നെല്കര്ഷക സംരക്ഷണസമിതി കോട്ടയം ഹെഡ്പോസ്റ്റ് ഓഫീസിലേക്ക് നടത്തിയ മാര്ച്ച്.
കോട്ടയം: നെല്ലിന് കേന്ദ്രം നിശ്ചയിച്ചിട്ടുള്ള താങ്ങുവിലയ്ക്ക് പുറമെ കേരളം നല്കുന്ന അധിക പ്രോത്സാഹന ബോണസ് നിര്ത്തലാക്കണമെന്ന് ആവശ്യപ്പെട്ട് കേന്ദ്ര ധനകാര്യ എക്സ്പെന്റിച്ചര് സെക്രട്ടറി സംസ്ഥാന ചീഫ് സെക്രട്ടറിക്ക് കത്തെഴുതിയ അങ്ങേയറ്റം കര്ഷക വിരുദ്ധമായ നടപടി പിന്വലിക്കണമെന്ന് ആവശ്യപ്പെട്ടു കോട്ടയം ഹെഡ് പോസ്റ്റ്ഓഫീസ് പടിക്കല് നെല്കര്ഷക സംരക്ഷണസമിതി സംസ്ഥാന കമ്മിറ്റിയുടെ നേതൃത്വത്തില് കര്ഷക മാര്ച്ചും പ്രതിഷേധ ധര്ണയും സംഘടിപ്പിച്ചു. രാഷ്ട്രീയ നിരീക്ഷകന് ജോസഫ് സി. മാത്യു ധര്ണ ഉദ്ഘാടനം ചെയ്തു.
കേന്ദ്ര എക്സ്പെന്റിച്ചര് സെക്രട്ടറി ചീഫ് സെക്രട്ടറിക്ക് അയച്ച കത്തിന്റെ കോപ്പി കത്തിച്ച് കര്ഷകര് പ്രതിഷേധിച്ചു. സംസ്ഥാന പ്രസിഡന്റ് റജീന അഷറഫ് അധ്യക്ഷത വഹിച്ചു. രക്ഷാധികാരി വി.ജെ. ലാലി, സിനിമ താരം കൃഷ്ണ പ്രസാദ്, ജനറല് സെക്രട്ടറി സോണിച്ചന് പുളിങ്കുന്ന്, സംസ്ഥാന വര്ക്കിംഗ് പ്രസിഡന്റുന്മാരായ പി.ആര്. സതീശന്, ലാലിച്ചന് പള്ളിവാതുക്കല്, വേലായുധന് നായര്,
സംസ്ഥാന ട്രഷറര് കെ.ബി. മോഹനന് സംസ്ഥാന കോ-ഓർഡിനേറ്റര് ജോസ് കാവനാട്, ജോയിന്റ് സെക്രട്ടറി റോയ് ഊരാംവേലി, സുഭാഷ്കുമാര് മാലിയില്, സംസ്ഥാന നേതാക്കന്മാരായ കാര്ത്തികേയന് കൈനകരി, എ.ജെ. അജയകുമാര്, പി. ശിവന്കുട്ടി, സുനു പി. ജോര്ജ്, ഷാജി മുടന്താഞ്ഞിലി, മാത്യു തോമസ്, എബി അലക്സാണ്ടര് തുടങ്ങിയവര് പ്രസംഗിച്ചു.
Tags : Local News Nattuvishesham Kottayam