കാസർഗോഡ്: നായന്മാർമൂലയിലെ ശീതളപാനീയ നിർമാണകേന്ദ്രത്തിൽ തീപിടിത്തം. നായന്മാർമൂലയിലെ മുഹ്സിന്റെ ഉടമസ്ഥതയിലുള്ള ഫാക്കിയ സോഫ്റ്റ് ഡ്രിങ്ക്സ് എന്ന സ്ഥാപനത്തിനാണ് തീപിടിച്ചത്.
ഇന്നലെ പുലർച്ചെ ഒന്നോടെയാണ് ഫാക്ടറി പരിസത്ത് ചകിരിയും വിറകും കൂട്ടിയിട്ടിരുന്ന ഭാഗത്തുനിന്ന് തീ പടർന്നത്. അഗ്നിശമനസേനുടെ സമയോചിതമായ ഇടപെടലിലൂടെ തീ ഫാക്ടറിയുടെ അകത്തേക്ക് പടരാതെ കാത്തു. കാസർഗോഡ് സ്റ്റേഷനിൽ നിന്ന് രണ്ട് യൂണിറ്റുകളും, ഉപ്പള, കാഞ്ഞങ്ങാട് സ്റ്റേഷനുകളിൽ നിന്ന് ഓരോ യൂണിറ്റുകളുമാണ് സ്ഥലത്തെത്തിയത്.
രണ്ട് മണിക്കൂറോളം നീണ്ട പ്രയത്നത്തിനൊടുവിലാണ് തീ പൂർണമായും അണച്ചത്.കാസർഗോഡ് അഗ്നിരക്ഷനിലയത്തിലെ അസി. സ്റ്റേഷൻ ഓഫീസർ എ. ജാഫർ ഖാൻ, സീനിയർ ഫയർ ആൻഡ് റെസ്ക്യൂ ഓഫീസർ വി. സുകു എന്നിവരുടെ നേതൃത്വത്തിൽ 25 ഓളം സേനാംഗങ്ങൾ രക്ഷപ്രവർത്തനത്തിൽ പങ്കെടുത്തു.