത്. മാർക്കറ്റ് റോഡിൽ പൈപ്പ് പൊട്ടിയതിനാലാണ് കുടിവെള്ള വിതരണം പുനരാരംഭിക്കാതിരുന്നത്. എന്നാൽ പണികൾ വളരെ സാവധാനത്തിലാണ് നടക്കുന്നത്.
Tags : nattu vishesham Drinking water