നെയ്യാറ്റിന്കര: പാതയോരങ്ങളിലേയ്ക്ക് വലിച്ചെറിഞ്ഞ മാലിന്യങ്ങളിലെ അസഹീനായ ദുര്ഗന്ധത്താല് കാല്നട യാത്ര പോലും ദുഷ്കരമാകുന്നു. അധികൃതര് നടപടി സ്വീകരിക്കുന്നില്ലെന്ന് ആക്ഷേപം.
ഉദിയന്കുളങ്ങരയ്ക്കു സമീപം കരമന- കളിയിക്കാവിള പാതയോരത്താണു മാലിന്യങ്ങള് വ്യാപകമായി വലിച്ചെറിയുന്നത്. കാടും പടര്പ്പും പടര്ന്നു പിടിച്ച പാതയോരത്തേ യ്ക്കെറിയുന്ന മാലിന്യങ്ങള് തെരുവു നായകളും കാക്കകളും മറ്റും റോഡിലേയ്ക്ക് വലിച്ചെടുത്ത് ആഹാരം തിരയുന്നതും പതിവ്. ശേഷിക്കുന്ന അവശിഷ്ടങ്ങള് അവിടെ തന്നെ കിടന്നു ദിവസങ്ങള് കഴിയുന്പോള് അസഹനീയ ദുര്ഗന്ധം വമിക്കുന്ന നിലയിലേയ്ക്ക് മാറുന്നു.
തൊട്ടടുത്ത ട്രാന്സ്ഫോര്മറിനു സമീപവും മാലിന്യക്കിറ്റുകളുണ്ട്. കാടും പടര്പ്പും വെട്ടിത്തെളിക്കാനോ മാലിന്യക്കിറ്റുകള് വലിച്ചെറിയുന്നതിനെതിരെ കര്ശന നടപടി കൈക്കൊള്ളാനോ ബന്ധപ്പെട്ട അധികൃതര് ശ്രമിക്കുന്നില്ലെന്നും പര ക്കെ ആക്ഷേപമുയരുന്നുണ്ട്.
Tags : local nattuvishesham roadside