പേരൂര്ക്കട: വയോധികയെ അടിച്ചുവീഴ്ത്തി കവര്ച്ച നടത്തിയ സംഭവത്തില് അഞ്ചാംപ്രതി കേരളംവിട്ടു. ഇയാളെ കണ്ടെത്തുന്നതിനായി അന്വേഷണം ഊര്ജിതമാക്കിയതായി ഫോര്ട്ട് പോലീസ് അറിയിച്ചു. കവര്ച്ച നടത്തിയ അഞ്ചംഗ സംഘത്തില് ഉള്പ്പെട്ട ബാബുവിനെ കണ്ടെത്താനാണ് അന്വേഷണം നടന്നുവരുന്നത്. ഫെബ്രുവരി 10ന് ആസൂത്രണം നടത്തിയ സംഘം 13നാണ് കവര്ച്ച നടത്തിയത്.
ശ്രീവരാഹം മുക്കോലയ്ക്കല് ദേവീക്ഷേത്രത്തിനു സമീപം ഫ്ളാറ്റില് ഒറ്റയ്ക്കു താമസിച്ചുവന്ന ചന്ദ്ര ശ്രീനിവാസനെ (65) അടിച്ചുവീഴ്ത്തി സ്വര്ണമാലയും ആറുവളകളും കവര്ന്ന സംഘത്തിലെ ശരത്ത്, റീന, ഷീബ, രാജന് എന്നിവര് നേരത്തെ പിടിയിലായിരുന്നു. ഇവര്ക്കൊപ്പം ഉണ്ടായിരുന്ന ബാബുവിനെ പിടികൂടാന് കഴിഞ്ഞില്ല.