ഫോർട്ടുകൊച്ചി: ചെല്ലാനം ഫിഷിംഗ് ഹാർബറിൽ ഇന്നലെ വൈകിട്ടുണ്ടായ തീപിടുത്തത്തിൽ ഫൈബർ വള്ളങ്ങളും സമീപത്തെ പെട്ടിക്കടയും കത്തിനശിച്ചു. ഹാർബറിന്റെ ഉള്ളിലെ തെക്ക് ഭാഗത്തായി വീണുകിടന്നിരുന്ന കരിയിലയ്ക്കാണ് ആദ്യം തീപിടിച്ചത്.
സമീപത്ത് ഉപയോഗ്യ ശുന്യമായ നിരവധി ഫൈബർ വള്ളങ്ങളും സാധാരണ വള്ളങ്ങളും കെട്ടിയിട്ടിട്ടുണ്ടായിരുന്നു. ഇതിൽ ഉപയോഗശൂന്യമായ രണ്ട് ഫൈബർ വള്ളങ്ങളും സമീപത്തെ പെട്ടിക്കടയും പൂർണമായി കത്തിനശിച്ചു. ഇന്നലെ രാത്രി ഏഴോടെയാണ് തീപിടുത്തമുണ്ടായത്. എറണാകുളം, മട്ടാഞ്ചേരി എന്നിവിടങ്ങളിൽ നിന്നുള്ള അഗ്നിരക്ഷാ സേനയെത്തി രാത്രി 10 ഓടുകൂടി തീ നിയന്ത്രണ വിധേയമാക്കുകയായിരുന്നു.
ഉപയോഗ ശുന്യമായ വള്ളങ്ങൾ ഹാർബറിൽ നിന്നും മാറ്റണമെന്ന് മത്സ്യത്തൊഴിലാളികൾ പല തവണ അധികാരികളോട് ആവശ്യപ്പെട്ടിരുന്നതായി ഇവർ പറഞ്ഞു.തീ പിടിച്ചത് കൂടുതൽ സ്ഥലങ്ങളിലേക്ക് വ്യാപിച്ചിരുന്നെങ്കിൽ ഒട്ടനവധി മത്സ്യബന്ധന ബോട്ടുകൾക്ക് തീപിടിക്കുമായിരുന്നുവെന്നും നാട്ടുകാർ പറഞ്ഞു.
Tags : Fire breaks Chellanam Harbor