പ്രിയങ്ക ഗാന്ധി എംപിയുടെ വാഹനവ്യൂഹം അഗസ്ത്യന്മുഴിയിലെത്തിയപ്പോള്.
മുക്കം: പ്രിയങ്കാഗാന്ധി എംപിയുടെ യാത്രയില് വന് സുരക്ഷാ വീഴ്ച. കൊയിലാണ്ടി - എടവണ്ണ സംസ്ഥാന പാതയില് അഗസ്ത്യന് മുഴിയില്നിന്നും തൊണ്ടിമ്മല് വഴി തിരുവമ്പാടി ഭാഗത്തേക്ക് പോകേണ്ട വാഹനവ്യൂഹങ്ങള് താമരശേരി റോഡില് കയറി സെന്റ് ജോസഫ് ആശുപത്രിക്കടുത്ത് വരെയെത്തി. പിന്നീട് വാഹനവ്യൂഹത്തിന് പിന്നിലായുളള പോലീസ് അവരെ തിരിച്ചുവിളിക്കുകയായിരുന്നു. ഈ സമയമത്രയും പ്രിയങ്ക ഗാന്ധിയുടെ വാഹനം അഗസ്ത്യന് മുഴി അങ്ങാടിയില് നടുറോഡില് കിടക്കുകയായിരുന്നു.
മലപ്പുറം ജില്ലയിലെ വിവിധ പരിപാടികള്ക്ക് ശേഷം കോടഞ്ചേരി പഞ്ചായത്തില് ഒരു ഉദ്ഘാടന പരിപാടിക്ക് പോവുന്നതിനിടെയാണ് സുരക്ഷ വീഴ്ചയുണ്ടായത്. യാത്രയുമായി ബന്ധപ്പെട്ട് ചൊവ്വാഴ്ച ട്രയല് ഉള്പ്പെടെ നടത്തിയിരുന്നു.
Tags : Priyanka Gandhi Local News Kozhikode