അങ്കമാലി: ഭൂമിയുടെ ന്യായവില സംബന്ധിച്ച് ഏറെക്കാലമായി അങ്കമാലിയിൽ നിലനിന്നിരുന്ന പ്രശ്നങ്ങൾക്ക് പരിഹാരം ഉണ്ടായതിൽ സിപിഐ ലോക്കൽ കമ്മിറ്റി സന്തോഷം പ്രകടിപ്പിച്ചു.
നവകേരള സദസിലടക്കം വിവിധ വേദികളിൽ ജനങ്ങൾ ഉന്നയിച്ച പരാതികൾ പരിഗണിച്ചുകൊണ്ടാണ് സർക്കാർ അനുകൂലമായ തീരുമാനം കൈക്കൊണ്ടത്. റവന്യൂ മന്ത്രി കെ. രാജന്റെ പ്രത്യേക ഇടപെടലും നേതൃത്വവുമാണ് അങ്കമാലി ജനതയുടെ ദീർഘകാല ആവശ്യത്തിന് പരിഹാരം കാണാൻ വഴിയൊരുക്കിയതെന്ന് സിപിഐ ലോക്കൽ കമ്മിറ്റി അറിയിച്ചു.
ഈ വിഷയത്തിൽ പരിഹാരം ഉണ്ടാകുന്നതിനായി സിപിഐ ലോക്കൽ കമ്മിറ്റി എൽഡിഎഫ് സർക്കാരിനും റവന്യൂ മന്ത്രിക്കും നിരവധി നിവേദനങ്ങൾ സമർപ്പിക്കുകയും വിഷയത്തെ നിരന്തരമായി പിന്തുടരുകയും ചെയ്തിരുന്നു.
ജനങ്ങളുടെ ന്യായമായ പരാതികൾ ഗൗരവപൂർവ്വം പരിഗണിച്ച് ഭൂമിയുടെ ന്യായവില വിഷയത്തിൽ അനുകൂല തീരുമാനമാണ് സർക്കാർ കൈക്കൊണ്ടിട്ടുള്ളതെന്ന് പാർട്ടി നേതൃത്വം വ്യക്തമാക്കി.
Tags : Local News Nattuvishesham Ernakulam CPI