നടുപ്പതി ഗോത്രവർഗനഗറിൽ സഞ്ജീവനി ഒന്നാംഘട്ട കൃഷിക്കു തുടക്കംകുറിക്കുന്നു.
പാലക്കാട്: നടുപ്പതി ഗോത്രവർഗനഗറിൽ ഉൗരുനിവാസികളുടെ സഹകരണസംഘമായ സഞ്ജീവനി ഒലീവിയ ഫൗണ്ടേഷനുമായി ചേർന്ന് ഒന്നാംഘട്ട കൃഷിക്ക് തുടക്കംകുറിച്ചു. കാർഷികവൃത്തിക്കായി കുമാരൻ എന്ന ഉൗര് നിവാസി വിട്ടുനൽകിയ 7.5 ഏക്കർ സ്ഥലത്താണ് കൃഷി ആരംഭിച്ചത്. ആദ്യഘട്ടത്തിൽ വിയറ്റ്നാം വെറൈറ്റി പ്ലാവ്, ഇടവിളയായി എള്ള് എന്നിവയാണ് കൃഷി ചെയ്യുന്നത്.
കൃഷിഭൂമിക്കു ചുറ്റും നാരകം പ്രകൃതിദത്ത ഫെൻസിംഗായി നൽകിയാണ് കൃഷി ആരംഭിക്കുന്നത്. സംസ്ഥാന ഹോർട്ടികൾച്ചർ മിഷനാണ് വിത്തുകൾ നൽകിയത്. ഒലീവിയ അഗ്രോ സൊസൈറ്റി ഡയറക്ടറും മുൻ കൃഷിവകുപ്പ് ഡയറക്ടറും ആയിരുന്ന എ. പ്രസാദ് കർഷകർക്ക് വേണ്ട മാർഗനിർദേശങ്ങൾ നൽകി. ഒലീവിയ ഫൗണ്ടേഷൻ സിഇഒ അജിത്കുമാർ വർമ, ഒലീവിയ ഫൗണ്ടേഷൻ അഡ്വൈസർ രാമകൃഷ്ണൻ, ചീഫ് പ്രൊജക്ട് മാനേജർ ഗൗതം രാമകൃഷ്ണൻ, പ്രൊജക്ട് കോ-ഓർഡിനേറ്റർ ശ്രീജ, നീതു, സോണി എന്നിവർ പങ്കെടുത്തു.
Tags : First phase nattuvishesham local news