അ​ഗ​ളി: വി​ദ്യാ​ർ​ഥി​ക​ൾ​ക്ക് മി​ക​ച്ച പ​ഠ​നാ​ന്ത​രീ​ക്ഷം ഉ​റ​പ്പു വ​രു​ത്തു​ക​യാ​ണ് അ​ട്ട​പ്പാ​ടി​യി​ലെ സാ​മൂ​ഹി​ക പ​ഠ​ന​മു​റി​ക​ൾ. പ​ട്ടി​ക​വ​ർ​ഗ വി​ക​സ​നവ​കു​പ്പി​ന്‍റെ നേ​തൃ​ത്വ​ത്തി​ൽ ആ​രം​ഭി​ച്ച പ​ദ്ധ​തി​വ​ഴി 43 പ​ഠ​ന​മു​റി​ക​ളാ​ണ് ഒ​രു​ക്കി​യ​ത്.

സ്കൂ​ളു​ക​ളി​ൽ നി​ന്നു​ള്ള കൊ​ഴി​ഞ്ഞു​പോ​ക്ക്, വീ​ട്ടി​ൽ പ​ഠ​നാ​ന്ത​രീ​ക്ഷം ഇ​ല്ലാ​ത്ത​തി​നാ​ൽ പ​ഠ​ന​ത്തി​ൽ പി​ന്നി​ലാ​കു​ന്ന​ത് ഒ​ഴി​വാ​ക്കു​ക എ​ന്നി​വ ല​ക്ഷ്യ​മി​ട്ടാ​ണ് സാ​മൂ​ഹി​ക പ​ഠ​ന​മു​റി​ക​ൾ പ്ര​വ​ർ​ത്തി​ക്കു​ന്ന​ത്.

ഷോ​ള​യൂ​ർ ഗ്രാ​മ​പ​ഞ്ചാ​യ​ത്തി​ൽ 12, പു​തൂ​ർ ഗ്രാ​മ​പ​ഞ്ചാ​യ​ത്തി​ൽ 13, അ​ഗ​ളി ഗ്രാ​മ​പ​ഞ്ചാ​യ​ത്തി​ൽ 18 സാ​മൂ​ഹി​ക പ​ഠ​ന​മു​റി​ക​ളാ​ണ് പ്ര​വ​ർ​ത്തി​ക്കു​ന്ന​ത്. അ​ടി​സ്ഥാ​ന സൗ​ക​ര്യ​ങ്ങ​ൾ, കു​ടും​ബ​ശ്രീ​യി​ലൂ​ടെ ല​ഘു​ഭ​ക്ഷ​ണം, ഇ​ന്‍റ​ർ​നെ​റ്റ് സൗ​ക​ര്യം എ​ന്നി​വ ഉ​ൾ​പ്പെ​ടു​ത്തി​യാ​ണ് സാ​മൂ​ഹ്യ പ​ഠ​ന​മു​റി ഒ​രു​ക്കി​യി​രി​ക്കു​ന്ന​ത്. തി​ങ്ക​ൾ മു​ത​ൽ വെ​ള്ളി വ​രെ വൈ​കു​ന്നേ​രം 4.30 മു​ത​ൽ 6.30 വ​രെ​യാ​ണ് വി​ദ്യാ​ർ​ഥി​ക​ൾ​ക്ക് സാ​മൂ​ഹ്യ പ​ഠ​ന​മു​റി​ക​ൾ ഉ​പ​യോ​ഗി​ക്കാ​ൻ ക​ഴി​യു​ക.

ശ​നി, ഞാ​യ​ർ ദി​വ​സ​ങ്ങ​ളി​ൽ രാ​വി​ലെ ഒ​ൻ​പ​ത് മു​ത​ൽ 12.30 വ​രെ​യും പ​ഠ​ന​മു​റി​ക​ൾ ഉ​പ​യോ​ഗി​ക്കാ​ൻ സാ​ധി​ക്കും. ഓ​രോ സാ​മൂ​ഹി​ക പ​ഠ​ന മു​റി​ക​ളി​ലും ഓ​രോ ഫെ​സി​ലി​റ്റേ​റ്റ​റു​ടെ സേ​വ​ന​വും വി​ദ്യാ​ർ​ഥി​ക​ൾ​ക്ക് ല​ഭ്യ​മാ​ണ്. ഫെ​സി​ലി​റ്റേ​റ്റ​ർ വി​ദ്യാ​ർ​ഥി​ക​ൾ​ക്ക് എ​ല്ലാ വി​ഷ​യ​ങ്ങ​ളി​ലും കു​ട്ടി​ക​ളു​ടെ പ്ര​ദേ​ശി​ക ഭാ​ഷ​യി​ൽ ക്ലാ​സു​ക​ൾ എ​ടു​ത്തു ന​ൽ​കു​ക​യും ചെ​യ്യു​മെ​ന്ന പ്ര​ത്യേ​ക​ത​യു​മു​ണ്ട്.

Tags : local nattuvishesham Attappadi