കാഞ്ഞങ്ങാട്: സംസ്ഥാനത്തെ വിദ്യാഭ്യാസമേഖലയെ രാഷ്ട്രീയവത്കരിക്കാനുള്ള സർക്കാർ നീക്കം ഉപേക്ഷിക്കണമെന്ന് കേരള പ്രദേശ് സ്കൂൾ ടീച്ചേഴ്സ് അസോസിയേഷൻ (കെപിഎസ്ടിഎ) ജില്ലാ സമ്മേളനം ആവശ്യപ്പെട്ടു. ചീഫ് മിനിസ്റ്റേഴ്സ് മെഗാ ക്വിസ് എന്ന പേരിൽ സംസ്ഥാനത്തെ വിദ്യാലയങ്ങളിൽ നടപ്പിലാക്കാൻ പോകുന്ന പരിപാടി ഇതിനുദാഹരണമാണെന്ന് സമ്മേളനം ചൂണ്ടിക്കാട്ടി. കാഞ്ഞങ്ങാട് വ്യാപാരഭവനിൽ നടന്ന സമ്മേളനം സംസ്ഥാന ജനറൽ സെക്രട്ടറി പി.കെ. അരവിന്ദൻ ഉദ്ഘാടനം ചെയ്തു.
കെ ടെറ്റിന്റെ പേരിൽ അധ്യാപകരുടെ സ്ഥാനക്കയറ്റം തടയാനുള്ള നീക്കം അവസാനിപ്പിക്കണമെന്നും വർഷങ്ങളായി എയ്ഡഡ് വിദ്യാലയങ്ങളിൽ ജോലി ചെയ്ത് നിയമനാംഗീകാരം ലഭിക്കാത്ത അധ്യാപകരുടെ നിയമനം ഉടൻ സ്ഥിരപ്പെടുത്തണമെന്നും സമ്മേളനം ആവശ്യപ്പെട്ടു.
ജില്ലാ പ്രസിഡന്റ് പി.ടി. ബെന്നി അധ്യക്ഷത വഹിച്ചു. പി. ശശിധരൻ, പ്രശാന്ത് കാനത്തൂർ, അലോഷ്യസ് ജോർജ്, ജോമി ടി. ജോസ്, പി.കെ. ബിജു, കെ.എച്ച്. ശ്രീനിവാസ, എം.കെ. പ്രിയ, സ്വപ്ന ജോർജ്, പി. ജലജാക്ഷി, കെ. സുഗതൻ, നികേഷ് മാടായി, സി.കെ. അജിത, കെ.വി. ജനാർദനൻ, എ. സുമേഷ്, കെ. ശശീന്ദ്രൻ, എഫ്.എച്ച്. തസ്നീം, കെ. ജോൺ, വിമൽ അടിയോടി, കെ.ടി. റോയ്, രജനി കെ. ജോസഫ്, ജില്ലാ സെക്രട്ടറി കെ. ഗോപാലകൃഷ്ണൻ, ട്രഷറർ പി. ശ്രീജ എന്നിവർ പ്രസംഗിച്ചു.
തുടർന്ന് നടന്ന വിദ്യാഭ്യാസ സമ്മേളനം കെപിസിസി സെക്രട്ടറി ബാലകൃഷ്ണൻ പെരിയ ഉദ്ഘാടനം ചെയ്തു. പി. രാജേഷ് കുമാർ, ആർ.വി. പ്രേമാനന്ദൻ എന്നിവർ പ്രസംഗിച്ചു.പ്രതിനിധി സമ്മേളനം കെപിസിസി ജനറൽ സെക്രട്ടറി ഹക്കീം കുന്നിൽ ഉദ്ഘാടനം ചെയ്തു. ഭാരവാഹികളായി കെ.ഗോപാലകൃഷ്ണൻ- പ്രസിഡന്റ്, ടി. രാജേഷ് കുമാർ- സെക്രട്ടറി, പി. ശ്രീജ - ട്രഷറർ എന്നിവരെ തെരഞ്ഞെടുത്തു.
Tags : nattu vishesham KPSTA