കൊച്ചി: അന്തര്ദേശീയ ബ്രെയ്ലി ദിനാചരണത്തോടനുബന്ധിച്ച് ലിസി മെഡിസിറ്റി നേത്രരോഗ വിഭാഗത്തിന്റെ നേതൃത്വത്തില് കാഴ്ചപരിമിതരുടെ വിദ്യാഭ്യാസത്തിലും ശാക്തീകരണത്തിലും സാങ്കേതികതയുടെ പങ്ക് സംബന്ധിച്ച ബോധവത്കരണ ശില്പശാല സംഘടിപ്പിച്ചു.
വിദ്യാഭ്യാസം, തൊഴില്, മനുഷ്യാവകാശങ്ങള് എന്നിവയില് കാഴ്ചപരിമിതരുടെ പ്രവേശനക്ഷമത മെച്ചപ്പെടുത്തുക, സാങ്കേതികവിദ്യയുടെ ലഭ്യതയിലുള്ള തടസങ്ങള് അഭിസംബോധന ചെയ്യുക എന്നിങ്ങനെയുള്ള ഈ വര്ഷത്തെ ബ്രെയ്ലി ദിനത്തിന്റെ സന്ദേശങ്ങള് മുന്നിര്ത്തി സംഘടിപ്പിച്ച പരിപാടി ലിസി ഹോസ്പിറ്റല് ജോയിന്റ് ഡയറക്ടര് ഫാ. റെജു കണ്ണമ്പുഴ ഉദ്ഘാടനം ചെയ്തു. ആലുവ കീഴ്മാട് അന്ധവിദ്യാലയത്തിലെ പ്രധാനാധ്യാപിക ജിജി സുനില് മുഖ്യപ്രഭാഷണം നടത്തി.
ലിസി മെഡിസിറ്റി നേത്രരോഗ വിഭാഗത്തിലെ ഡോ. സനിത സത്യന് ബ്രെയില്ദിന സന്ദേശം നല്കി. ആലുവ കീഴ്മാട് അന്ധവിദ്യാലയത്തിലെ വിദ്യാര്ഥികളായ അശ്വിനി കെ. കിനി, അനെറ്റ്, ആന്റണി എന്നിവര് പഠനത്തിന് ഉപയോഗിക്കുന്ന സാങ്കേതികവിദ്യകള് വിശദീകരിച്ചു. തുടര്ന്ന് ആലുവ കീഴ്മാട് അന്ധവിദ്യാലയത്തിലെ അധ്യാപകന് സുനില് ഡിസെബിലിറ്റി എറ്റിക്വേറ്റ് എന്ന വിഷയത്തിൽ പ്രായോഗിക പരിശീലന ക്ലാസ് നടത്തി. ലിസി മെഡിസിറ്റി മെഡിക്കല് സൂപ്രണ്ട് ഡോ. മനോജ്, സിസ്റ്റര് ടീമ എന്നിവര് പ്രസംഗിച്ചു. അന്താരാഷ്ട്രീയ ബ്രെയ്ലി ദിനത്തോടനുബന്ധിച്ചു നടത്തിയ പോസ്റ്റര് രചനാ മത്സരത്തില് ലിസി നഴ്സിംഗ് കോളജിലെ ദേവിക, സാന്ദ്ര എന്നിവര് ഒന്നും രണ്ടും സ്ഥാനങ്ങള് നേടി.
Tags : nattu vishesham Educationa workshop