തി​രു​വ​ല്ലം: നഗരത്തിന്‍റെ വിവി ധഇടങ്ങളിൽ തീപിടിത്തം. തി​രു​വ​ല്ലം ചി​ത്രാ​ഞ്ജ​ലി സ്റ്റു​ഡി​യോ കോ​മ്പാ​ണ്ടി​നു​ള്ളിലെ ഏ​ക​ദേ​ശം 75 ഏ​ക്ക​റോ​ളം വ​രു​ന്ന അ​ടി​ക്കാ​ടി​നും പു​ല്ലി​നും റ​ബ​ര്‍ മ​ര​ങ്ങ​ള്‍​ക്കും തീ​പി​ടി​ച്ചു. ഇന്നലെ രാ​വി​ലെ​യാ​ണ് തീ​പി​ടി​ത്ത​മു​ണ്ടാ​യ​ത്. ഉ​ണ​ങ്ങി​യ പു​ല്ലി​ന് അ​ജ്ഞാ​ത​ര്‍ തീ​യി​ട്ട​താ​കാം ശ​ക്ത​മാ​യ തീ​പി​ടി​ത്ത​മു​ണ്ടാ​കാ​ന്‍ കാ​ര​ണ​മെ​ന്നാ​ണ് സ​മീ​പ​വാ​സി​ക​ള്‍ പ​റ​യു​ന്ന​ത്. സ്റ്റു​ഡി​യോ​യി​ലെ സു​ര​ക്ഷാ ജീ​വ​ന​ക്കാ​ര്‍ വി​വ​രം അ​റി​യി​ച്ച​തി​നെ​ത്തു​ട​ര്‍​ന്നു തി​രു​വ​ന​ന്ത​പു​രം, വി​ഴി​ഞ്ഞം, ചാ​ക്ക നി​ല​യ​ങ്ങ​ളി​ല്‍നി​ന്നും സേ​നയെത്തി ഏ​ക​ദേ​ശം അഞ്ചുമ​ണി​ക്കൂ​റോ​ളം പ​രി​ശ്ര​മി​ച്ചാ​ണ് തീ ​നി​യ​ന്ത്ര​ണ വി​ധേ​യ​മാ​ക്കി​യ​ത്.

വി​ഴി​ഞ്ഞം നി​ല​യ​ത്തി​ല്‍ നി​ന്നും മൂന്നും തി​രു​വ​ന​ന്ത​പു​രം നി​ല​യ​ത്തി​ല്‍നി​ന്നും ഒന്നും ചാ​ക്ക നി​ല​യ​ത്തി​ല്‍ നി​ന്നും ഒന്നും യൂ​ണി​റ്റു​ള്‍​പ്പെ​ടെ അഞ്ചു യൂ​ണി​റ്റ് ക്രൂ ​പ​ണി​യെ​ടു​ത്താ​ണ് തീ ​പൂ​ര്‍​ണ​മാ​യും അ​ണ​ച്ച​ത്. തീ​പി​ടി​ത്ത​ത്തി​ല്‍ വ​ന്‍ നാ​ശ​ന​ഷ്ട​മാ​ണ് ഉ​ണ്ടാ​യി​ട്ടുള്ളത്.

