ഇരുമ്പനം: ഇരുമ്പനത്ത് നാല് പേർക്ക് തെരുവുനായയുടെ കടിയേറ്റു. ഇരുമ്പനം എച്ച്ഒസി ക്വാർട്ടേഴ്സിന് സമീപത്തുള്ള ഹെൽത്ത് സെന്ററിൽ എത്തിയവർക്കാണ് നായയുടെ കടിയേറ്റത്.
ഇന്നലെ രാവിലെ ഒന്പതോടെ ആയിരുന്നു നായയുടെ ആക്രമണം. വാർഡ് കൗൺസിലറായ വള്ളി രവിക്ക് നേരെയും നായയുടെ ആക്രമണ ശ്രമം ഉണ്ടായി. മൂന്നു സ്ത്രീകളെയും നാല് പുരുഷന്മാരെയുമാണ് തെരുവുനായ ആക്രമിച്ചത്.
ഇതിൽ നാല് പേർക്കാണ് കടിയേറ്റത്. പുരുഷന്മാരിൽ ഒരാൾ ഇതരസംസ്ഥാന തൊഴിലാളിയാണ്. ഇയാളെ എറണാകുളം ജനറൽ ആശുപത്രിയിലെത്തിച്ച് കുത്തിവയ്പ്പ് നൽകി. സുപ്രീംകോടതി ഉത്തരവ് പ്രകാരം രണ്ടാഴ്ചക്കകം തെരുവു നായ്ക്കളുടെ കാര്യത്തിൽ സ്വീകരിച്ച നടപടികൾ അറിയിക്കണമെന്നറിയിച്ച് ഒരാഴ്ച കഴിഞ്ഞിട്ടും തെരുവുനായകളെ പേടിച്ച് റോഡിലൂടെ നടക്കാൻ കഴിയാത്ത സ്ഥിതിയിലാണ് ജനങ്ങൾ.
Tags : local nattuvishesham street dog