കൊഴിഞ്ഞാമ്പാറ: മേനോൻപാറ പുഴപ്പാലം റോഡരികിൽ ചാക്കിൽകെട്ടി മാലിന്യം തള്ളുന്നതു പതിവാകുന്നു. രാത്രിസമയങ്ങളിൽ ഇരുചക്രവാഹനങ്ങളിൽ മാലിന്യം കൊണ്ടുവന്നിടുന്നതായാണ് സമീപവാസികളുടെ ആക്ഷേപം. മഴ ചാറിയാൽ കടുത്ത ദുർഗന്ധമുണ്ടാകുന്നതായും പരിസരവാസികൾ പറയുന്നു.
കഴിഞ്ഞ കുറച്ചുമാസങ്ങളായി മാലിന്യംതള്ളുന്നതു നിലച്ചിരുന്നെങ്കിലും വീണ്ടും തുടങ്ങിയതാണ് നാട്ടുകാരുടെ പരാതിക്കിടയാക്കുന്നത്. മാലിന്യം ഭക്ഷിക്കാനെത്തുന്ന തെരുവുനായകൾ ചാക്കു കെട്ടുകൾ റോഡിലേക്ക് വലിച്ചിടുന്നതും യാത്രികർക്കു ദുരിതമായി. ഈ സ്ഥലത്ത് സോളാർ ലാമ്പുകളും നിരീക്ഷണ കാമറകളും സ്ഥാപിച്ച് സാമൂഹ്യവിരുദ്ധരെ പിടികൂടി പിഴയടപ്പിക്കണമെന്നതാണ് ജനകീയാവശ്യം.
Tags : local nattuvishesham Garbage