പേ​രൂ​ര്‍​ക്ക​ട: പേരൂർക്കട മേഖല യിൽ ചപ്പു​ച​വ​റി​ന് തീ​യി​ട്ട​ത് ത​ടി​ക്ക​ട​യി​ലേ​ക്കു വ്യാ​പി​ച്ച് 10,000 രൂ​പ​യു​ടെ നാ​ശ​ന​ഷ്ടമുണ്ടായി. വ​ട്ടി​യൂ​ര്‍​ക്കാ​വി​ല്‍ നെ​ട്ട​യം മു​ക്കോ​ല​യ്ക്കു സ​മീ​പ​ത്തെ വി​ജ​യ​ന്‍റെ ഉ​ട​മ​സ്ഥ​ത​യി​ലു​ള്ള ത​ടി​ക്ക​ട​യി​ലെ ത​ടി​ക​ളാ​ണ് ക​ത്തി​ന​ശി​ച്ച​ത്. ഇ​ന്ന​ലെ പ​ക​ല്‍​സ​മ​യ​ത്താ​ണ് സം​ഭ​വം. വി​ജ​യ​ന്‍റെ സ​മീ​പ​വാ​സി​യാ​ണ് ച​പ്പു​ച​വ​റു​ക​ള്‍ കൂ​ട്ടി​യി​ട്ട് ക​ത്തി​ച്ച​ത്. കാ​റ്റി​ല്‍ തീ ​പ​ട​ര്‍​ന്നു ത​ടി​ക്ക​ട​യി​ലേ​ക്കു വ്യാ​പി​ക്കു​ക​യാ​യി​രു​ന്നു.

ക​ട​യു​ടെ സ​മീ​പ​ത്തു​കി​ട​ന്ന ത​ടി​ക​ള്‍ ക​ത്തു​ന്ന​തി​നി​ടെ വി​വ​ര​മ​റി​ഞ്ഞു തി​രു​വ​ന​ന്ത​പു​രം ഫ​യ​ര്‍‌​സ്റ്റേ​ഷ​നി​ല്‍ നി​ന്ന് ഫ​യ​ര്‍​ ആ​ൻഡ് റ​സ്‌​ക്യു ഓ​ഫീ​സ​ര്‍​മാ​രാ​യ സു​ജി​ത്ത് എ​സ്. കു​മാ​ര്‍, സാ​ബു, എ​സ്. അ​നി​ല്‍​കു​മാ​ര്‍, സേ​നാം​ഗം വി.​എ​ല്‍. പ്ര​ശാ​ന്ത് എ​ന്നി​വ​ര്‍ സ്ഥ​ല​ത്തെ​ത്തി ക​ട​യ്ക്കു​ള്ളി​ലേ​ക്കു തീ ​പ​ട​രു​ന്ന​ത് ഒ​ഴി​വാ​ക്കു​ക​യാ​യി​രു​ന്നു.

കൊ​ച്ചു​ള്ളൂ​രി​ല്‍ ഒ​രേ​ക്ക​ര്‍ വ​രു​ന്ന സ്വ​കാ​ര്യ​ഭൂ​മി​യി​ലും‍ തീ​പി​ടി​ത്തമുണ്ടായി. ബാ​ല​സു​ബ്ര​ഹ്മ ണ്യ​സ്വാ​മി ക്ഷേ​ത്ര​ത്തി​നു സ​മീ​പ​ത്തെ പ​റ​മ്പി​ലാ​യിരുന്നു തീ​പി​ടി​ച്ച​ത്. കൂ​ടി​ക്കി​ട​ന്ന ച​പ്പു​ച​വ​റു​ക​ളി​ല്‍ തു​ട​ങ്ങി​യ തീ ​പ്രദേശ ത്തു വ്യാ​പി​ക്കു​ക​യാ​യി​രു​ന്നു. സ​മീ​പ​ത്ത് വീ​ടു​ക​ള്‍ ഉ​ണ്ടാ​യി​രു​ന്നു​വെ​ങ്കി​ലും അ​വി​ടേ​ക്ക് തീ ​പ​ട​രാ​തെ സം​ര​ക്ഷി​ക്കാ​ന്‍ ഫ​യ​ര്‍​ഫോ​ഴ്‌​സിനു ക​ഴി​ഞ്ഞു. ചാ​ക്ക​യി​ല്‍നി​ന്നും തി​രു​വ​ന​ന്ത​പു​ര​ത്തു​നി​ന്നും ഓ​രോ യൂ​ണി​റ്റ് എ​ത്തി രണ്ടു മ​ണി​ക്കൂ​റോ​ളം പ​രി​ശ്ര​മി​ച്ചാ​ണ് തീ ​കെ​ടു​ത്തി​യ​ത്.

Tags : Local News Nattuvishesham Thiruvananthapuram