തിരുവനന്തപുരം: പുലയനാര്ക്കോട്ടയില് സ്വകാര്യവ്യക്തിയുടെ പുരയിടത്തിലെ പുളി അടര്ത്തിയിടുന്നതിനിടെ കാല്വഴുതി താഴെവീണ് പരിക്കേറ്റ വയോധികന് മരിച്ചു. ചെറുവയ്ക്കല് കെജിആര്എഎ 45 സുജിത ഭവനില് പി. സുന്ദരന് (66) ആണ് മരിച്ചത്.
ഇന്നലെ രാവിലെ എട്ട് മണിയോടുകൂടിയാണ് അപകടം. മരംമുറിക്കുന്നതിനും പുളിയടര്ത്തുന്നതിനും പോകുന്ന തൊഴിലാളിയായിരുന്നു സുന്ദരന്. ഇന്നലെ രാവിലെ സ്വകാര്യവ്യക്തിയുടെ പുരയിടത്തിലെ കൂറ്റന് പുളിമരത്തില് നിന്നാണ് കാല്വഴുതി റോഡില്വീണ് തലയ്ക്കു ഗുരുതരമായി പരിക്കേറ്റത്.
ഉടന് തന്നെ തിരുവനന്തപുരം മെഡിക്കല്കോളജ് ആശുപത്രിയില് പ്രവേശിപ്പിച്ചുവെങ്കിലും ജീവൻ രക്ഷിക്കാനായില്ല. ഉച്ചയ്ക്ക് 2.30നായിരുന്നു അന്ത്യം. മൃതദേഹം മോര്ച്ചറിയില്. ഡി. ലതയാണ് ഭാര്യ. മക്കള്: എസ്. സുനില്കുമാര്, എസ്. സുജിത. മരുമക്കള്: എസ്.ആര് രമ്യ, ജി. സന്തോഷ്.
Tags : tree Fell died Sundaran dead