എറണാകുളം റൂറലിലെ പോലീസുകാര്ക്കായി ആലുവ രാജഗിരി ആശുപത്രിയില് സംഘടിപ്പിച്ച പ്രഥമ ശുശ്രൂഷ പരിശീലന ക്ലാസ്.
ആലുവ : എറണാകുളം റൂറലിലെ പോലീസ് ഉദ്യോഗസ്ഥര്ക്കായി ആലുവ രാജഗിരി ആശുപത്രിയില് പ്രഥമ ശുശ്രൂഷാ പരിശീലന ക്ലാസ് സംഘടിപ്പിച്ചു. ജീവന്രക്ഷാ രംഗത്ത് പോലീസ് ഉദ്യോഗസ്ഥരുടെ കാര്യക്ഷമത വര്ധിപ്പിക്കാന് ലക്ഷ്യമിട്ടായിരുന്നു പരിപാടി.
എറണാകുളം റൂറലിലെ നൂറോളം പോലീസുകാര് പങ്കെടുത്തു. ഹൃദയസ്തംഭനം മൂലം ഉണ്ടാകുന്ന പെട്ടെന്നുളള മരണം കുറയ്ക്കുന്നതില് പ്രഥമ ശുശ്രൂഷ ഏറ്റവും നിര്ണായകമാണെന്ന് രാജഗിരി മെഡിക്കല് സൂപ്രണ്ട് ഡോ. സണ്ണി പി. ഓരത്തേല് പറഞ്ഞു.
ക്രിട്ടിക്കല് കെയര് മെഡിസിന് വിഭാഗം മേധാവി ഡോ. ജേക്കബ് വര്ഗീസ്, എമര്ജന്സി വിഭാഗം മേധാവി ഡോ. നീരജ് അക്കരച്ചിറ്റൂര് എന്നിവര് പരിശീലന പരിപാടിക്ക് നേതൃത്വം നല്കി. അടിയന്തിര സാഹചര്യങ്ങളില് ഉടന് സഹായം നല്കാനും, പോലീസ് സേനയുടെ കാര്യക്ഷമത വര്ദ്ധിപ്പിക്കുന്നതിനും പരിശീലനം സഹായകരമായെന്ന് എടത്തല എസ്ഐ അരുണ് ദേവ് പറഞ്ഞു.
Tags : Local News Nattuvishesham Ernakulam Medical